Genesis 43

1Huan nopa mayantli m'as eliyaya ipan inintlal. 2Huan Jacob huan iteixmatcahua quitlamicuajque nochi nopa trigo tlen quicuitoj ipan tlali Egipto, huajca quinilhui itelpocahua: --Xiyaca sampa xijcohuatij trigo. 3Pero Jud'a quiilhui: --Nopa tlacatl ya techilhuijtoc para ax huelis tiquitase intla ax tijhuicase toicni teipa ejquetl. 4Huajca intla tijcahuas ma yohui tohuaya Benjam'in, tiyase tijcohuatij trigo. 5Pero intla ax tijcahuas ma yohui, ax tiyase pampa san tlapic. Nopa tlacatl techilhui intla ax tijhuicaj nepa toicni teipa ejquetl, ax huelis tiquitase. 6Huajca Israel quiijto: --¿Para tlen innechchihuil'iaj tlen fiero huan inquiilhuijque nopa tlacatl para inquipiyayayaj seyoc imoicni? 7Huan inijuanti quiilhuijque: --Tiquilhuijque pampa yajaya techtlajtlaniyaya miyac tlen tojuanti huan tofamilias. Techtlajtlani intla noja itztoc totata, huan intla tijpiyaj seyoc toicni. Huan san tijnanquiliyayaj tlen techtlajtlaniyaya. ¿Quejatza tijmatisqu'iaj para techilhuisqu'ia ma tijhuiquilisqu'iaj toicni? 8Huan Jud'a quiilhui Israel, itata: --Intla tijnequi ma tiitztoca, xijcahuili ma yohui Benjam'in, huan na nijmocuitlahuis huan tiyase nimantzi. Queja nopa ax timiquise, niyon ta, niyon tojuanti, niyon toconehua. 9Huan intla tlen hueli ipantis, na notlajtlacol. Intla ax nimitzcuepilis, huajca nijhuicas tlajtlacoli moixtla para nochipa. 10Intla ax tihuejcajtosqu'iaj, ya tiyajtosqu'iaj huan ya tihualajtosqu'iaj ompa. 11Huajca itata quinilhui: --Ayoc onca seyoc tlamantli tlen hueli tijchihuase, huajca ama xijchihuaca ya ni. Xijtemilica imocoxtal tlamantli tlen m'as cuali tlen temaca ni totlal para xijtlamajmacatij nopa tlacatl. Xijhuiquilica quentzi b'alsamo, sayolnectli, tlaajhuiyacayotl, mirra, huan almendras huan nopa nueces tlen itoca pistache tlen nel'ia ajhuiyac. 12Xijhuicaca nojquiya ome huelta imiyaca nopa tomi tlen inmechcuepilijque ipan imocoxtal. Nohueli mocuapolojque. 13Huan xijhuicaca imoicni Benjam'in huan sampa xiquitatij nopa tlacatl. 14Toteco Tlen Quipiya Nochi Chicahualistli ma inmechtlasojtla. Ma inmechpalehui iixtla nopa tlacatl para ma quimajcahua nopa seyoc imoicni huan Benjam'in para ma mocuepaca imohuaya. Huan ica na, intla monequi niquinpolos noconehua, huajca queja nopa ma eli. 15Huajca itelpocahua Jacob quihuicaque iniicni, Benjam'in, huan tlamantli tlen temajmacatij, huan ome hueltas imiyaca tomi. Teipa quistejque, moisihuiltijque yajque tlali Egipto huan monextitoj iixtla Jos'e. 16Huan quema Jos'e quiitac Benjam'in ininhuaya hualayaya, quiilhui itequipanojca tlen m'as tlayacana ipan ichaj: --Xiquinhuica ni tlacame nochaj, huan xijmicti se huacax huan xijcualtlali pampa tlacuase nohuaya tlajcotona. 17Huan nopa tlatequipanojquetl quichijqui queja Jos'e quinahuati huan quinhuicac ichaj. 18Pero inijuanti momajmatijque pampa quinhuicayaya ichaj Jos'e huan moilhuijque: --Techhualicatoc nica ipampa nopa tomi tlen techcuepilijque quema achtohui tihualajque. Ama quiijtos tiquixtequilijque, huan techquixtilis totlapiyalhua huan techitzquise. Techchihualtise ma titequitica queja titequipanohuani tlen quincojtoc. 19Huajca quema ajsitoj campa calaquij ipan ichaj Jos'e, monechcahuijque campa nopa tlayacanca tlatequipanojquetl, 20huan quiilhuijque: --¡Tate, xitechtlacaquili! Quema achtohui tihualajque tijcohuacoj trigo, 21tiquistejque ica totrigo huan tiajsitoj campa ticochisqu'iaj ipan ojtli. Huan tijtlapojque tocoxtalhua, huan icamaco sesen coxtali eltoya totomi sesen tojuanti. Eltoya ajsitoc totomi tlen ica tijcojtoyaj nopa trigo. Huan ama tijhualicatoque para tijcuepase. 22Huan iyoca tijhualicaque m'as tomi para tijcohuase m'as trigo. Pero ax tijmatij ajqueya quitlali totomi ipan tocoxtalhua. 23Huan nopa tlayacanca tlatequipanojquetl quinilhui: --Amo ximocuesoca. Dios imoTeco huan iTeco imotata, huelis yajaya quitlali nopa tomi ipan imocoxtalhua pampa na nijseli nopa tomi tlen intechmacaque. Huan nopa tlatequipanojquetl quiquixti Sime'on huan quihualicac campa itztoyaj nopa icnime. 24Teipa quinhuicac san sejco hasta ichaj Jos'e. Huan quinmacac atl para ma moicxipajpacaca huan nojquiya quintlamacac ininburrojhua. 25Huan inijuanti quicualtlalijque tlen quimacasqu'iaj Jos'e huan quichixque para ma ajsi tlajcotona pampa quicactoyaj para tlacuasqu'ia ininhuaya. 26Huan quema Jos'e ajsito ichaj, quimacaque tlen quihuiquilijtoyaj, huan motlancuaquetzque huan mopachojque hasta tlalchi para quitlepanitase. 27Huan Jos'e quintlajtlani quejatza itztoyaj huan nojquiya quinilhui: --¿Quejatza itztoc imotata, nopa tatatzi tlen innechcamahuijque? ¿Noja itztoc? 28Huan inijuanti quiilhuijque: --Totata, motequipanojca, noja itztoc huan itztoc cuali. 29Huan Jos'e quiixtemo Benjam'in hasta quipanti. Elqui inelicni tlen quitlacatilti inana. Huan Jos'e quiijto: --¿Ya ni imoicni teipa ejquetl tlen innechcamahuijque? Huan Jos'e quiilhui Benjam'in: --¡Ma Toteco Dios mitztiochihua, nocone! 30Huan quema Jos'e quiijto ya ni, monejqui moyoltetilis para ax chocas iniixtla pampa sampa quiitac iicni. Huan nimantzi quistihuetzqui, huan calajqui ipan icuarto huan nopano tlahuel miyac chocac. 31Teipa quema huelqui moyoltlali, mixami huan mocuepqui campa iicnihua itztoyaj. Teipa quinilhui itlatequipanojcahua: "¡Xijtecaca ne tlacualistli!" 32Huan quitequilijque Jos'e itlacualis iselti ipan se mesa, huan iicnihua ipan seyoc. Huan ipan seyoc mesa quintequilijque nopa egiptome tlen tlacuayayaj ihuaya Jos'e. Pampa tlali Egipto ehuani quinijiyayayaj hebreo tlacame huan ax tlacuayayaj ininhuaya. 33Huan Jos'e quinilhui sese iicnihua canque mosehuise. Quinsehui queja tlacajtiyajque tlen achtohui ejquetl hasta tlen teipa ejquetl. Pejqui ica tlen m'as hueyi hasta tlen m'as pilsiltzi. Huan nopa icnime mosentlachilijque. 34Huan quema quintequilijque nopa tlacualistli tlen eltoya ipan imesa Jos'e, Benjam'in quitequilijque macuili hueltas m'as imiyaca que tlen quintequilijque ne sequinoc. Huan queja nopa san sejco tlaique huan tlacuajque.

will be added

X\