HEBREOS 3

1Noicnihua, imojuanti tlen initlatzejtzeloltijca tlacajhua Toteco huan tlen inmechtlapejpenijtoc para inyase elhuicac, ximoyolilhuica tlen Jes'us, yajaya itlayolmelajca Toteco huan tohueyi totajtzi tojuanti ipan totlaneltoquilis. 2Jes'us elqui temachtli iixpa Toteco tlen quitequimacac queja totajtzi. Quena, san se elqui temachtli queja Mois'es elqui temachtli ipan nochi nopa tlamantli tequitl tlen Toteco quimacac ma quichihua ipan ichaj Toteco huejcajquiya. 3Pero Jes'us itztoc m'as hueyi que Mois'es, yeca quinamiqui para m'as tijtlepanitase ya. Nochipa m'as tijtlepanitaj se calchijquetl huan ax queja nopa cali tlen yajaya quisencajqui. 4Nochi caltini quipiyaj ajqueya quinchijchijtoc, pero Toteco Dios, yajaya tlen quichijchijtoc nochi tlen onca ipan tlaltepactli. 5Huan Mois'es elqui temachtli para quichihuas nochi tlen Toteco quiilhui ipan nochi itequi ipan ichaj Toteco tlen quiquetzqui huejcajquiya, pero yajaya san elqui se tlatequipanojquetl. Huan nochi tlen quichijqui ipan nopa cali tlen Toteco tenextili tlen Toteco quichihuasqu'ia teipa. 6Pero Cristo, ax eli se tlatequipanojquetl, yajaya Icone Toteco huan yajaya quipiya tlanahuatili ica nochi ichaj Toteco. Huan tojuanti tlen titlaneltocani tiitztoque ipan ichaj Toteco intla tijsenhuiquil'iaj timoneltlal'iaj huan ica paquilistli timochiyaj ipan Toteco. 7Huan ijcuilijtoc ipan Itlajtol Toteco campa Itonal techilhu'ia: "Ama quema inquicaquij itlajtol Toteco, xijtlacaquilica. 8Amo ximoyoltetilica queja huejcajquiya moyoltetilijque nopa israelitame tlen eliyayaj imohuejcapan tatahua. Pampa huejcajquiya nepa campa huactoc tlali inijuanti quiyejyecojque Toteco para quiitase tlaque quichihuasqu'ia." 9(Huan Toteco quiijto:) "Yonque nijchihuayaya chicahualnescayotl iniixtla imohuejcapan tatahua para cuarenta xihuitl, inijuanti quejipa nechyejyecohuayayaj huan mochiyayayaj quiitase tlaque m'as nijchihuasqu'ia para nechneltoquilisqu'iaj. 10Yeca nel'ia nicualanqui ininhuaya nopa tlacame, pampa niquitac para ni tlacame nochipa yolchijchicoquisaj. Ax quiixmajtoque nopa cuali ojtli tlen na nijnequi ma quitoquilica. 11Huajca nicualanqui ininhuaya huan nimotestigojquetzqui para ax quema calaquise campa onca nopa tlasiyajcahualistli tlen nitemaca." 12Huajca noicnihua, ximomocuitlahuica para ax inquipiyase se imoyolo tlen ax cuali tlen ayoc quinequis tlaneltocas. Amo xijpiyaca se imoyolo tlen quinequi inmechchijchicoquixtis tlen Toteco tlen nel'ia yoltoc. 13M'as cuali, ama quema noja onca tonali, ximoyolchicahuaca se ica seyoc para m'as inquineltocase Toteco. Ma axaca moyoltetili ica Toteco pampa quicajcayajtoc tlajtlacoli. 14Pampa intla timochihuase titemachme hasta itlamiya tonali huan tijsenhuiquilise timotemachise ipan Toteco queja quema achtohuiya tijneltocaque Cristo, huajca temachtli tijselise ihuaya Cristo nochi tlen techtocaros. 15Huan ijcuilijtoc ipan Itlajtol Toteco campa quiijtohua: "Ama xijtlacaquilica tlen Toteco quiijtohua. Amo ximoyoltetilica ica ya queja nopa israelitame quichijque huejcajquiya quema ax quitlepanitaque." 16Huan ┬┐ajqueya eliyayaj nopa tlacame tlen ax quitlepanitaque yonque quicajque tlen yajaya quinilhui ma quichihuaca? Elque nopa israelitame tlen Mois'es quinquixti ipan tlali Egipto. 17Huan san se inijuanti tlen tlajtlacolchijque huan quicualancamacaque Toteco para cuarenta xihuitl, huan yeca quincahuili ma miquica nepa ipan huactoc tlali huan para nopona ma quintlalpachoca. 18Huan Toteco quinilhui nopa israelitame tlen ax quineltocaque para melahuac ax calaquisqu'iaj ipan nopa tlali tlatencahuali para ipan mosehuise. 19Huajca tiquitaj para inijuanti ax huelque calajque campa mosiyajcahuasqu'iaj pampa ax quineltocaque Toteco.

will be added

X\