Genesis 31

1Pero Jacob quimatqui para iconehua Lab'an quiijtojtinemiyayaj para yajaya quicuitoya nochi tlen iaxca inintata, Lab'an huan ica ya nopa Jacob moricojchijtoya. 2Nojquiya momacac cuenta para Lab'an ayoc quitlachiliyaya cuali queja achtohuiya. 3Huajca TOTECO quiilhui Jacob: "Ximocuepa itlal motatahua campa itztoque moteixmatcahua huan na niyas mohuaya." 4Huajca Jacob tlatitlanqui ma quinnotzatij Raquel huan Lea para ma hualaca ipan nopa potrero campa yajaya itztoya ihuaya iborregojhua. 5Huan Jacob quinilhui: --Nimomaca cuenta para imotata ayoc nechita san se queja achtohuiya, pero noTeco Dios tlen notata quitequipanohua nochipa nohuaya nemi. 6Cuali inquimatij nijtequipanojtoc imotata hasta campa nihueltoc, 7huan ya nechcajcayajtoc huan nechpatilijtoc notlaxtlahuil majtlactli hueltas. Pero yonque ya nopa, Toteco Dios ax quicahuilijtoc ma nechcoco. 8Quema Lab'an quiijto nechtlaxtlahuis ica tlapiyalime tlen manchadojtique, nochi tlacatiyayaj manchadojtique. Huan quema quiijto nechtlaxtlahuis ica tlen cuicuiltique, nochi tlacatiyayaj cuicuiltique. 9Queja nopa Toteco Dios quicuili itlapiyalhua para nechmacas. 10"Se tonal quema nopa tlapiyalime momamayayaj, nijpixqui se temictli. Huan ipan temictli niquitac para nochi oquich chivojme tlen tlamamayayaj elque cuicuiltique, manchadojtique huan pijpintojtique. 11Ipan nopa temictli ielhuicac ejca Toteco Dios nechnojnotzqui ica notoca huan nijnanquili: 'Nica niitztoc.' 12Huajca yajaya nechilhui: 'Xijtlachili cuali huan tiquitas para nochi oquichme tlen quinconemacaj nopa sihua borregojme itztoque cuicuiltique, manchadojtique huan pijpintojtique. Queja nopa eltoc pampa niquitztoc nochi tlen ax xitlahuac mitzchihuilijtoc Lab'an. 13Na nimoTeco tlen nimonexti ipan Betel campa ta tijquetzqui nopa tetl queja se tlanextilijcayotl, huan tinechtlajtolcahuili tlen tinechchihuilisqu'ia. ¡Xiisihui huan xiquisa tlen nica huan ximocuepa ipan nopa tlali campa titlacatqui!' Queja nopa Toteco nechilhui." 14Huajca Raquel huan Lea tlananquilijque: --Tojuanti ayoc tleno tijpiyaj ipan ichaj totata. 15Techchihua queja ax techixmati. Technamacac huan nochi tlen quiseli topampa tojuanti ya quitlamilti. 16Nel'ia nochi ricojyotl tlen Toteco Dios quiquixtilijtoc totata eltoc toaxca huan iniaxca toconehua. Huajca xijchihua nochi tlen Toteco Dios mitznahuatijtoc. 17- 18Huajca Jacob mocualtlali para mocuepas ipan tlali Cana'an campa itztoya itata, Isaac. Quinilhui iconehua huan isihuajhua ma tlejcoca ipan camellos. Huan quicuic nochi tlen iniaxca huan quistejque ipan ojtli. Nojquiya quinhuicac nochi tlapiyalime tlen quinselijtoya ipampa itequi ipan tlali Aram. Queja nopa quisqui para mocuepas tlali Cana'an campa itztoya itata, Isaac. 19Huan Lab'an yajtoya huejca para quinximas iborregojhua huan Raquel quiixtequili itiotzitzi para quihuicas ihuaya. 20Nojquiya Jacob quicajcayajqui Lab'an nopa Aram ejquetl pampa ax quiilhui intla quisasqu'ia. 21San cholojtejqui ica nochi tlen iaxca, huan quipanoc nopa atemitl 'Eufrates huan yajqui campa nopa tepetini ipan tlali Galaad. 22Eyi tonali teipa, quiilhuijque Lab'an para Jacob cholojtoya. 23Huajca Lab'an ihuaya iteixmatcahua yajqui quintepotztocatiyajqui huan ica chicome tonali quinajsitoj ipan cuatitla ipan tlali Galaad. 24Pero nopa tlayohua Toteco Dios monexti ica Lab'an nopa tlali Aram ejquetl, ipan se temictli huan quiilhui: "Ximotlachili para amo xijnojnotza Jacob ica cualantli." 25Huan Jacob quiquetztoya ichaj tlen yoyomitl campa tepetini ipan tlali Galaad huan nopano Lab'an quiajsito. Huan nojquiya nopano Lab'an quiquetzqui ichaj tlen yoyomitl. 26Huan Lab'an quitlajtlani Jacob: --¿Tlaque tijchijtoc? ¿Para tlen tinechcajcayajtoc? ¡Tiquinhualicatoc nica noichpocahua queja itztosqu'iaj ipan se tlatehuilistli! 27¿Para tlen tinechcajcayajtoc huan ticholojtejqui huan ax tleno tinechilhui? Intla nijmajtosqu'ia, na nimitzmacajtosqu'ia ica paquilistli, huan ica tlapitzali, huan tambores huan arpa. 28Niyon ax tinechcahuili ma niquintzoponi noichpocahua huan noixhuihua. ¡Tijchijqui se huihuiyotl! 29Na nihueltosqu'ia nimechchihuilijtosqu'ia tlen fiero, pero tlayohua nechnojnotzqui Toteco Dios tlen motata quitequipanohua huan nechilhui ma nimotlachili para ax nimitznojnotzas ica cualantli. 30Intla nel'ia tiquistoc pampa tijnequi timocuepas ichaj motata, cualtitoc. Pero ¿para tlen tinechixtequili nototiotzitzi? 31Huajca Jacob quinanquili Lab'an: --Nel'ia nimajmajqui. Nimoilhui para nohueli tinechquixtilisqu'ia moichpocahua yonque ax nijnequisqu'ia. 32Pero intla se tlen nica itztoc quipiya motiotzitzi, ¡ma miqui! Toteixmatcahua nica itztoque testigos. Huajca xijtemo intla tijhualicaj se tlamantli tlen moaxca huan intla tijpant'ia, xijhuica. Pero Jacob ax quimatiyaya intla Raquel quiixtectoya nopa itotiotzitzi. 33Huajca Lab'an calajqui ipan ichaj Jacob huan ipan ininchaj nopa ome sihua tlatequipanohuani. Teipa calajqui ipan ichaj Lea, pero ax quinpanti itotiotzitzi. Huan quema quisayaya ipan ichaj Lea para calaquis ipan ichaj Raquel, 34Raquel quincuic nopa totiotzitzi huan quitlali iijtic tlen ica quipejpecht'ia icamello huan ipan mosehui. Huan Lab'an quintemo nochi calijtic huan ax quinpanti. 35Huan Raquel quiilhui: --Pap'a, amo xicualani intla ax nimotlalana moixtla pampa ama nijpiya nococolis tlen totequijya tisihuame. Huan Lab'an quintemo itotiotzitzi campa hueli, pero ax quinpanti. 36Huan Jacob cualanqui huan quiajhuac Lab'an ica ni tlajtoli: --¿Tlaque ax cuali nijchijtoc? ¿Catl'ia notlajtlacol tlen ica miyac cualantli tinechtepotztocatoc? 37Tijtlajtlachilijtoc nochi tlamantli tlen noaxca huan ¿tlaque tijpantijtoc tlen mochaj? ¡Xijtlali nica iixtla moteixmatcahua huan noteixmatcahua para ma quiijtoca ajqueya tlen tiome quiijtohua tlen melahuac! 38Ica nopa 20 xihuitl tlen nitequitqui mohuaya, ax quema moconetlahuisojque moborregojhua, niyon mochivojhua huan ax quema nijcuajqui niyon se. 39Ax quema nimitzhualiquili tlapiyalime tlen quinmictiyayaj tecuanime. San na nitlaxtlahuayaya ipampa tlen polihuiyaya. Intla tonaya o tlayohua sequinoc nechtlaxtequiliyayaj, ta tinechinamayaya. 40Tonaya nitonalmiquiyaya huan tlayohua nisecmiquiyaya huan nimocochsolohuayaya. 41Queja nopa eltoya para 20 xihuitl ipan mochaj. Para sesen moichpocahua nimitztequipano chicome xihuitl huan para notlapiyalhua nitequitqui chicuasen xihuitl. Huan majtlactli hueltas tinechpatili notlaxtlahuil. 42Intla ax itztosqu'ia nohuaya noTeco Dios tlen iTeco nohueyi tata Abraham huan notata Isaac, nel'ia tinechtitlanisqu'ia san noma. Pero Toteco Dios quiitac quejatza nitequitqui hasta tlahuel nisiyajqui. Quiitac miyac nimocuesohuayaya huan yeca tlayohua mitzajhuac. 43Huajca Lab'an quinanquili Jacob: --Ni ichpocame noichpocahua, ni ixhuime noixhuihua. Ni tlapiyalime notlapiyalhua. Nochi tlen nica tiquita noaxca. Ax tleno ax cuali huelis niquinchihuilis noichpocahua o ininconehua. 44Yeca xihuala huan ma tijchihuaca se tlajtolsencahuali tlen elis queja se testigo tlen techitase tiome para ma tijchihuaca nochi tlen quiijtohua. 45Huajca Jacob quicuic se tetl huan quiquetzqui queja se tlanextilijcayotl, 46huan quinilhui iteixmatcahua: --¡Xijsentilica tetini! Huan nochi quisentilijque tetini huan quimontonojque huan nopano tlacuajque nechca nopa temontomitl. 47Huan Lab'an quitocajti nopa lugar Jegar Sahaduta ipan ya itlajtol. (Jegar Sahaduta quinequi quiijtos Testigo.) Huan Jacob quitocajti Galaad ipan tlen ya itlajtol. (Galaad ipan itlajtol Jacob quinequi quiijtos Testigo.) 48Huajca Lab'an quiilhui: --Ni temontomitl mocahuas queja se testigo tlen techitas tiome para ma tijtlamichihuaca tlen tiquijtojque. Huan yeca teipa motocajti Galaad nopano, 49huan nojquiya itoca elqui Mizpa. (Mizpa quinequi quiijtos Se Torre Tlen Tlachiya.) Pampa Lab'an quiijto: --Ma TOTECO techtlachili tiome quema ayoc huelis timoitase. 50Huan intla tiquincualancaitas noichpocahua o timocuilis sequinoc sihuame, yonque ax niaqui para niquitas, xijmati para san yajaya Toteco Dios quitlachilis. 51Huan Lab'an noja quiilhui Jacob: --Xiquita, nica nijtlalijtoc ni temontomitl tlen elis se tlanextilijcayotl tlatlajco tiome. 52Ni tetini elise testigos para niyon ta, niyon na, ax quema tijpanose ni nepamitl para timoixpanose. 53Toteco Dios tlen iTeco mohueyi tata, Abraham, huan nohueyi tata, Nacor, ma quiijto ajqueya tlen tojuanti quichihua tlen cuali. Huajca Jacob quitestigojquetzqui Toteco tlen itata, Isaac, quihueyichihua. 54Teipa nopano quimacac tlacajcahualistli Toteco huan quinnotzqui iteixmatcahua ma tlacuaquij. Huan nochi tlacuajque huan mocajque nopa tlayohua campa nopa tepetl. 55Hualmostla ica ijnaloc, Lab'an mejqui, huan quintzoponi iixhuihua, huan iichpocahua huan quintiochijqui. Teipa mocuepqui para itlal.

will be added

X\