HEBREOS 2

1Yeca pampa Icone Toteco itztoc m'as hueyi que nochi ielhuicac ejcahua Toteco, monequi achi m'as tijtlacaquilise nochi nopa tlamachtili tlen tijcactoque tlen ya para ax quema tichicoquisase tlen iojhui. 2Tijmatij nochi nopa tlanahuatili tlen Toteco temacac ica elhuicac ehuani huejcajquiya quipixqui chicahualistli. Huan tlen ax quineltocaque huan ax quintlepanitaque nopa tlanahuatili, quiselijque se tlatzacuiltili queja quinamiquiyaya. 3Huajca intla quintlatzacuilti tlen ax quintlepanitaque tlen quiijtojque ielhuicac ejcahua, noja m'as hueyi Toteco techtlatzacuiltis tojuanti intla ax tijchihuil'iaj cuenta nopa hueyi tlamantli tlen techchihuilijtoc Icone quema techmaquixti tlen totlajtlacolhua. Pampa elqui yajaya Tohueyiteco Jes'us tlen achtohui techilhuico para techmaquixtis tlen totlajtlacolhua, huan teipa nojquiya techilhuicoj nopa tlacame tlen quicajque itlajtol Icone. Quena, inijuanti no hualajque huan technextilijque para temachtli techmaquixtis. 4Huan nojquiya Toteco technextiliyaya para temachtli inintlajtol nopa tlacame, pampa quema Itonal Toteco quinequiyaya, quinmacayaya nopa tlacame yajatili ma quichihuaca tlanescayotl, chicahualis nescayotl huan miyac tlamantli tlen ica tlacame quinsentlachilijque. 5Huan Toteco ax quintequimacatoc elhuicac ehuani para tlanahuatise ipan nopa tlaltepactli tlen teipa oncas tlen ica ticamatij. 6Pero tlacame tlanahuatise nopona pampa ijcuilijtoc ipan Itlajtol campa se tlacatl quiilhu'ia Toteco: "Toteco, ┬┐para tlen titechchihuil'ia cuenta tojuanti titlacame? ┬┐Para tlen timocuatoton'ia ica tojuanti? 7Para se tlalochtli tijchijqui para titlacame ma ax tiitztoca tinelhuejhueyi queja nopa elhuicac ehuani. Pero teipa titechnextilis miyac tlatlepanitacayotl huan titechhueyitlalis titlacame. Huan titechmacas tequihuejcayotl ica nochi tlen tijchijtoc. 8Quena, tijtlali tomaco titlacame para ma tijnahuatica nochi." Huan quema quiijtohua quitlali nochi tlamantli momaco, quinequi quiijtos ax onca niyon se tlamantli tlen tlacame ax quinahuatise. Amantzi aya tiquitaj intla tlacame quinahuat'iaj nochi pampa noja polihui para panos. 9Pero tojuanti tiquitaj Jes'us, yajaya tlen para se tlalochtli Toteco quichijqui ma eli tlatzintla tlen elhuicac ehuani para huelqui mijqui topampa nochi titlacame pampa hueyi iyolo tohuaya. Huan ama pampa Jes'us mijqui topampa tojuanti, Toteco Dios quihueyitlalijtoc huan quinextilijtoc miyac tlatlepanitacayotl. 10Nochi tlen onca, eltoc pampa queja nopa ipaquilis Toteco. Huan yajaya quichijchijqui nochi tlen onca. Huan ica tlen Jes'us tlaijiyohui, Toteco quichijqui para yajaya ma eli nopa tlayacanquetl tlen senquistoc quinamiqui para quinmaquixtis nochi tlacame tlen mochihuase iconehua. 11Huajca ama Jes'us huan nochi tojuanti tlen techtlatzejtzelolchijtoc tijpiyaj san se totata, yajaya, toTata Dios. Yeca Jesucristo ax pinahua para techilhuis tiiicnihua. 12Ipan Itlajtol Toteco ijcuilijtoc campa Jes'us quiilhui iTata: "Niquincamahuis noicnihua tlen ta, huan ipan tlasentilistli timitzpaquilismacase san sejco ica huicatl." 13Huan nojquiya quiijtohua: "Na nimotemachis ipan Toteco Dios ihuaya noicnihua." Huan nojquiya Jes'us quiijto: "Nica niitztoc ininhuaya iconehua Toteco tlen yajaya nechmacatoc." 14Huan pampa tojuanti tlen Jes'us technotzqui "tiiconehua" san titlacame tlen tijpiyaj toomiyo huan tonacayo, Jes'us nojquiya tlacatqui queja se tlacatl tlen quipiya inacayo huan iomiyo. Huan pampa mochijqui se tlacatl, huelqui mijqui huan quixolejqui ichicahualis nopa Axcualtlacatl tlen quipixqui tlanahuatili para ma onca miquistli ipan tlaltepactli. 15Quena, Jes'us hualajqui queja se tlacatl para nochi tlacame tlen mojmostla quiimacasiyayaj miquise, ma ayoc majmahuica. Eltoc queja quintojtonqui tlacame campa ilpitoque para ma yaca malacantoque. 16Tojuanti tijmatij Jes'us ax hualajqui para quinpalehuis elhuicac ehuani. Yajaya hualajqui para techpalehuis nochi titlacame tlen tijneltocaj Toteco queja Abraham quineltocac. 17Yeca monequiyaya para Jes'us mochihuasqu'ia queja tojuanti tiiicnihua para huelis mochihuasqu'ia se tohueyi totajtzi tlen tetlasojtla huan temachtli techtenpalehu'ia iixpa Toteco. Huajca quena, Jes'us mocuepqui tlacatl para huelis motemactilis ica Toteco Dios topampa tojuanti queja nopa tlacajcahualistli tlen nelnel'ia techquixtilis totlajtlacolhua nochi titlacame. 18Huan pampa Jesucristo tlaijiyohui huan Axcualtlacatl quiyoltilanqui ma tlajtlacolchihua, ama Jes'us quipiya chicahualistli para techpalehuis quema titlaijiyohu'iaj huan quema Axcualtlacatl techyoltilana ma titlajtlacolchihuaca.

will be added

X\