GÁLATAS 5

1Cristo techtojtomilijtoc ica nopa tlen tiilpitoyaj para ma tielica tlacame tlen timajcajtoque para tiyase campa tijnequise. Ax quinequi ma tiitztoca titlatequipanohuani tlen tiilpitoque. Huajca ximotetilica huan amo xijcahuilica ma sampa inmechilpica itlanahuatilhua Mois'es. 2Xijtlacaquilica tlen na niPablo nimechilhu'ia. Intla intlacame inmotequilisqu'iaj nopa tlanescayotl tlen itoca circuncisi'on pampa inmoilhu'iaj para ica ya nopa Toteco inmechtlapojpolhuis imotlajtlacolhua, huajca ax tleno ipati Cristo para imojuanti. 3Sampa nimechyolmelahuas, intla inmotequilise nopa tlanescayotl ipan imotlacayo pampa inmoilhu'iaj Toteco inmechcualitas, huajca monequi inquichihuase senquistoc nochi tlen quiijtohuaj itlanahuatil Mois'es. 4Quena, intla inmoilhu'iaj monequi inquintoquilise nochi nopa tlanahuatili para inelise inxitlahuaque iixpa Toteco, ya inmohuejcatlalijtoque tlen Cristo tlen quipiya hueyi iyolo ica tojuanti. 5Pero tojuanti tlen timotemach'iaj ipan Cristo, ica miyac paquilistli huan ica itlapalehuil Itonal Toteco timochiyaj hasta nopa tonal quema yajaya techchihuas senquistoc tixitlahuaque iixpa. 6Para tojuanti tlen titlatzquitoque ipan Jesucristo, ax ipati intla techtequilijtoque totlacayo o axtle. San ipati intla nel'ia tijneltocaj Cristo huan tiquinicnel'iaj toicnihua. 7Achtohuiya inmonejnemiltiyayaj cuali. ¿Ajqueya inmechtzacuili para ayoc inquitoquil'iaj tlen melahuac? 8Nopa tlalnamiquilistli tlen inmechmacatoque ax huala tlen Toteco tlen inmechnotztoc para inelise inmajcajtoque. 9Quemantzi se tlacatl tlen fiero iyolis huelis quincajcayahuas miyac tlacame. Eltoc queja nopa tlajtoli tlen quiijtohua: "San se quentzi tlasasaltili quisonehuas miyac pantzi." 10Na nimotemach'ia ipan Tohueyiteco para inmechpalehuis para ayoc ximoilhuica tlen nopa tlamachtilistli tlen ax neli. Huan Toteco quitlatzacuiltis aqui hueli tlacatl tlen quinequis inmechcajcayahuas. 11Intla niquinilhuisqu'ia tlacame tlen ax israelitame para monequi motequilise inintlacayo para Toteco quinselis, axaca nechcocolisqu'ia. Pero nechcocol'iaj miyac israelitame pampa nitlamacht'ia para Toteco quinmaquixt'ia tlacame san pampa Jes'us mijqui ipan icuamapel ininpampa inijuanti. 12Cuali elisqu'ia intla inijuanti tlen quinequij ximotequilica imotlacayo, ma motequilica inintlacayo hasta ma mocaparoca. 13Noicnihua, Toteco inmechnotzqui para inmechmalacanis. Pero yonque inmajcajtoque, amo xijtoquilica imotlacayo tlen quinequi tlajtlacolchihuas. Pero ximotequipanoca se ica seyoc pampa inmoicnel'iaj. 14Quena, nochi itlanahuatil Mois'es eltoc ipan ni tlajtoli: "Xiquinicneli sequinoc queja timoicnel'ia." 15Pero intla imojuanti inmonajnanquil'iaj huan inmoijilnamiquij, huajca ximomocuitlahuica para ax inmotzontlamiltise. 16Ya ni nimechilhu'ia: Ximonejnemiltica cuali ica itlapalehuil huan ichicahualis Itonal Toteco huan quej nopa ax inquitoquilise imotlacayo tlen quinequi tlajtlacolchihuas. 17Pampa imotlacayo quinequi xitlajtlacolchihuaca, huan Itonal Toteco quinequi xijchihuaca tlen cuali. Huajca ni ome tlalnamiquilistli mococol'iaj huan quema inquinequij inquichihuase se tlamantli, sesen ni ome inmechnojnotza xijchihuaca queja sesen itlalnamiquilis huan ax inmechcahuilis inquichihuase tlen xitlahuac inquinequij inquichihuase. 18Huajca monequi xijcahuilica Itonal Toteco ma inmechyacana, huan quej nopa ayoc elis itlanahuatilhua Mois'es tlen quipiyase tequihuejcayotl ipan imonemilis. 19Nempa nesi nopa fiero tlamantli tlen tlacame quichihuaj quema quitoquil'iaj tlen quinequi inintlacayo. Momecat'iaj huan quichihuaj tlen hueli ica tlen ax ininnamic. Moilhu'iaj miyac tlamantli tlen ax cuali. Quichihuaj tlen fiero pampa ya nopa tlahuel quinequij quichihuase. 20Quihueyichihuaj tlen tlacame quichijtoque huan quiitaj para se dios. Tetlajchihu'iaj, tecocol'iaj, mosisin'iaj, huan techicoitaj. Nojquiya tlacame cualancatlahuejchihuaj, monajnanquil'iaj, motlajcoxelohuaj, huan tlamacht'iaj tlen ax xitlahuac. 21Quiixtocaj tlen sequinoc quipiyaj, temict'iaj, moihuint'iaj huan quichihuaj tlen fiero pampa ihuintij. Huan inijuanti tlen quitoquil'iaj tlen inintlacayo quinequi huan miyac m'as tlamantli tlen ax cuali. Sampa nimechilhu'ia tlen ya nimechilhuijtoc. Tlacame tlen quichijtinemij ni tlamantli tlen ax cuali, ax huelis calaquise campa tlanahuat'ia Toteco. 22Pero quema tijpiyaj Itonal Toteco ipan toyolo huan tijcahuil'iaj ma techyacantiya, ya ni tlen tijchihuaj: Titeicnel'iaj, tipaquij, tijpiyaj tlasehuilistli ipan toyolo, tijpiyaj toyolo ininhuaya sequinoc, titetlasojtlaj, tiquinchihuil'iaj sequinoc tlen cuali, tiitztoque titemachme, 23timoicnonequij huan timonahuat'iaj cuali para ma ax titlajtlacolchihuaca. Tlacame tlen quichihuaj ni cuali tlamantli ax monequi se tlanahuatili. 24Quena, tojuanti tlen tiiaxcahua Cristo Jes'us eltoc queja tijmictijque itlanequilis totlacayo tlen techyoltilanayaya ma titlajtlacolchihuaca huan tijtlalijque ipan cuamapeli ihuaya Jes'us. 25Huan ama pampa tijpiyaj yolistli tlen yancuic tlen Itonal Toteco techmacac, nojquiya ma tijcahuilica Itonal Toteco ma techyacantiya ipan sesen tlamantli tlen tijchihuaj. 26Ma ayoc tijtemoca ajqueya techhueyimatis. Ma ayoc timonajnanquilica. Huan ma ayoc tiquixtocaca tlen sequinoc quipiyaj.

will be added

X\