Ezra 2

1Nica eltoc inintoca nopa israelitame tlen quistejque tlali Babilonia huan sampa yajque altepetl Jerusal'en huan campa hueli ipan tlali Jud'a campa ejque ininhuejcapan tatahua. Tlanahuatijquetl Nabucodonosor huejcajquiya quinhuicatoya ininhuejcapan tatahua ilpitoque hasta Babilonia para tlatequipanose. Nojquiya nica eltoc quesqui tlacame mocuepque tlen hualajque ipan sesen ininhuejcapan tata tlen quipehualti sesen familia. 2- 20Nopa tlayacanca tlacame tlen mocuepque ica Zorobabel elque: Jes'ua, Nehem'ias, Sera'ias, Reela'ias, Mardoqueo, Bils'an, Mispar, Bigvai, Rehum huan Baana. Huan nica techilhu'ia quesqui sequinoc israelita tlacame yajque ihuaya Zorobabel huan ajqueya ininhueyi tata. Yajque tlacame tlen itztoyaj iteipa ixhuihua ni hueyi tatame huan nica techilhu'ia quesqui ininteipa ixhuihua yajque: Hueyi tata Quesqui Paros 2,172 Sefat'ias 372 Ara 775 Pahat Moab tlen Jes'ua huan Joab 2,812 Elam 1,254 Zatu 945 Zacai 760 Bani 642 Bebai 623 Azgad 1,222 Adonicam 666 Bigvai 2,056 Ad'in 454 Ater iixhui Ezequ'ias 98 Bezai 323 Jora 112 Hasum 223 Gibar 95 21- 35Nojquiya yajque ihuaya Zorobabel tlacame tlen ni altepetini, huan nica techilhu'ia quesqui yajque tlen sese altepetl: Altepetl Quesqui Bel'en 123 Netofa 56 Anatot 128 Bet Azmavet 42 Quiriat Jearim, Cafira huan Beerot 743 Ram'a huan Geba 621 Micmas 122 Betel huan Hai 223 Nebo 52 iteipa ixhuihua Magbis 156 Elam 1,254 Harim 320 Lod, Hadid, Ono 725 Jeric'o 345 Senaa 3,630 36- 39Nopa israelita totajtzitzi tlen mocuepqui elque iniixhuihua ni familias huan nica techilhu'ia quesqui yajque: Familia Quesqui Jeda'ias huan icone Jes'ua 973 Imer 1,052 Pasur 1,247 Harim 1,017 40Nopa levitame tlen ax totajtzitzi tlen mocuepque elque 74 tlen nopa familias Jes'ua huan Cadmiel tlen elque iixhuihua Hodav'ias. 41Mocuepque 128 huicani tlen nopa familia Asaf. 42Mocuepque 139 tlamocuitlahuiani ipan ipuertajyo tiopamitl tlen familias: Salum, Ater, Talm'on, Acub, Hatita huan Sobai. 43Huan ni tequipanohuani tlen tequitque tiopan calijtic quipixque iniixhuihua tlen mocuepque tlen nopa tlaltini campa quinhuicatoyaj: Ziha, Hasufa, Tabaot, 44Queros, Siaha, Pad'on, 45Lebana, Hagaba, Acub, 46Hagab, Salmai, Han'an, 47Gidel, Gahar, Rea'ia, 48Rez'in, Necoda, Gazam, 49Uza, Paseah, Besai, 50Asena, Meunim, Nefus'im, 51Bacbuc, Hacufa, Harhur, 52Bazlut, Meh'ida, Harsa, 53Barcos, S'isara, Tema, 54Nez'ia huan Hatifa. 55Huan ni tlacame tlen huejcajquiya eliyayaj itlatequipanojcahua Salom'on quinpixque ininteipa ixhuihua tlen mocuepque tlen nopa tlaltini campa quinhuicatoyaj: Sotai, Soferet, Peruda, 56Jaala, Darc'on, Gidel, 57Sefat'ias, Hatil, Poqueret Hazebaim huan Ami. 58Huajca san sejco nochi tequipanohuani ipan tiopamitl huan nochi tlen itztoyaj ininteipa ixhuihua itlatequipanojcahua Salom'on mochijque 392. 59Sequinoc tlacame nojquiya mocuepque Jerusal'en tlen quisque ipan tlali Persia tlen altepetini Tel Mela, Tel Harsa, Querub, Add'an huan Imer. Pero ax huelque quinext'iaj intla nel'ia israelitame pampa ax quipantijque inintoca, niyon inintoca inintatahua ipan nopa lista campa eltoya nochi israelitame tlen quinhuicaque Babilonia achtohuiya. 60Elque 652 ni tlacame tlen elque iteipa ixhuihua Dela'ia, Tob'ias huan Necoda. 61Huan nojquiya ipan ininteipa ixhuihua nopa totajtzitzi itztoyaj sequin tlen ax quipantijque inintoca. Itztoyaj ininteipa ixhuihua Haba'ia, Cos huan Barzilai. Barzilai quiseli nopa itoca pampa mosihuajti ihuaya iichpoca se tlacatl tlen itoca Barzilai tlen ejqui tlali Galaad huan quiseli itoca ifamilia isihua. 62Huan nojquiya ax quipantijque inintoca ipan amatlapohuali huan huajca nochi quinitaque para ax tlapajpacme iixpa TOTECO para tequipanose queja totajtzitzi. 63Huan nopa tlanahuatijquetl quinilhui para ma amo quicuaca inintlacualis totajtzitzi hasta se totajtzi quitlajtlanisqu'ia TOTECO ica nopa piltetzitzi tlen itoca Urim huan Tumim, nopa dados tlatzejtzeloltic tlen TOTECO, para quimatis intla nel'ia eliyayaj totajtzitzi o axtle. 64Quema mosentilijque san sejco para ma mocuepaca eliyayaj 42,360 tlacame, 65huan iyoca 7,337 inintlatequipanojcahua, sihuame huan tlacame. Huan nojquiya itztoyaj 200 huicani, sihuame huan tlacame. 66Huan quinpixque 736 cahuayojme, huan 245 mulas, 67huan 435 camellos huan 6,720 burrojme. 68Huan quema ajsicoj ipan altepetl Jerusal'en campa eltoya itiopa TOTECO, sequin nopa tlayacanca tatame temacaque tomi queja ipan ininyolo quisqui para tlapalehuise para quicualtlalise nopa tiopamitl. 69Sese inijuanti temacaque tlen huelque huan queja quipixque paquilistli temacase. Huan quisentilijque 61,000 oro tomi, 3,000 kilos tlen plata huan 100 ininyoyo totajtzitzi. 70Huan nochi inijuanti tlen eliyayaj totajtzitzi o levitame mocajque ipan altepetl Jerusal'en huan nopano mochantijque. Pero nopa huicani huan tlen quimocuitlahuise tiopamitl ipuertajyo, huan tlen tequitise tiopan calijtic huan nochi sequinoc israelitame yajque mochantitoj ipan altepetini campa hualajtoyaj inintatahua campa hueli ipan tlali Jud'a.

will be added

X\