Isaiah 36

1Quema Tlanahuatijquetl Ezequ'ias yohuiyaya para 14 xihuitl para tlanahuatis, hualajqui Senaquerib, nopa tlanahuatijquetl tlen tlali Asiria para quintehuiqui nopa altepetini ipan tlali Jud'a tlen moyahualojtoque ica tepamitl. Huan yajaya quintlanqui. 2Huan teipa quema nopa tlanahuatijquetl tlen tlali Asiria ehuani mopantiyaya ipan altepetl Laquis, quititlanqui itlayacanca tlen tlatehuijcayotl ica miyac isoldados ipan altepetl Jerusal'en para ma quicamahuiti Tlanahuatijquetl Ezequ'ias. Huan nopa asirios moquetzque nechca nopa aojtli tlen nopa pileta tlen eltoc ica ajco, ipan nopa ojtli tlen yohui ipan nopa mila tlen nopa Tlachicuenijquetl. 3Huajca quisqui Eliaquim, icone Hilc'ias, tlen eliyaya se tlayacanca tequihuejquetl ipan icaltlanahuatil Ezequ'ias, huan quisque itlajcuilojca Ezequ'ias tlen itoca Sebna, huan quisqui Joa, icone Asaf, tlen quiijcuilo tlen pano mojmostla ipan itlanahuatilis. 4Huan nopa tlayacanquetl tlen soldados tlen tlali Asiria quimacac ni tlajtoli para ma quiilhuitij Tlanahuatijquetl Ezequ'ias: --Ya ni tlen quiijtohua nopa tlanahuatijquetl tlen tlahuel quipiya chicahualistli tlen tlali Asiria: ¿Para tlen tijmachil'ia para tihueli titechtlanis tiAsiria ehuani? ¿Ipan ajqueya timotemachijtoc? 5¿Timoilhu'ia para nopa yejyectzi tlajtoli tlen mitzilhuijtoc nopa tlali Egipto ejquetl mitzpalehuis queja soldados tlen quipiyaj fuerza huan cuali quimatij quejatza tlatehuise? Itlajtol ax tleno ipati. Huajca, ¿ipan tlachque timotemach'ia para mitzpalehuis para timosisinis ica na? 6Niquita para tlahuel timotemach'ia ipan nopa tlayacanquetl tlen tlali Egipto para mitzpalehuis, pero yajaya eltoc queja se acatl tlen tlapanis quema se ipan motoctis. Huan ax san tlapanis nopa acatl, pero nojquiya quixahuas ima tlen ipan motoctijqui. Queja nopa, Fara'on tlen tlanahuat'ia ipan tlali Egipto quinchihuilis nochi tlen motemach'ia ipan ya. 7"Pero huelis tiquijtos para imojuanti inmotemach'iaj ipan imoTECO Dios. Pero ¿ax inmomacaj cuenta para Tlanahuatijquetl Ezequ'ias quicualancamacac imoTECO quema quinxolejqui nochi nopa tiocaltini huan nopa miyac tlaixpamitl tlen oncayaya ipan tepetini? Yajaya quinchihualti nochi Jud'a ehuani ma quihueyichihuaca san ipan se nopa tlaixpamitl tlen eltoc ipan altepetl Jerusal'en. 8"Huajca m'as cuali xijchihua se tlajtoli ica noteco, yajaya tlen tlanahuat'ia ipan tlali Asiria. Ax tleno tijpiya. Intla tiquinpantis ome mil motlacajhua tlen huelij nemij cahuajtipa, noteco mitzmacasqu'ia ome mil cahuayos para ipan tlejcose, pero ax tihueli. 9Mosoldados ax tleno ininpati, ¿huajca quejatza huelis timotehuis ihuaya se itlatequipanojca noteco yonque nelquentzi soldados quinpiya? Pampa nopa tlanahuatijquetl tlen tlali Egipto ax mitzmacas niyon se tlapalehuili. Ax mitzmacas carros para tlatehuise, niyon ax mitzmacas cahuayos. 10Huan ¿timoilhu'ia para na nihualajtoc nica san pampa nijnequi nijtehuis ni tlali? ¡Ax melahuac! Na nihualajtoc pampa imoTECO nechtitlanqui. Yajaya tlen nechilhuijtoc: 'Xiya huan xijxolehuati nopa tlali.' " 11Huajca Eliaquim, Sebna huan Joa quiilhuijque nopa tlayacanquetl tlen soldados tlen Asiria: --Se favor, tojuanti timotlatequipanojcahua timitztlajtlan'iaj xitechcamahui ica arameo tlajtoli pampa tojuanti tijmachil'iaj cuali. Amo xitechcamahui ica hebreo tlajtoli pampa tlacactoque nochi ne israelitame tlen itztoque campa tepamitl. 12Pero nopa tlayacanquetl tlen soldados quiijto: --Noteco quinequi ma quicaquica ni tlajtoli nochi tlen itztoque ipan nopa tepamitl huan nochi Jerusal'en ehuani; ax san imojuanti. Quinequi xijmatica intla ax inmotemacase ica tojuanti, tijyahualose ni altepetl huan ax tijcahuilise tleno ma calaqui hasta nochi tlacame mayanase huan amiquise hasta quicuase inincuitl huan quiise iniaxix. 13Huajca nopa tlayacanquetl tlen soldados moquetzqui huan quintzajtzili chicahuac nopa israelitame tlen moquetztoyaj campa tepamitl. Huan quincamahui ica hebreo tlajtoli huan quinilhui: --Xijcaquica cuali nopa tlajtoli tlen inmechilhu'ia nopa hueyi tlanahuatijquetl tlen tlali Asiria. 14Quej ni quiijtohua nopa tlanahuatijquetl: 'Ma ax inmechcajcayahua Tlanahuatijquetl Ezequ'ias pampa yajaya ax huelis inmechmanahuis. 15Niyon amo xijcahuilica para Ezequ'ias inmechchihualtis ximotemachica ipan imoTECO. Inmechilhu'ia para temachtli imoTECO inmechmanahuis huan ax quicahuilis nopa tlanahuatijquetl tlen tlali Asiria para quiaxcatis imoaltepe, pero ax neli.' 16"Amo xijtlacaquilica Ezequ'ias pampa nopa tlanahuatijquetl tlen tlali Asiria inmechilhu'ia para ximotemacaca ica tojuanti huan xijsencahuaca tlajtoli ica tojuanti para inquipiyase tlasehuilistli. Xijtlapoca imopuertas huan xiquisaca. Huan nijchihuas para sese imojuanti mocahuas ica tlen iaxca. Quicuas itlajca ixocomecamil huan ihigueramil, huan quiis nopa atl ipan iamel. 17Teipa quema nochi ya nijsencajtos niyas huan nimechhuicas ipan se tlali tlen tlahuel cuali queja cuali imotlal. Nimechhuicas ipan se tlali tlen tlahuel quielilt'ia trigo huan xocomecatl para inquichihuase pantzi huan tlaili. 18Ma ax inmechcajcayahua Tlanahuatijquetl Ezequ'ias huan inmechilhuis para imoTECO huelis inmechmanahuis tomaco. Niyon se tiotzi tlen onca ipan nochi nopa tlaltini campa tinejnentoque ax hueltoc quimanahu'ia itlal tlen nopa tlanahuatijquetl tlen tlali Asiria. 19¿Ax inquiilnamiquij tlachque tiquinchihuilijque nopa altepetini Hamat huan Arfad? ¿Huelis quinmanahui inindios? ¡Ax quinmanahui! Huan ¿tlachque panoc ipan altepetl Sefarvaim huan Samaria? ¿Canque itztoque ama inindioses? Niyon se ax huelqui quinmanahui itlacajhua nomaco. 20Huajca tlen nochi dioses tlen onca ipan ni tlaltini, ¿catl'ia quimanahuijtoc itlal tlen na nomaco? ¡Niyon se! Huajca ¿inmoilhu'iaj imoTECO huelis quimanahuis altepetl Jerusal'en nomaco?" 21Pero nopa tlacame ax quinanquilijque ica niyon se tlajtoli pampa Tlanahuatijquetl Ezequ'ias quinilhuijtoya para ax tleno ma quinanquilica. 22Huajca Eliaquim icone Hilc'ias, tlen eliyaya nopa tlayacanca tequihuejquetl ipan icaltlanahuatil Ezequ'ias, huan Sebna tlen elqui itlajcuilojca, huan Joa, icone Asaf, tlen quiijcuilo tlen pano mojmostla ipan itlanahuatilis, quitzayanque ininyoyo huan yajque campa Tlanahuatijquetl Ezequ'ias. Quipohuilijque nochi tlen quinilhuijtoya nopa tlayacanquetl tlen soldados tlen tlali Asiria.

will be added

X\