Genesis 48

1Teipa quema panotoya se quentzi tonali quiilhuijque Jos'e para itata mococohua. Huajca Jos'e yajqui quiitato huan quinhuicac iome telpocahua, Manas'es huan Efra'in. 2Huan quema quiyolmelajque Jacob para icone, Jos'e, ajsitoya para quiitati, quichijqui fuerza huan mosehui ipan itlapech. 3Huan quiilhui Jos'e: --Toteco Tlen Quipiya Nochi Chicahualistli monexti campa niitztoya nechca altepetl Luz ipan tlali Cana'an huan nechtiochijqui. 4Huan nechilhui para quinmiyaquilis noconehua huan noteipa ixhuihua hasta mochihuase tlahuel miyac tlacame. Nojquiya nechilhui para noteipa ixhuihua quinmacasqu'ia nopa tlali huan elis iniaxca para nochipa. 5Huajca ama huan teipa ni ome moconehua, Efra'in huan Manas'es, tlen tlacatque nica ipan tlali Egipto quema aya niajsiyaya elise queja noaxcahua para quiselise san se queja Rub'en huan Sime'on quiselise. 6Pero nopa moconehua tlen tlacatise teipa elise moaxcahua ta. Huan inijuanti quiselise tlen quintocaros ipan nopa tlali tlen elis iniaxca Efra'in huan Manas'es. 7Quema nimocuepayaya tlen tlali Aram, mijqui monana Raquel ipan Cana'an quema tinejnemiyayaj ipan ojtli huan san quentzi polihuiyaya para tiajsitij altepetl Efrata. Huan nijtojqui nopano ipan ojtli para altepetl Efrata tlen ama itoca Bel'en. 8Huan Israel quinitac itelpocahua Jos'e huan quiijto: --Huan ¿ni telpocame? 9Huan ya quiilhui: --Ni noconehua tlen Toteco Dios nechmacatoc nica ipan tlali Egipto. Huan itata quiilhui: --Xijchihua se favor, xiquinnechcahuilti campa na para niquinmacas notlatiochihual. 10Huan Israel eliyaya nelhuehuentzi huan ayoc cuali iixtiyol, huan yeca ayoc hueliyaya tlachiya cuali. Huan Jos'e quinnechcahuilti itelpocahua campa itata, huan Jacob quintzoponi huan quinnajnahuajqui. 11Teipa Jacob quiilhui Jos'e: --Ayoc nijchiyayaya para sampa nimitzitas huan yonque ya nopa, Toteco Dios nechcahuilijtoc nojquiya ma niquinita moconehua. 12Huan Jos'e quinijcueni itelpocahua tlen itztoyaj nechca itlancuaco itata, huan motlancuaquetzqui huan mopacho tlalchi ica hueyi tlatlepanitacayotl iixtla itata. 13Huan teipa Jos'e quinmatilanqui nopa ome itelpocahua huan quitlali Efra'in ica inejmatl huan Manas'es ica iarraves, huan quinnechcahuilti campa itata, Israel. Queja nopa Efra'in mocajqui ica iarraves Israel huan Manas'es ica inejmatl. 14Pero quema Israel quixitlajqui ima, momanepano huan quitlali inejmatl ipan itzonteco Efra'in tlen eliyaya teipa ejquetl, huan quitlali iarraves ipan itzonteco Manas'es tlen eliyaya achtohui ejquetl. 15Huajca Israel quintiochijqui queja ni: "Toteco Dios ma quintiochihua ni telpocame. Yajaya nopa Dios tlen ihuaya nejnenque notatahua Abraham huan Isaac, huan tlen nechmocuitlahuijtoc nochi noyolis. 16Yajaya tlen quititlantoc ielhuicac ejca tlen nechmanahuijtinentoc ica nochi tlen fiero. yajaya ma quintiochihua ni telpocame. Huan nochi tlacame ma quimatica inijuanti noaxcahua, huan iniaxcahua notatahua, Abraham huan Isaac. Ma quinpiyaca miyac ininconehua huan ma momiyaquilica ininteipa ixhuihua miyac ipan tlaltepactli." 17Pero Jos'e ax quipacti para itata quitlalijtoya inejmatl ipan itzonteco Efra'in huan quiitzquili ima para quiijcuenis huan quitlalis ipan itzonteco Manas'es. 18Quiilhui: --¡Axtle, Pap'a! Ya ni tlen achtohui ejquetl. Xijtlali monejmatl ipan itzonteco. 19Pero itata ax quinejqui quichihuas huan quiilhui: --Nijmati, nocone, ya nijmati. Nojquiya iteipa ixhuihua mochihuase nel'ia miyac tlacame tlen nochi quintlepanitase. Pero iicni teipa ejquetl elis m'as hueyi que ya huan iteipa ixhuihua iicni m'as momiyaquilise huan mochihuase miyac tlaltini. 20Huajca ipan nopa tonal Jacob quintiochijqui Efra'in huan Manas'es huan quinilhui: "Nochi sequinoc noteipa ixhuihua quitequihuise imotoca para tlatiochihuase huan quiijtose: 'Toteco Dios ma mitzchihua hueyi queja quinchijqui Efra'in huan Manas'es.' " Queja nopa Israel quitlali para Efra'in elis m'as hueyi huan teipa Manas'es. 21Teipa Israel quiilhui itelpoca, Jos'e: --Xiquita, ya ajsitinemi nopa tonal para nimiquis, pero Toteco Dios itztos imohuaya huan quichihuas para sampa xiyaca ipan inintlal mohuejcapan tatahua. 22Huan nimitzmacatoc ta nopa tlali tlen m'as cuali que nopa tlen niquinmacac moicnihua pampa m'as tihueyi. Yeca nimitzmaca tlen niquinquixtili nopa amorreo tlacame ica nomachete huan nocuahuitol.

will be added

X\