Genesis 39

1Huan nopa ismaelita tlanamacani quihuicaque Jos'e hasta tlali Egipto. Nopano quicojqui se tlacatl itoca Potifar tlen quipixtoya se hueyi tequitl ica Tlanahuatijquetl Fara'on. Elqui inintlayacanca nopa tlacame tlen quimocuitlahuiyaya iyolis. 2Pero TOTECO itztoya ihuaya Jos'e huan quichijqui para nochi ma quisa cuali tlen Jos'e quichijqui ipan ichaj iteco. 3Huan iteco momacac cuenta para TOTECO itztoya ihuaya Jos'e huan quitiochihuayaya huan nochi tlen quichijqui quisqui cuali. 4Huan iteco quiicneli huan quitlali ma eli tlen m'as quipalehui. Nojquiya quichijqui ma quinnahuati nochi tlatequipanohuani ipan ichaj huan quitlali imaco nochi tlen quipixqui. 5Huan tlen nopa tonali quema Potifar quicajqui imaco Jos'e ichaj huan nochi tlen quipixqui, TOTECO pejqui m'as quitiochihua Potifar, huan iteixmatcahua huan nochi tlen quipixqui ipan ichaj huan ipan mila. 6Huan Potifar ayoc mocuatotoniyayaya ica tleno, san para tlacuas pampa motemachi ipan Jos'e. Huan nochi eltoya imaco huan nochi quisayaya cuali. Huan Jos'e eliyaya yejyectzi huan nesiyaya se cuali telpocatl. 7Huan quema panoc tonali, isihua iteco pejqui quiixtoca. Huan se tonal quiilhui: --Ximoteca nohuaya. 8Pero Jos'e ax quinejqui huan quiilhui: --Xiquita, mohuehue quicajtoc nomaco nochi tlen quipiya huan quimati intla nica niitztoc, ax quipiya tleno para ica mocuatotonis. 9Ipan ni cali axaca m'as tlayacana que na. Noteco nechmacatoc nomaco nochi para nijchihuas tlen na niquitas para cuali. San ica ta ax nijpiya tlanahuatili pampa tiisihua. Huajca, ┬┐quejatza huelis nitlajtlacolchihuas ica Toteco Dios huan mohuaya nijchihuas se tlamantli tlen tlahuel fiero? 10Huan yonque nopa sihuatl mojmostla quinotzayaya Jos'e ma moteca ihuaya, Jos'e ax quichijqui, niyon ax quinechcahui campa itztoya. 11Pero se tonal Jos'e monejqui calaquis ichaj iteco para quichihuas itequi huan axacayaya niyon se m'as tlatequipanojquetl nopano. 12Huan nopa sihuatl quiitzqui ipan iyoyo huan quiilhui: --Ximoteca nohuaya. Pero Jos'e motlalojtejqui huan quicajtejqui iyoyo ipan ima. 13Huan quema nopa sihuatl momacac cuenta para quicahuilijtejqui iyoyo imaco, 14tzajtzic chicahuac, huan quinnotzqui itlatequipanojcahua huan quinilhui: --Xiquitaca, nopa hebreo tlacatl tlen nohuehue techhualiquili san nechpinahualt'ia. Calajqui nica para nechfuerzajhuis ma nimoteca ihuaya, pero na nitzajtzic chicahuac. 15Huan quema nechcajqui para nitzajtzic ica nochi nochicahualis, motlalojtejqui hasta quicajtejqui iyoyo nica. 16Teipa nopa sihuatl quiajcojqui Jos'e iyoyo hasta ajsico ihuehue. 17Huan quipohuili queja quinpohuilijtoya nopa tlatequipanohuani huan quiilhui: --Nopa hebreo tlen tijcojqui huan titechhualiquili calajqui ipan nocuarto huan quinequiyaya ma nimoteca ihuaya. 18Pero quema nitzajtzic chicahuac, motlalojtejqui huan quicajtejqui iyoyo nica. 19Queja nopa nechchijqui motlatequipanojca tlen tijcojqui. Huan iteco Jos'e cualanqui miyac quema quicajqui tlen isihua quipohuiliyaya. 20Huan quiitzqui Jos'e huan tlanahuati ma quicalaquica ipan tlatzactli campa mocahuayayaj nochi tlacame tlen nopa hueyi tlanahuatijquetl quintzactoya. 21Pero TOTECO noja itztoya ihuaya Jos'e huan quinextili quejatza quiicnel'ia pampa quichijqui para nopa tlayacanca tetzajquetl ma quicualita. 22Huan nopa tlayacanca tetzajquetl quincajqui imaco Jos'e nochi sequinoc tlen tzactoque. Huan Jos'e tlanahuatiyaya nochi tlen nopano mochihuayaya. 23Huan nopa tlayacanquetl ax monequiyaya mocuatotonis ica tleno tlen eltoya imaco Jos'e pampa TOTECO itztoya ihuaya huan quichihuayaya para nochi ma quisa cuali.

will be added

X\