Ezra 1

1Ipan nopa xihuitl quema Tlanahuatijquetl Ciro san pejtoya tlanahuat'ia ipan tlali Persia, TOTECO quiyoltilana ma quititlani ni tlanahuatili campa hueli ipan nochi altepetini ipan nochi tlaltini ipan itlanahuatilis. TOTECO quichijqui ni para ma quitlamilti nopa tlajtoli tlen teyolmelajtoya achtohuiya ica itiocamanalojca Jerem'ias para teipa panos. 2Huan nica eltoc tlen Ciro quiijto ipan nopa tlajcuiloli: "Na niTlanahuatijquetl Ciro ipan tlali Persia, nimechilhu'ia para TOTECO Dios tlen quichijqui elhuicactli nechmactilijtoc nomaco nochi tlaltini ipan tlaltepactli para ma niquinnahuati. Huan ama nechtequimacatoc sampa ma nijchihuili itiopa ipan altepetl Jerusal'en ipan tlali Jud'a. 3"Ma Toteco Dios inmechtiochihua nochi inisraelitame tlen campa hueli initztoque ipan tlaltini tlen noaxcahua ipan notlanahuatilis. Nimechyolmelahua para nochi imojuanti tlen inquinequij hueli inmocuepase altepetl Jerusal'en para inquichihuatij itiopa imoTECO Dios inisraelitame, yajaya tlen iaxca Jerusal'en. 4Huan nochi intlacame tlen inmopant'iaj nechca israelitame tlen yase para quichihuase nopa tiopamitl, monequi xiquinpalehuica. Xiquinmacaca oro, plata, huacaxme huan tlamantzitzi tlen patiyo. Huan nojquiya monequi xiquinmacaca tomi queja tlen ipan imoyolo quisa para quitequihuise ica tlen monequis ipan itiopa Toteco Dios ipan altepetl Jerusal'en." Queja nopa quiijto nopa tlajcuiloli. 5Huan Toteco Dios quinyoltilana ma yaca miyac tlayacanca israelita tatame tlen hualajque ipan nopa huejhueyi familias Jud'a huan Benjam'in. Huan nojquiya yajque miyac totajtzitzi huan levitame. Huajca nochi tlen TOTECO quinyoltilana ma quichijchihuatij sampa itiopa ipan altepetl Jerusal'en, mocualtlalijque para yase. 6Huan nochi inincalnechcahua quinpalehuijque ica miyac tlamantli tlen oro, plata, huacaxme huan ica tlamantzitzi tlen patiyo. Nojquiya iyoca quinmacaque tomi queja tlen ininyolo quisqui para temacase para itiopa TOTECO. 7Quipixqui miyac xihuitl nopa Tlanahuatijquetl Nabucodonosor quiichtequilijtoya miyac tlamantli itiopa TOTECO ipan Jerusal'en huan quihualicac altepetl Babilonia huan quicalaquijtoya ipan inintiopahua iteteyohua. 8Huan ama Tlanahuatijquetl Ciro tlen tlanahuat'ia ipatlaca ipan tlali Persia quiquixti nochi nopa tlamantli tlen pajpatiyo. Huan quinahuati Mitr'idates tlen quimocuitlahui itomi ipan itlanahuatilis para ma quipohua nopa tlamantli huan ma quimactili Sesbasar tlen quitequimacac ma quinyacana tlacame tlen sampa mocuepque ipan tlali Jud'a. 9- 10Huan ya ni tlen quimacac para ma quihuica: tasas tlen oro 30 platos tlen plata 1,000 popochcomitl 29 platos tlen oro 30 tazas tlen plata 410 sequinoc tlamantli 1,000 11Ica nochi elqui 5,400 tlamantli tlen oro huan plata tlen quimacaque Sesbasar para ma quihuica altepetl Jerusal'en.

will be added

X\