HEBREOS 7

1Huejcajquiya Melquisedec eliyaya tlanahuatijquetl tlen altepetl Salem huan eliyaya se totajtzi iixpa Toteco tlen M'as Hueyi. Huan se tonal quema Abraham mocuepayaya ichaj pampa quintlantoya miyac tlanahuatiani ipan tlatehuilistli, Melquisedec quinamiquico huan quitiochijqui. 2Huan Abraham quimacac se diezmo tlen nochi tlamantli tlen quitlantoya ipan nopa tlatehuilistli. Nopa tocajyotl, Melquisedec, quiijtosnequi "tlanahuatijquetl tlen xitlahuac." Huan nojquiya eliyaya tlanahuatijquetl tlen Salem, huan Salem quiijtosnequi "Tlasehuilistli." Huajca yajaya se "Tlanahuatijquetl Tlen Tlasehuilistli." 3Ax cana ijcuilijtoc ajqueya itata, o ajqueya inana, o ajqueya ihuejcapan tatahua Melquisedec. Ax cana techilhu'ia quema tlacatqui o quema mijqui. Huajca tiquitaj para yajaya itztoc queja Icone Toteco tlen mochijtoc se totajtzi para nochipa. 4Xiquitaca quejatza tijmatij para tlahuel hueyi eliyaya Melquisedec. Achtohui Abraham, yajaya tlen elqui tohuejcapan tata nochi tiisraelitame, quiitac para hueyi pampa quimacac Melquisedec se diezmo tlen nochi tlen quitlantoya ipan tlatehuilistli. 5Miyac xihuitl teipa itlanahuatilhua Mois'es quinmacac tequihuejcayotl iixhuihua Lev'i tlen mochijque totajtzitzi para quiselise diezmos tlen israelitame yonque inijuanti nojquiya itztoyaj iniicnihua huan iteipa ixhuihua Abraham. 6Pero ni Melquisedec tlen ax tijmatij ajqueya itatahua ax eliyaya iixhui Lev'i, huan Abraham quimacac se diezmo tlen nochi tlen quipixqui. Ica ompa, Melquisedec quitiochijqui Abraham, yajaya tlen Toteco ya quitencahuilijtoya tlaque quimacas. 7Huan nochi tlacame quimatij para se tlen tetiochihua quipiya m'as tequihuejcayotl huan ax queja tlen tlatiochihuali. 8Ica expa, nopa israelita totajtzitzi tlen quiselijque nochi diezmos itztoyaj san tlacame tlen miquiyayaj huan teipa sequinoc quiitzquijque inintequi. Pero ica Melquisedec ax tiquitaj intla mijqui, pampa Itlajtol Toteco camati tlen ya queja noja itztoc. 9Huan ica najpa, tiquitaj m'as hueyi Melquisedec que israelita totajtzitzi tlen teipa itztosqu'iaj pampa eltoc queja ininhuejcapan tata tlen itoca eliyaya Lev'i, nojquiya itztoya nopona nopa tonal huan nojquiya quitlaxtlahui Melquisedec quema Abraham quimacac idiezmo. 10Pampa yonque Lev'i aya tlacatiyaya nopa tonal quema Melquisedec quinamijqui huan quiseli nopa diezmos, huelis tiquijtose para Abraham quihuicayaya ipan itlacayo nopa xinachtli ica tlen teipa tlacatisqu'ia Lev'i, pampa Lev'i elqui se iteipa ixhui Abraham. 11Huan ama ica ya ni nijtlamiltis. Nopa israelitame quinselijque itlanahuatilhua Mois'es tlen quiijto para totajtzitzi ma elica iteipa ixhuihua Lev'i. Pero intla nochi tlen nopa totajtzitzi quichijque hueltosqu'ia quinchijtosqu'iaj tlacame xitlahuaque iixpa Toteco, ax monectosqu'ia para Toteco techtitlanilijtosqu'ia seyoc totajtzi, yajaya Cristo, tlen ax ininteipa ixhui Lev'i huan Aar'on, pero quipiya tequihuejcayotl queja Melquisedec quipixqui huejcajquiya. 12Huan ama pampa mopatlac totajtzi, Toteco nojquiya monejqui quipatlas nopa israelita tlanahuatili, 13pampa tijmatij para Cristo ax huala ipan ihueyi familia Lev'i. Yajaya huala ipan seyoc hueyi familia tlen ax huelqui mochihuase totajtzitzi. 14Quena, nempa nesi para Tohueyiteco Jesucristo huala ipan nopa hueyi familia tlen mochijqui ica iteipa ixhuihua Jud'a. Huan Mois'es ax cana quiijcuilo intla Jud'a o se iixhui huelis mochihuas totajtzi. 15Huajca ama noja m'as nempa nesi para ya onca se yancuic tlamantli totajtzi tlen quipiya tequihuejcayotl queja Melquisedec. 16Quena, Cristo ax mochijqui totajtzi pampa hualayaya ipan ifamilia Lev'i tlen itlanahuatilhua Mois'es quiijtojque ma elis totajtzi. ¬°Axtle! Cristo mochijqui totajtzi pampa quipiya chicahualistli para itztos para nochipa huan axaca huelis quitlamiltis iyolis, 17yeca ijcuilijtoc ipan Itlajtol Toteco tlen Toteco Dios quiilhui Cristo, huan quiijto: "Ta tielis se totajtzi para nochipa ica san se nopa hueyi tequihuejcayotl queja Melquisedec quipixqui." 18Huajca Toteco quitlamiltili inintequi nopa miyac tlanahuatili tlen temacatoya achtohuiya pampa ax quipixqui chicahualistli, huan ax ipati eliyaya, 19para quinmaquixtis tlacame huan quinchihuas xitlahuaque iixpa Toteco. Pero ama pejtoc seyoc tlajtoli tlen achi cuali huan huelis tijnechcahuise Toteco pampa techchihuilijtoc tixitlahuaque iixpa. 20Quema Toteco quichijqui Jesucristo se totajtzi para nochipa, tlatestigojquetzqui para ma tijmatise para temachtli, 21pero quema quintequimacac nopa israelita totajtzitzi, axaca tlatestigojquetzqui. San ica Jesucristo Toteco Dios quiijto: "Na nimoTeco Dios. Nimotestigojquetza huan ax nimoyolcuepas: 'Ta tielis se totajtzi para nochipa ica san se nopa hueyi tequihuejcayotl queja Melquisedec quipixqui.' " 22Huajca tijmatij ica temachili para itequi Cristo queja totajtzi elis onpano m'as cuali que nopa totajtzitzi tlen achtohuiya, pampa itequi Cristo pejqui quema Toteco Dios tlatestigojquetzqui. 23Huan achtohuiya itztoyaj miyac totajtzitzi, pampa quema mijqui sesen inijuanti, monequiyaya seyoc ma quiitzquis itequi. 24Pero pampa Cristo itztos para nochipa, ayoc monequis seyoc. 25Huan yeca Cristo hueli quinmaquixtis para nochipa nochi tlacame tlen quinechcahu'iaj Toteco ipampa tlen yajaya quichijqui, pampa yajaya itztos para nochipa huan ajachica momaijtohua ica Toteco Totata ininpampa inijuanti. 26Jesucristo yajaya senquistoc nopa tlamantli hueyi totajtzi tlen monequiyaya para tojuanti. Yajaya tlatzejtzeloltic huan ax quipiya tlajtlacoli. Axaca huelqui quiteilhuis ica niyon se tlamantli tlen ax cuali. Huan ama yajaya itztoc iyoca tlen nochi titlajtlacolchijca tlacame, huan quitlalijtoc campa m'as onca tlatlepanitacayotl nepa ipan elhuicac. 27Nopa israelita totajtzitzi mojmostla quimacayayaj Toteco Dios tlacajcahualistli. Achtohui quimacayayaj para inintlajtlacolhua inijuanti, huan teipa quimacayayaj para inintlajtlacolhua nochi tlacame. Pero Cristo ax queja nopa quichijqui. Yajaya san se huelta motemactili huan mijqui queja se tlacajcahualistli, yeca ayoc monequi m'as tlacajcahualistli. 28Huejcajquiya itlanahuatilhua Mois'es quintequimacac tlacame para ma elica huejhueyi totajtzitzi yonque tlajtlacolchihuani tlen ax quipixque chicahualistli para quichihuase tlen nelcuali. Pero yonque ya eltoyaj itlanahuatilhua Mois'es, Toteco Dios motestigojquetzqui huan quitequimacac Icone, Jesucristo tlen senquistoc cuali, para ma eli hueyi totajtzi para nochipa.

will be added

X\