Ezra 10

1Huan nimocajqui nimotlancuaquetztoc iixpa Toteco Dios huan niquilhuiyaya totlajtlacolhua ipan itiopa huan nichocayaya chicahuac. Huan quema noja nimomaijtoyaya, ajsicoj miyac tlacame, sihuame huan coneme tlen chocaque chicahuac nohuaya. 2Teipa Secan'ias, icone Jehiel, tlen ichaj ehuani Elam techilhui: "Tijmatij para titlajtlacolchijtoque ica Toteco Dios pampa timocuilijtoque sihuame tlen sejcoyoc ehuaj, pero noja huelis Toteco Dios techtlasojtlas tiisraelitame. 3Huajca ma tijchihuase se tlajtolsencahuali iixpa Toteco Dios huan tiquincahuase nochi tosihuajhua huan toconehua tlen ax israelitame. Huan tijchihuase nochi tlen ta huan inijuanti tlen quitlepanitaj Toteco Dios technahuat'iaj. Tijchihuase nochi queja quiijtohua itlanahuatilhua Toteco Dios. 4Huajca ama ximoquetza huan xitechilhui tlaque monequi tijchihuase pampa ta motequi para tijchihuas. Ximosemaca huan tojuanti tiitztose mohuaya." 5Huajca na, niEsdras, nimoquetzqui huan niquinilhui nopa tlayacanca totajtzitzi huan levitame huan nochi israelitame para ma quiijtoca intla quichihuasqu'iaj queja Secan'ias quiijtojtoya. Huan quiijtojque para, quena. 6Teipa na niEsdras nicalajqui ipan itiopa Toteco Dios ipan icuarto Johan'an, icone Eliasib, huan ax nitlacuajqui, niyon ax tleno niquic pampa tlahuel nimocuesojtoya ica inintlajtlacolhua tlacame tlen mocueptoyaj ipan altepetl Jerusal'en tlen tlali Babilonia. 7Huan quinyolmelajque nochi israelitame tlen mocueptoyaj huan itztoyaj ipan tlali Jud'a para ma mosentilica ipan Jerusal'en. 8Huan intla acajya ax moixnextisqu'ia ipan Jerusal'en ica eyi tonali queja quiijtojtoyaj nopa tlayacanani huan huehue tlacame, huajca quincuilisqu'iaj inintlal, huan nochi tlen iniaxca, huan quinpanquixtisqu'iaj huan ayoc moixmatise para israelitame. 9Huan ipan 20 itequi nopa chicnahui metztli ipan toisraelita calendario, nochi tlacame tlen itztoyaj ipan tlali Jud'a huan tlali Benjam'in moixnextijque ipan altepetl Jerusal'en huan mosehuijque ipan nopa hueyi plaza iixmelac itiopa Toteco Dios. Huan hasta huihuipicayayaj pampa quimatiyayaj para se hueyi tlamantli tlen ica quinnotztoyaj. Huan nojquiya huihuipicayayaj pampa tlahuel huetziyaya atl chicahuac. 10Huajca na nimoquetzqui, niEsdras, nitotajtzi huan niquinilhui: --Intlajtlacolchijtoque pampa inmosihuajtijtoque ininhuaya sihuame tlen ax israelitame. Yeca inquihueyilijtoque totlajtlacolhua tiisraelitame huan nopa tlatzacuiltilistli tlen tijselise. 11Huajca ama xijpohuaca imotlajtlacolhua iixpa TOTECO Dios, yajaya tlen ininTECO tohuejcapan tatahua. Xijchihuaca tlen ya ipaquilis huan ximohuejcatlalica tlen nopa tlacame tlen ehuaj ni tlali huan xiquincuepaca imosihuajhua tlen ax israelitame. 12Huan nochi nopa tlacame tlen mosentilijtoyaj nopano tlananquilijque chicahuac: --Cualtitoc, tijchihuase nochi tlen tiquijtojtoc. 13Huan nojquiya quiijtojque: ama huetzi atl chicahuac huan ax huelis tihuejcahuase timocahuase calteno ipan ni tonali quema mojmostla huetzi atl. Huan ni tlamantli ax mosencahuas ipan se tonal pampa tlahuel timiyac tojuanti tlen titlajtlacolchijtoque. 14┬┐Ax hueli san mocahuase nica totlayacancahua queja topatlacahua tojuanti huan quisencahuase quema intechtlajtolsencahuase sesen tojuanti? Huan teipa quema intechilhuise tlaque tonal ma tihualaca, timoixnextiquij nica tojuanti tlen timocuilijtoque sihuame tlen ax israelitame. Tihualase ininhuaya nopa huehue tlacame huan jueces tlen toaltepehua tlen quimatij tlen melahuac. Huan tijsencahuase nochi ni tlamantli cuali iixpa Toteco Dios queja quinamiqui hasta quiyolpactis huan ayoc toca cualanis. 15Huan nochi quiijtojque para cuali queja quiijtojtoyaj. San Jonat'an, icone Asael, huan Jahaz'ias, icone Ticva, inijuanti ax quinpacti, niyon ax quinpacti Mesulam, huan Sabetai tlen eliyaya se levita. 16Pero yonque ax quinpactiyaya, ya nopa tijchijque. Huan nechtlapejpenijque na, niEsdras nitotajtzi, huan sequinoc tlacame tlen itztoyaj tlayacanani ipan nopa huejhueyi familias tlen inintatahua. Huan techilhuijque ma titetlajtolsencahuaca ipan ni tlamantli. Huan teipa timosentilijque huan tipejque titequitij ipan nopa achtohui tonal ipan metztli majtlactli ipan toisraelita calendario. 17Huan ax titlanque tiquintlajtolsencahuaj nochi tlen mosihuajtijtoyaj ica tlen ax israelitame hasta ipan nopa achtohui tonal ipan nopa achtohui metztli ipan toxihui. 18Ya ni inintoca iniixhuihua totajtzitzi tlen mocuilijtoyaj sihuame tlen ax israelitame: Tlen iteipa ixhuihua Jes'ua tlen eliyaya icone Josadac, huan nochi iicnihua: Maas'ias, Eliezer, Jarib huan Gedal'ias. 19Huan queja quitencahuilijtoyaj Toteco Dios, nochi quincajque ininsihuajhua huan moyolcuepque tlen inintlajtlacolhua huan quimacaque Toteco Dios se oquich borrego para se tlacajcahualistli para inintlajtlacolhua. 20Huan tlen iteipa ixhuihua Imer: Hanani huan Zebad'ias. 21Huan tlen iteipa ixhuihua Harim: Maas'ias, El'ias, Sema'ias, Jehiel huan Uz'ias. 22Huan tlen iteipa ixhuihua Pasur: Elioenai, Maas'ias, Ismael, Natanael, Jozabad huan Elasa. 23Ya ni inintoca levitame tlen quichijtoyaj: Jozabad, Simei, Kela'ia (tlen nojquiya itoca Kelita), Peta'ias, Jud'a, huan Eliezer. 24Ya ni itoca huicani tlen quichijtoya: Eliasib. Ya ni inintoca tlen tlamocuitlahuijque ipan tiopa ipuertajyo tlen quichijtoyaj: Salum, Telem, huan Uri. 25Ya ni inintoca sequinoc israelitame tlen mocuilijtoyaj sihuame tlen ax israelitame: Tlen iteipa ixhuihua Paros: Ram'ia, Jez'ias, Malqu'ias, Mijam'in, Eleazar, Malqu'ias huan Bena'ia. 26Tlen iteipa ixhuihua Elam: Matan'ias, Zacar'ias, Jehiel, Abdi, Jeremot huan El'ias. 27Tlen iteipa ixhuihua Zatu: Elioenai, Eliasib, Matan'ias, Jeremot, Zabad huan Aziza. 28Tlen iteipa ixhuihua Bebai: Johan'an, Hanan'ias, Zabai huan Atlai. 29Tlen iteipa ixhuihua Bani: Mesulam, Maluc, Ada'ia, Jasub, Seal huan Ramot. 30Tlen iteipa ixhuihua Pahat Moab: Adna, Quelal, Bena'ia, Maas'ias, Matan'ias, Bezaleel, Bin'ui huan Manas'es. 31Tlen iteipa ixhuihua Harim: Eliezer, Isa'ias, Malqu'ias, Sema'ias, Sime'on, 32Benjam'in, Maluc huan Semar'ias. 33Tlen iteipa ixhuihua Hasum: Matenai, Matata, Zabad, Elifelet, Jeremai, Manas'es huan Simei. 34Tlen iteipa ixhuihua Bani: Madai, Amram, Uel, 35Bena'ia, Bed'ias, Quel'uhi, 36Van'ias, Meremot, Eliasib, 37Matan'ias, Matenai huan Jaasai. 38Tlen iteipa ixhuihua Bin'ui: Simei, 39Selem'ias, Nat'an, Ada'ia, 40Macnadebai, Sasai, Sarai, 41Azareel, Selem'ias, Semar'ias, 42Salum, Amar'ias huan Jos'e. 43Huan tlen iteipa ixhuihua Nebo: Jeiel, Matat'ias, Zabad, Zebina, Jadau, Joel huan Bena'ia. 44Nochi ni tlacame tlen nica eltoc inintoca mocuilijtoyaj sihuame tlen ax israelitame huan sequin nopa sihuame ya quinmacatoyaj ininconehua.

will be added

X\