Hosea 6

1"Huan nopa tlacame quiijtose: '¡Xihualaca! Ma timocuepaca ica TOTECO pampa yajaya tlen techcocototzqui huan yajaya techchicahuas. Yajaya techcoco, pero nojquiya yajaya tlen sampa techpajtis. 2Temachtli ax huejcahuas huan sampa techmacas yolistli yancuic huan techyoliti para sampa tiitztose ica paquilistli iixpa. 3Huajca ma tiquixmatica TOTECO. Quena, mojmostla ma tijchihuaca campeca para noja m'as tiquixmatise. Huan temachtli yajaya monextis ica tojuanti queja tonati monext'ia ica ijnaloc. Huan temachtli hualas campa tojuanti queja temachtli huetzi atl quema ipohual.' 4"¿Tlachque m'as huelis nimechchihuilis imojuanti tlen inehuani tlali Israel huan tlali Jud'a para sampa innechicnelisqu'iaj? Imotlaicnelijcayo eltoc queja se mixtli tlen monext'ia ica ijnaloc huan nimantzi ixpolihui. O eltoc queja nopa ajhuechtli tlen huetzi ica ijnaloc huan nimantzi huaqui. 5Yeca monequi ajachica ma nimechtlatzacuiltis huan ma niquintitlanis notiocamanalojcahua ma inmechyolmelahuaca tlen hualas. Nimechcocojtoc ica notlajtol pampa nimechyolmelahuayaya para nimechtzontlamiltisqu'ia. Huan ama notlatzacuiltil temachtli inmechajsis queja temachtli quisa tonati ica ijnaloc. 6Na nijnequi xinechicnelica. Ax nijnequi tlacajcahualistli. Na nijnequi m'as xinechixmatica. Ya nopa m'as ipati que tlacajcahualistli tlatlatili tlen innechmacasqu'iaj. 7"Pero inisraelitame initztoque queja Ad'an huejcajquiya pampa inquiixpanoque nopa tlajtolsencahuali tlen nijchijqui imohuaya huan innechixpanotoque. 8Galaad eltoc se altepetl tlen tlacame tlen quichihuaj tlen m'as fiero huan temitoc ica estli. 9Queja tlaxtequini ojchiyaj ajqueya huelis quitlaxtequilise, se pamitl tlen totajtzitzi techiyaj huan temict'iaj ipan nopa ojtli tlen yohui para Siquem. Huan nojquiya nopano quichihuaj sequinoc tlamantli tlajtlacoli tlen m'as fiero. 10Quena, na niquitztoc se tlamantli tlen fiero ipan tlali Israel: Tlali Israel ehuani tlahuel yajtoque ica totiotzitzi queja se momecatijca sihuatl tlen tlahuel mosoquihuijtoc. 11"Huan imojuanti, intlali Jud'a ehuani, nojquiya inmechchiya se hueyi tlatzacuiltilistli. "Pero na nijnequiyaya nimechmacas notlacajhua tlen cuali queja inquipiyayayaj achtohuiya quema aya inmechhuicayayaj inilpitoque.

will be added

X\