Genesis 10

1Sem, Cam huan Jafet eliyayaj iconehua No'e huan ya ni iniixhuihua tlen quinpixque quema ya tlantoya nopa miyac atl tlen momanqui ipan nochi tlaltepactli. 2Itelpocahua Jafet elque: Gomer, Magog, Madai, Jav'an, Tubal, Mesec huan Tiras. 3Itelpocahua Gomer elque: Askenaz, Rifat huan Togarma. 4Itelpocahua Jav'an elque: Elisa, Tarsis, Quitim huan Dodanim. 5Huan iixhuihua Jafet teipa momiyaquilijque huan mocajque nechca hueyi atl ipan campa hueli tlaltini campa camatiyayaj ica sese inintlajtol. 6Itelpocahua Cam elque: Cus, Mizraim, Fut huan Cana'an. 7Itelpocahua Cus elque: Seba, Havila, Sabta, Raama huan Sabteca. Itelpocahua Raama elque: Seba huan Ded'an. 8Huan Cus nojquiya elqui itata Nimrod tlen quipixqui miyac chicahualistli campa hueli ipan tlaltepactli. 9Nochi tlacame quitocajmatiyayaj Nimrod huan quimatiyayaj para ica itlapalehuil TOTECO elqui se cuali tlapejquetl. Yeca quema tlacame quihueyitlaliyayaj se tlacatl, quiijtosqu'iaj: "yajaya itztoc queja Nimrod, se cuali tlapejquetl ica itlapalehuil TOTECO." 10Nopa achtohui altepetini tlen moscaltijque ipan itlanahuatil Nimrod elqui Babel, Erec, Acad huan Calne ipan tlali Sinar. 11Huan itlanahuatil Nimrod pejqui ipan tlali Sinar huan momoyajqui hasta tlali Asiria. Yajaya quichijqui nopa altepetini tlen itoca N'inive, Rehobot huan Cala. 12Huan quichijqui Res'en tlen eltoya tlatlajco nopa hueyi altepetl N'inive huan Cala. 13Huan Mizraim elqui inintata: Ludim, Anamim, Lehabim, Naftuhim, 14Patrusim, Caftorim huan Casluhim tlen elqui ininhueyi tata nopa filisteos. 15Huan Cana'an elqui itata iachtohui ejca tlen itoca: Sid'on huan quipixqui se iteipa ejca tlen itoca eliyaya Het. 16Huan Cana'an nojquiya itztoya ininhuejcapan tata nopa tlacame: jebuseos, amorreos, gergeseos, 17heveos, araceos, sineos, 18arvadeos, zemareos huan hamateos. Teipa nochi ni tlacame tlen eliyayaj iteipa ixhuihua Cana'an momoyajque campa hueli. 19Inintlal elqui tlen tlali Sid'on hasta nopa piltlaltzi tlen itoca Gaza tlen eltoya ipan ojtli para Gerar. Huan neca campa quisa tonati inintlal yajqui hasta altepetl Lasa ipan ojtli para nopa altepetini Sodoma, Gomorra, Adma huan Zeboim. 20Nochi ya ni elque iteipa ixhuihua Cam. Huan nica ijcuilijtoc inintoca ininfamilias, huan inintlajtol tlen sesen camatiyayaj. Huan ijcuilijtoc iniestados huan inintlal ipan tlen sese itztoya. 21Huan Sem elqui ininhueyi tata Heber huan iconehua. Sem elqui tlen achtohui tlacatqui tlen inana huan teipa tlacatqui iicni Jafet. 22Huan Sem quinpixqui itelpocahua tlen inintoca eliyayaj: Elam, Asur, Arfaxad, Lud huan Aram. 23Itelpocahua Aram elque: Uz, Hul, Geter huan Mas. 24Huan Arfaxad elqui itata Sala, huan Sala elqui itata Heber. 25Teipa Heber quinpixqui ome itelpocahua: Se motocajtiyaya Peleg. (Peleg quinequi quiijtos Motlajcoitac.) Queja nopa itoca pampa ipan nopa tonali tlaltepactli motlajcoitac. Huan iicni Peleg motocajtiyaya Joct'an. 26Huan Joct'an elqui itata: Almodad, Selef, Hazar Mavet, Jera, 27Adoram, Uzal, Dicla, 28Obal, Abimael, Seba, 29Ofir, Havila huan Jobab. Nochi ya ni itztoyaj iconehua Joct'an. 30Huan iteipa ixhuihua Joct'an itztoyaj ipan nopa tlali tlatlajco Mesa huan nopa tepetini campa quisa tonati imelac Sefar. 31Nochi ya ni elque iteipa ixhuihua Sem ica sese ininhuejhueyi familias, huan sese inintlajtol, huan sese ininpiltlal huan nochi nopa tlaltini ica sese inintlanahuatijca campa mocahuayayaj. 32Huajca ni tlen nimitzpohuilijtoc eltoya inintoca itlayacanca teipa ixhuihua No'e. Huan sese inijuanti mochijqui se hueyi familia ica iniixhuihua teipa ehuani. Nojquiya nica quiijtohua nopa tlaltini campa mocajque. Huan quema panotoya nopa miyac atl, nochi xinachtli tlen tlacame quisque tlen iixhuihua No'e huan campa hueli momoyajque ipan tlaltepactli.

will be added

X\