HEBREOS 12

1Ama eltoc queja techyahualohuaj huan techtlachil'iaj nochi ni tlacame tlen achtohui quineltocaque Toteco huan quiijiyohuijque tlen quinpanotihualajqui. Huajca queja se motlalojquetl quichihua, ma timoquixtilica nochi tlen techtzacuil'ia huan ma tijtlahuelcahuaca nopa tlajtlacoli tlen m'as techtzacuil'ia. Ma timoyoltetilica huan ma timotlaloca ipan nopa ojtli tlen Toteco technextilijtoc. 2Ma tijpixtoca totlachiyalis ipan Jes'us tlen technextili quejatza ma tijneltocaca Toteco huan techpalehu'ia mojmostla achi m'as ma tijneltocaca. Yajaya quiijiyohui nopa hueyi pinahualistli para miquis ipan cuamapeli pampa quimatiyaya nopa hueyi paquilistli tlen quichiyayaya teipa. Huan ama ya mosehuijtoc inejmatl Toteco campa m'as onca tlatlepanitacayotl. 3Ximoyolilhuica tlen nochi tlen Jes'us quiijiyohui huan tlen nochi nopa fiero tlamantli tlen ax cuajcualme quichihuilijque para ax inyamalihuise huan intlapolose. 4Hasta amantzi ax timictoque ipan nopa tlatehuilistli ica nopa tlajtlacolchijca tlacame tlen techcocol'iaj. 5┬┐Huelis ya inquiilcajtoque tlen Toteco techilhui tojuanti tiiconehua? Ijcuilijtoc ipan Itlajtol Toteco campa yajaya techilhu'ia: "Noconehua, amo xicualanica quema na niimoTeco nimechtlalnamict'ia, niyon amo ximotzinquixtica quema nimechtlacahualt'ia. 6Pampa nochi tlen niquinicnel'ia, niquintlalnamict'ia, huan niquincuahuasashu'ia nochi tlen niquinsel'ia para elise noconehua." 7Huajca xiquijiyohuica quema Toteco inmechtlalnamict'ia pampa ica ya nopa inmechnextil'ia para nel'ia initztoque iniconehua. Quena, Toteco quichihua queja nochi tetatme tlen quintlalnamict'iaj huan quinxitlahuaj ininconehua quema quichihuaj tlen ax cuali para quinnextilise quejatza ma monejnemiltica cuali. Axaca se conetl tlen itata ax quema quitlalnamict'ia. 8Intla Toteco ax inmechtlalnamict'ia huan ax inmechxitlahua quema inquichihuaj tlen ax cuali, huajca ax nel'ia iniconehua. Ax initztoque ipan ifamilia huan yajaya ax imoTata. 9Nojquiya quema tiitztoyaj ticoneme, tijpixtoyaj totatahua ipan ni tlaltepactli tlen techtlalnamictiyayaj huan techtlacahualtiyayaj huan yeca tiquintlepanitayayaj. Huajca noja m'as monequi tijtlepanitase Toteco Totata para huelis se tonal tiitztose ihuaya. 10Totatahua ipan ni tlaltepactli techtlalnamictijque huan techtlacahualtijque para se ome xihuitl queja quiitaque para cuali pampa quinequiyayaj ma timonejnemiltica xitlahuac. Pero quema Toteco techtlalnamict'ia huan techxitlahua, yajaya quimati tlen senquistoc cuali para techpalehuis tielise titlatzejtzeloltique queja yajaya tlatzejtzeloltic. 11Quema se techtlalnamict'ia o techxitlahua, ax techpact'ia ipan nopa tlalochtli, pampa techcocohua. Pero intla tijchihuaj cuenta para tlen techxitlahua, teipa tiquitase para nopa tlatzacuiltili techpalehui miyac para tijchihuase tlen xitlahuac huan para ma tijpiyaca tlasehuilistli ipan toyolo. 12Huajca ximoyolchicahuaca ipan Toteco imojuanti tlen insiyahuij. Huan ximotetilica imojuanti tlen inyamalijtoque ipan imotlaneltoquilis. 13Xijtoquilica se ojtli tlen xitlahuac. Queja nopa, nochi tlacame tlen yohuij imotepotzco yonque pilquentzi quineltocaj Toteco, ax motepotlamise, niyon ax huetzise. Inijuanti nejnemise xitlahuac huan quipiyase chicahualistli. 14Xijchihuaca campeca xiitztoca ica yejyectzi ica nochi tlacame huan xijpiyaca se yolistli tlatzejtzeloltic, pampa intla ax inquipiyase se yolistli tlatzejtzeloltic, huajca ax huelis inquiitase Tohueyiteco. 15Hueyi iyolo Toteco ica tojuanti huan ximomocuitlahuica se ica seyoc para axaca quiilcahuas. Ma axaca yolcualani pampa intla se cualantinemis, huelis quintlanahuis miyac toicnihua huan huelis quinmajcahuas ipan tlajtlacoli. 16Ximotlachilica para axaca ma quichihua tlamantli ica tlen ax inamic. Ma axaca quihuejcamajcahua tlen Toteco techmacatoc queja Esa'u quichijqui. Yajaya quitlahuelcajqui nochi nopa tlatiochihuali tlen eliyaya iaxca para quiselis pampa eliyaya nopa achtohui ejquetl. Quena, nochi quinemaquilti iicni ica se plato tlacuali quema mayanayaya. 17Huan tijmatij para teipa Esa'u quinequiyaya quiselis itlatiochihual itata, pero ax huelqui. Yonque chocac miyac, ya panotoya tonal para moyolcuepas huan para moaxcatis tlen quinamacatoya. 18Imojuanti ax inmonechcahu'iaj campa se tepetl tlen hueli inquiitzquise queja nopa israelitame quichijque huejcajquiya quema Toteco quinmacac itlanahuatilhua. Inijuanti quinechcahuijque se tepetl tlen tlatlayaya, huan iniixpa monexti se hueyi tzintlayohuilotl tlen quinmajmati, huan quiitaque se hueyi ajcomalacatl. 19Huan quicajque tlapitzali huan quicajque quejatza chicahuac Toteco quincamahuiyaya. Huan inijuanti tlahuel quiimacasque itlajtol huan yeca ica nochi ininyolo quitlajtlanijque Toteco para ma ayoc quincamahui. 20Toteco quinmacac se tlanahuatili para intla aqui hueli tlacatl o tlapiyali quinechcahuisqu'ia nopa tepetl, monequi quimictise ica tetl o ica cuatlamintli. Huajca inijuanti tlahuel momajmatijque. 21Huan pampa tlahuel temajmati tlen quiitaque ipan nopa tonal, Mois'es nojquiya quiijto: "Nel'ia nimajmahui huan nihuihuipica." 22Pero ica imojuanti ax queja nopa. Inajsitoque campa tepetl Sion campa eltoc ialtepe Toteco tlen yoltoc. Quena, inajsitoque ipan altepetl Jerusal'en tlen eltoc nepa elhuicac campa mosentilijtoque onpano miyac miles tlen elhuicac ehuani. 23Inajsitoque ipan nopa tlasentilistli tlen tlacame tlen temachtli quiselise itlatiochihualis Toteco pampa quipiyaj inintoca ijcuilijtoc nepa elhuicac. Quena, inajsitoque campa Toteco itztoc, yajaya tlen quintlajtolsencahuas nochi tlacame. Nojquiya inmosentilijtoque ininhuaya inintonaltzitzi cuajcuali tlacame tlen ama Toteco quinchijtoc senquistoc xitlahuaque iixpa. 24Inajsitoque campa Jes'us tlen quichijqui ni yancuic tlajtolsencahuali ica Toteco huan tlacame. Inajsitoque campa eltoc ieso yajaya tlen tetlapojpolhu'ia. Huan ieso Jes'us tlen tetlapojpolhu'ia eltoc m'as cuali que ieso Abel tlen quinotzayaya Toteco para ma tetlatzacuilti. 25Huajca xijchihuaca campeca para inquitlamichihuase tlen Toteco techilhu'ia. Huejcajquiya nopa israelitame tlen itztoyaj ipan ni tlaltepactli quiselijque se hueyi tlatzacuiltili pampa ax quitlepanitaque itlajtol Toteco tlen Mois'es quinpohuiliyaya. Huajca achi m'as tojuanti tijselise se hueyi tlatzacuiltili intla ax tijchihuase cuenta tlen techcamahu'ia tlen elhuicac. 26Achtohuiya, quema Toteco quincamahui ipan nopa tepetl Sina'i, itos quichijqui ma mojmolini tlali. Huan ama yajaya techtencahuilijtoc sampa mojmolinis pampa quiijtohua: "San se huelta m'as nitecamahuis, huan sampa mojmolinis tlaltepactli. Pero ama nojquiya mojmolinis elhuicactli." 27Quema yajaya quiijto: "San se huelta m'as", quiijtosnequi para mojmolinis huan Toteco quiquixtis nochi tlamantli tlen yajaya quichijtoc. Huan san mocahuas nopa tlamantli tlen eltoc para nochipa tlen ax hueli mojmolin'ia. 28Huajca pampa tijselise se altepetl tlen ax hueli mojmolin'ia, ma tijtlascamatica Toteco. Nojquiya ma tijtequipanoca ica nochi toyolo, ma tijpaquilismacaca huan ma tijhueyichihuaca ica miyac majmajtli huan tlatlepanitacayotl, 29pampa Toteco yajaya temajmati queja se tlitl tlen quitlamitlat'ia nochi tlen onca.

will be added

X\