Genesis 5

1Ya ni inintoca iteipa ixhuihua Ad'an: Quema Toteco Dios quinchijqui tlacame, quinsencajqui queja ya itlachiyalis. 2Quinsencajqui tlacame huan sihuame huan ipan nopa tonal quema quinchijqui, quintiochijqui huan quintocajti "tlacame". 3Huan quema Ad'an quipixqui 130 xihuitl, tlacatqui icone tlen elqui queja ya huan san se inintlachiyalis huan quitocajti Set. 4Huan quema ya tlacajtoya Set, Ad'an noja itztoya seyoc 800 xihuitl huan quinpixqui m'as iconehua, tlacame huan sihuame. 5Huan mijqui Ad'an quema quipixqui 930 xihuitl. 6Huan Set quipiyayaya 105 xihuitl quema tlacatqui icone, En'os. 7Teipa Set noja itztoya seyoc 807 xihuitl huan noja quinpixqui sequinoc iconehua, tlacame huan sihuame. 8Huan mijqui Set quema quipixqui 912 xihuitl. 9Huan En'os quipiyayaya 90 xihuitl quema tlacatqui icone, Cain'an. 10Teipa En'os noja itztoya seyoc 815 xihuitl huan noja quinpixqui m'as iconehua, tlacame huan sihuame. 11Huan En'os mijqui quema quipixqui 905 xihuitl. 12Huan Cain'an quipiyayaya 70 xihuitl quema tlacatqui icone, Mahalaleel. 13Teipa Cain'an itztoya seyoc 840 xihuitl huan noja quinpixqui m'as iconehua, tlacame huan sihuame. 14Huan Cain'an mijqui quema quipixqui 910 xihuitl. 15Huan Mahalaleel quipiyayaya 65 xihuitl quema tlacatqui icone, Jared. 16Teipa Mahalaleel itztoya seyoc 830 xihuitl huan noja quinpixqui m'as iconehua, tlacame huan sihuame. 17Huan mijqui Mahalaleel quema quipixqui 895 xihuitl. 18Huan Jared quipiyayaya 162 xihuitl quema tlacatqui icone, Enoc. 19Teipa, Jared itztoya seyoc 800 xihuitl m'as huan noja quinpixqui m'as iconehua, tlacame huan sihuame. 20Huajca nochi xihuitl tlen itztoya Jared quiaxiti 962 xihuitl huan huajca mijqui. 21Huan Enoc quipiyayaya 65 xihuitl quema tlacatqui icone, Matusal'en. 22Huan Enoc nochipa quichijqui ipaquilis Toteco Dios. Huan teipa quema Matusal'en ya tlacajtoya, Enoc itztoya seyoc 300 xihuitl m'as huan noja quinpixqui sequinoc iconehua, tlacame huan sihuame. 23Huajca ica nochi Enoc quiaxiti 365 xihuitl. 24Huan pampa Enoc nochipa nejnentoya queja Toteco Dios ipaquilis, se tonal polijqui pampa Toteco Dios quihuicac. 25Huan Matusal'en quipiyayaya 187 xihuitl quema tlacatqui icone tlen quitocajti Lamec. 26Huan teipa Matusal'en itztoya seyoc 782 xihuitl m'as huan noja quinpixqui m'as iconehua, tlacame huan sihuame. 27Huajca ica nochi Matusal'en quiaxiti 969 xihuitl huan huajca mijqui. 28Lamec quipiyayaya 182 xihuitl quema tlacatqui icone, 29huan quitocajti No'e. (No'e quinequi quiijtos Techyoltlalis.) Queja nopa quitocajti pampa quiijto: "TOTECO quitelchijqui ni tlali, huan monequi titequitise tlahuel chicahuac para titlaeliltise, pero ni conetl techyoltlalis." 30Huan teipa quema No'e ya tlacajtoya, Lamec noja itztoya seyoc 595 xihuitl huan noja quinpixqui m'as iconehua, tlacame huan sihuame. 31Huajca nochi xihuitl tlen itztoya Lamec quiaxiti 777 huan huajca mijqui. 32Huan No'e quipiyayaya 500 xihuitl quema tlacatque iconehua, Sem, Cam huan Jafet.

will be added

X\