Isaiah 12

1Hualas se tonal quema tlacame huicase: "Nimitzhueyitlal'ia, TOTECO. Yonque tlahuel ticualaniyaya ica na, ama timoyoltlalijtoc huan tinechtlasojtlatoc. 2Xiquitaca intlacame, Toteco Dios yajaya notemaquixtijca. Huajca nimotemachis ipan ya huan ayoc nimajmahuis. TOTECO itztoc tlen nechmaca nochicahualis huan yeca san para ya nihuicas. San yajaya notemaquixtijca. 3Queja se ajhuiyac atl quinmaca paquilistli tlen amiquij, queja nopa tipaquij tojuanti, tiitlacajhua TOTECO tlen yajaya techmaquixtijtoc." 4Huan ipan nopa tonal quiijtose: "¡Xijtlascamatica TOTECO! ¡Xijhueyitlalica ya! ¡Xitepohuilica ipan nochi tlaltini nopa huejhueyi tlamantli tlen yajaya quichijtoc! ¡Xiteilhuica para TOTECO yajaya nel'ia hueyi! 5Xihuicaca tiohuicatl para TOTECO pampa yajaya quichijtoc huejhueyi tlamantli. Ma quimatica tlen quichijtoc nochi tlacame ipan tlaltepactli. 6Huan ma huicaca huan ma tzajtzica ica paquilistli, nochi tlen itztoque ipan altepetl Jerusal'en. Pampa tlatlajco tlen tojuanti itztoc TOTECO tlen nel'ia hueyi. Quena, yajaya nopa Dios Tlen Tlatzejtzeloltic Huan Itztoc Tohuaya Tiisraelitame."

will be added

X\