Ezra 5

1Teipa nopa tiocamanalohuani Hageo huan Zacar'ias, icone Iddo, quinilhuijque nopa israelitame tlen itztoyaj ipan altepetl Jerusal'en huan ipan tlali Jud'a para Toteco Dios tlen quinyacana quiijtojtoya para ma tequitica huan ma quicualtlalica itiopa ipan Jerusal'en. 2Huajca Zorobabel, icone Salatiel, huan Jes'ua, icone Josadac, sampa pejque tequitij huan itiocamanalojcahua Toteco Dios itztoyaj ininhuaya para quinpalehuise. 3Pero nimantzi ajsico altepetl Jerusal'en Tatnai tlen eliyaya gobernador ipan ni nali 'Eufrates campa calaqui tonati, ininhuaya Setar Boznai huan ininhuampoyohua. Huan inijuanti quinilhuijque: "¿Ajqueya inmechnahuatijtoc para sampa xijsencahuaca ni tiopamitl huan ni tepamitl ipan ni altepetl? 4Huan ¿tlaque inintoca nopa tlacame tlen quichihuaj ni tequitl?" 5Pero Toteco Dios itztoya ininhuaya nopa israelita tlayacanani huan ax monejqui quiquetzase nopa tequitl. Quincahuilijque noja ma tequitica nochi nopa tonali tlen monequiyaya para quitlajcuilhuise Tlanahuatijquetl Dar'io huan teipa para yajaya ma quintitlanilis se amatl para quinmatiltis tlaque ipaquilis. 6Huan ya ni nopa amatlajcuiloli tlen Gobernador Tatnai, huan Setar Boznai, huan ininhuampoyohua tlen sequinoc tlaltini quititlanilijque Tlanahuatijquetl Dar'io. 7Quej ni quiijto: "Tlanahuatijquetl Dar'io: Timitztlajpalohuaj. 8"Tijnequij timitzilhuise tiyajque tipaxalotoj ipan tlali Jud'a huan campa nopa itiopa Dios tlen hueyi. Tijnequij tijmatis para quicualtlal'iaj ica huejhueyi tetl, huan quitlalilijtoque huejhueyi cuatetomitl ipan nopa tepamitl. Tequitij chicahuac huan quisa cuali nochi tlen quichihuaj. 9"Huan tiquintlajtlanilijque nopa tlayacanani ajqueya quinnahuatijtoya para ma quicualtlalica nopa tiopamitl, 10huan nojquiya tiquintlajtlanilijque inintoca tlen quiyacanayayaj nopa tequitl para tiquinijcuilose inintoca huan timitztitlanilise. 11"Huan technanquilijque ica ni tlajtoli. Quiijtojque: 'Tijtequipanohuaj Toteco Dios tlen quichijqui elhuicactli huan tlaltepactli. Tijcualtlal'iaj itiopa tlen huejcajquiya quichijchijqui se hueyi tlanahuatijquetl ipan tlali Israel. 12Pero tohuejcapan tatahua tlahuel tlajtlacolchijque iixpa Toteco Dios huan yeca techtlahuelcajqui huan techtemactili imaco Nabucodonosor, nopa tlanahuatijquetl ipan tlali Babilonia. Huan yajaya quixolejqui ni tiopamitl huan quinquixti nochi israelitame tlen inialtepehua huan quinhuicac hasta tlali Babilonia. 13Pero teipa quema pejqui tlanahuat'ia Tlanahuatijquetl Ciro ipan Babilonia huan yajaya yahuiyaya para se xihuitl ipan itequi, yajaya quichijqui se tlanahuatili para ma tijcualtlalica ni tiopamitl. 14Huan nojquiya nochi nopa tlamantli tlen oro huan tlen plata tlen Nabucodonosor achtohuiya quiquixti ipan itiopa Toteco Dios nica ipan altepetl Jerusal'en, huan quihuicatoyaj huan quitlalijtoyaj ipan inintiopahua teteyome ipan Babilonia, Tlanahuatijquetl Ciro quiquixti huan quimactili Sesbasar. Huan quinahuati ma quihualica nica Jerusal'en. Nojquiya Tlanahuatijquetl Ciro quitequimacac Sesbasar ma eli gobernador nica. 15Quiilhui ma quihualica nochi ni tlamantli para itiopa Toteco Dios nica ipan Jerusal'en huan ma mocuepaca nica para quichijchihuaquij nopa tiopamitl campa achtohui eltoya. 16Huajca hualajqui Sesbasar huan quitlalili itzinpehualtil itiopa Toteco Dios, huan hasta ama ni tonal quicualtlalijtiyohuij huan aya tlantoque.' Queja nopa tinechnanquili. 17"Huajca ama timitztlajtlanil'iaj intla mitzpact'ia, xijtemo ipan nopa amatini tlen quiajcoctoque intla nel'ia Tlanahuatijquetl Ciro temacatoya ni tlanahuatili para ma quicualtlalica ni tiopamitl. Huan intla, quena, huajca tinechmatiltis tlen timoilhu'ia ta ipan ni tlamantli."

will be added

X\