Genesis 50

1Huajca Jos'e quinajnahuajqui itlacayo itata huan chicahuac chocac huan quitzoponi. 2Teipa quinnahuati nopa itepajtijcahua ma quitlalilica tlaajhuiyacayotl tlen pajyo ipan itlacayo itata para ma ax palani. Huan queja nopa quichijque. 3Huan quitlalilijque nopa pajtlaajhuiyacayotl 40 tonali pampa monejqui quitlamiltise nopa tonali para ax palanis. Huan nopa egiptome quichoquilijque Israel 70 tonali. 4Teipa quema panoc nopa choquistli, Jos'e quincamahui itlapalehuijcahua ipan ichaj Fara'on huan quinilhui: --Se favor, xijcamahuica Fara'on tlen na huan xiquilhuica 5para quema notata miquiyaya, nechchijqui ma nijtestigojquetza Toteco Dios para nijtlalpachosqu'ia ipan se tlacacahuaya tlacoyoctli tlen iaxca tofamilia ipan tlali Cana'an. Huajca xijtlajtlanica ma nechcahuili ma niya tlali Cana'an nijtlalpachoti notata. Huan quema nijtlalpachos, nimocuepas. 6Huan nopa Fara'on tlananquili para quena huan quiilhui Jos'e: --Xiya xijtlalpachoti motata queja ya mitzilhui. 7Huan Jos'e yajqui quitlalpachoto itata. Huan ihuaya yajque nochi nopa tlacame tlen quihuicaque tequihuejcayotl para tlanahuatise ihuaya Jos'e. Huan nojquiya yajque tlen quipixque tlanahuatili ipan ichaj Fara'on huan ipan tlali Egipto. 8Huan yajque nochi iicnihua Jos'e ininhuaya nochi iteixmatcahua itata. Ipan tlali Gos'en san quincajtejque ininconehua huan inintlapiyalhua. 9Nojquiya yajque miyac tlacame ipan cuacarros huan ipan cahuayojme ihuaya Jos'e. Elque tlahuel miyac tlacame tlen yajque. 10Huan quema ajsitoj campa quiyolquixt'iaj trigo ipan Atad nechca nopa atemitl Jord'an, nochi quipixque se hueyi choquistli huan ica miyac cuesoli Jos'e quichoquili itata para chicome tonali. 11Huan quema nopa cananeos tlen ejque nopano quiitaque para nel'ia chocayayaj campa tlayolquixt'ia campa itoca Atad, quiijtojque: "Tlahuel hueyi inincuesol nopa egiptome." Huan yeca quitocajtijque Abel Mizraim. (Abel Mizraim quinequi quiijtos Campa Nopa Egiptome Chocaque.) Abel Mizraim mocahua nechca atemitl Jord'an para campa temo tonati. 12Huan itelpocahua Jacob quichijque ica inintata nochi tlen ya quintlajtlanijtoya. 13Quihuicaque ipan tlali Cana'an huan quitlalpachojque ipan nopa tlacacahuaya tlen eltoc ipan mila Macpela nechca Mamre tlen Abraham quicohuilijtoya Efr'on, nopa heteo tlacatl, para ipan quintlalpachosqu'iaj nochi iteixmatcahua. 14Teipa quema ya quitlalpachojtoyaj inintata, Jos'e mocuepqui tlali Egipto ihuaya iicnihua huan nochi sequinoc tlen ihuaya yajtoyaj. 15Quema iicnihua Jos'e momacaque cuenta para inintata Jacob ya mictoya, moilhuijque: "Nohueli Jos'e techcualancaitas huan quinequis techcuepilis ica tlen fiero tijchihuilijque huejcajquiya." 16Huajca tlatitlanque ma quiilhuitij: "Quema totata aya miquiyaya, 17technahuati ma timitzilhuica, xijchihuili se favor huan xitechtlapojpolhui totlajtlacol timoicnihua quema timitzchihuilijque tlen fiero. Huan tojuanti nojquiya timitztlajtlan'iaj xitechtlapojpolhui tlen timitzchihuilijque. Ama tijtequipanohuaj Toteco Dios tlen totata quitoquili." Huan Jos'e chocac quema quicajqui ni tlamantli. 18Huan teipa ajsicoj iicnihua huan mopachojque iixtla ica tlatlepanitacayotl huan quiilhuijque: --Nica titechpixtoc para timoaxcahua. Timitztequipanose san tlapic. 19Pero Jos'e quinilhui: --Amo ximajmahuica. Na ax niDios para nimechtlatzacuiltis. 20Melahuac inquinequiyayaj innechchihuilise tlen nel'ia ax cuali, pero Toteco Dios quisencajqui para ica tlen fiero innechchihuilijque, yajaya quichihuasqu'ia se tlamantli tlen onpano cuali. Yajaya quinequiyaya quimanahuis ininyolis miyac tlacame huan ya nopa tlen ama inquiitaj pano. 21Huajca amo ximajmahuica. Nimechmacas imojuanti huan imoconehua tlen inquicuase. Huan Jos'e quincamahui ica teicnelijcayotl huan queja nopa quinyoltlali. 22Huan Jos'e ihuaya nochi iteixmatcahua noja mocajque ipan tlali Egipto huan yajaya ax mijqui hasta quipixqui 110 xihuitl. 23Jos'e itztoya hasta iconehua Efra'in quinpixque iniixhuihua. Nojquiya itztoya hasta Maquir, icone Manas'es, quinpixqui iconehua. Quena, iixhuihua Manas'es mahuiltijque iicxitla ininhueyi tata Jos'e. 24Huan se tonal Jos'e quinilhui iicnihua: "San nechpolohua quentzi para nimiquis, pero teipa Toteco Dios hualas inmechpalehuis huan inmechquixtis tlen ni tlali para inmechhuicas ipan nopa tlali tlen quintencahuili Abraham, Isaac huan Jacob para quinmacas." 25Huajca Jos'e quincamahui iicnihua tlen nojquiya itztoyaj itelpocahua Israel queja ya. Huan quinchihualti ma quitestigojquetzaca Toteco para quihuicase iomiyohua ininhuaya quema ajsis tonal para quisase tlen tlali Egipto. Quinilhui: "Quema Toteco Dios hualas huan inmechhuicas sampa ipan tlali Cana'an, monequi inquihuicase noomiyo imohuaya." 26Huajca Jos'e mijqui ipan tlali Egipto quema quipiyayaya 110 xihuitl huan itlacayo quipajtijque ica pajtlaajhuiyacayotl para ax palanisqu'ia. Huan quitlalijque ipan se cuacajo ipan tlali Egipto.

will be added

X\