Ezekiel 48

1"Nica eltoc inintoca nopa huejhueyi familias huan nopa tlali tlen quiselis sesen yajuanti. Nopa hueyi familia Dan quiselis nopa tlali tlen m'as ica norte. Inepa ica norte quitoquilis nopa ojtli tlen Hetl'on hasta Hamat huan teipa yohui hasta Hazar En'an tlen campa monepant'ia ica tlali Hamat ica norte huan Damasco ica sur. Ya ni inepa Dan ica norte tlen se lado tlali Israel campa Hueyi Atl Mediterr'aneo hasta campa tlami tlali Israel campa quisa tonati. 2Nopa hueyi familia Aser teipa quipiyas itlal m'as ica sur tlen Dan tlen se lado tlali Israel hasta seyoc. 3Teipa nopa hueyi familia Neftal'i quipiyas itlal m'as ica sur tlen Aser tlen se lado tlali Israel hasta seyoc. 4Teipa nopa hueyi familia Manas'es quipiyas itlal m'as ica sur tlen Neftal'i tlen se lado tlali Israel hasta seyoc. 5Teipa nopa hueyi familia Efra'in quipiyas itlal m'as ica sur tlen Neftal'i tlen se lado tlali Israel hasta seyoc. 6Teipa nopa hueyi familia Rub'en quipiyas itlal m'as ica sur tlen Efra'in tlen se lado tlali Israel hasta seyoc. 7Teipa nopa hueyi familia Jud'a quipiyas itlal m'as ica sur tlen Rub'en tlen se lado tlali Israel hasta seyoc. 8"Ica sur tlen itlal Jud'a, mocahuas nopa tlali tlen monequi xiquiyocatlali para nopa tiopamitl, huan nopa altepetl huan nopa tlanahuatijquetl. Huan inepa nopa tlali nojquiya pehuas ica campa quisa tonati ipan tlali Israel huan ajsis campa oncalaqui tonati. Huan ipatlajca nochi nopa tlali tlaijiyocatlalili elis 12 kil'ometros huan tlajco, huan ihuehueyaca elis ihuical queja inintlal sesen nopa huejhueyi familias; elis tlen se lado hasta seyoc lado tlen tlali Israel. Huan nopa tiopamitl mocahuas tlatlajco tlen ni tlali tlaijiyocatlalili. 9"Nopa tlali tlen monequi inquiiyocatlalise para na, niimoTECO, monequi quipiyas 12 kil'ometros huan tlajco ihuehueyaca huan 10 kil'ometros ipatlajca. 10Huan ipan ni tlali oncas se pedazo tlen elis tlaijiyocatlalili para nopa totajtzitzi tlen quipiyas 12 kil'ometros huan tlajco ica campa quisa tonati hasta campa oncalaqui tonati, huan 5 kil'ometros ica norte hasta ica sur. Huan tlatlajco tlen ni tlali mocahuas nopa tiopamitl. 11Ya ni elis para nopa totajtzitzi tlen iixhuihua Sadoc pampa yajaya tlen senquistoc nechtlepanitaque huan ax tlajtlacolchijque quema nechtlahuelcajque nopa israelitame huan nopa sequinoc levitame. 12Yeca nopa totajtzitzi quipiyase inintlal ipan nopa tlali tlen tlaijiyocatlalili para na, niimoTECO, tlen m'as tlatzejtzeloltic. Huan inintlal elis nechca inintlal nopa levitame. 13Huan inintlal nopa levitame elis ihuical ihuexca queja inintlal nopa totajtzitzi, quipiyas 12 kil'ometros huan tlajco ihuehueyaca huan 5 kil'ometros ipatlajca. Huajca para nochi, nopa tlali tlen tlaijiyocatlalili quipiyas 12 kil'ometros huan tlajco ihuehueyaca huan 10 kil'ometros ipatlajca. 14Niyon se pedazo tlen ni tlali ax huelis quinamacase, niyon ax huelis quiixpatlase, niyon ax huelis quimacase seyoc tlacatl pampa ni tlali tlatzejtzeloltic huan noaxca na, niimoTECO. 15"Huan onca seyoc pedazo tlen mocahua tlen quipiya 12 kil'ometros ihuehueyaca huan 2 kil'ometros huan tlajco ipatlajca huan mopantis ica sur tlen nopa tlali para nopa tiopamitl. Ni pedazo ax elis tlatzejtzeloltic, pero elis para nochi nopa tlacame. Nopano tlacame quichijchihuase ininchaj huan ininpotreros para inintlapiyalhua. Huan nopa altepetl mocahuas tlatlajco. 16Nopa altepetl quipiyas 2 kil'ometros ihuaya 250 metros ihuehueyaca huan ipatlajca. 17Huan yahualtic nopa altepetl oncas se tlali pitzactzi tlen quipiyas 125 metros ipatlajca. Huan ya nopa quitequihuise para potreros. 18Nojquiya mocahuas seyoc piltlaltzi calixpa tlen nopa altepetl, iniixpa nopa tlaltini tlen tlaijiyocatlalilme para TOTECO. Huan quipiyas 5 kil'ometros ica campa quisa tonati huan 5 kil'ometros ica campa oncalaqui tonati. Huan ipan ni tlali quitocase tlamantli para ica mopanoltise nopa tlacame tlen tequitij ipan nopa altepetl. 19Ipan ni tlali tlatocase tlacame tlen itztoque ipan tlen hueli hueyi familia tlen tequiti ipan nopa altepetl. 20Huan nochi ni tlali campa eltoc nopa piltlaltzi tlen tlaijiyocatlalili para itiopa TOTECO, huan para nopa levitame, huan para nopa totajtzitzi huan para nopa altepetl, nochi san sejco elis queja setzi tlali huan quipiyas 12 kil'ometros huan tlajco ipatlajca huan ihuehueyaca. 21"Huan nopa tlali tlen mocahuaj ipan se lado ica campa quisa tonati huan ipan seyoc lado ica campa oncalaqui tonati tlen nopa tlaltini tlen tlatzejtzeloltique huan tlen para altepetl, nopa ome pedazos tlen tlali elis para nopa tlanahuatijquetl. 22Huajca nopa tlali para nopa tlanahuatijquetl pehuas ica norte campa monepantlal'ia ihuaya itlal nopa hueyi familia Jud'a huan ica sur campa monepantlal'ia ihuaya nopa hueyi familia Benjam'in. Huan ipan se lado tlen nopa tlali tlaijiyocatlalili quipiyas 12 kil'ometros huan tlajco ipatlajca huan yas hasta ica campa oncalaqui tonati. Huan ipan nopa seyoc lado tlen nopa tlali tlaijiyocatlalili nojquiya quipiyas 12 kil'ometros huan tlajco ipatlajca huan yas hasta ica campa quisa tonati. Huan nopa tlali para nopa levitame huan totajtzitzi, huan nopa altepetl, mocahuas tlajco. 23"Nopa sequinoc huejhueyi familias, quipiyase inintlal ica sur tlen ni tlali tlaijiyocatlalili. Achtohui nopa hueyi familia Benjam'in quipiyas itlal tlen yas tlen se lado tlali Israel ica campa quisa tonati hasta seyoc tlali ica campa oncalaqui tonati. 24Teipa ica sur tlen Benjam'in, nopa hueyi familia Sime'on quipiyas itlal tlen yas tlen se lado tlali Israel ica campa quisa tonati hasta seyoc lado ica campa oncalaqui tonati. 25Teipa ica sur tlen Sime'on, nopa hueyi familia Isacar quipiyas itlal tlen yas tlen se lado tlali Israel ica campa quisa tonati hasta seyoc lado ica campa oncalaqui tonati. 26Teipa ica sur tlen Isacar, nopa hueyi familia Zabul'on quipiyas itlal tlen yas tlen se lado tlali Israel ica campa quisa tonati hasta seyoc ica campa oncalaqui tonati. 27Huan teipa ica sur tlen Zabul'on, nopa hueyi familia Gad quipiyas itlal tlen yas tlen se lado tlali Israel ica campa quisa tonati hasta seyoc lado ica campa oncalaqui tonati. 28"Pero ica sur tlen itlal nopa hueyi familia Gad, monepantlalis ihuaya tlali Tamar huan yas hasta campa nopa mantoc atl tlen itoca Meriba Cades. Teipa yas campa nopa pilatentzi tlen tlali Egipto huan quitoquilis hasta ajsis ipan nopa Hueyi Atl Mediterr'aneo. 29"Huajca ya ni eli nopa tlali tlen quiselise para iniaxca nopa huejhueyi familias tlen israelitame. Huan queja nopa monequi inquixelose. Queja nopa na, niimoTECO Tlen M'as Nijpiya Tlanahuatili, niquijtohua. 30"Nopa altepetl quipiyas se tepamitl yahualtic tlen quipiyas ome kil'ometros ihuaya 250 metros ipan sesen lado. 31Ipan sesen lado tlen nopa tepamitl, quipiyas eyi puertas. Huan sesen tlen ni puertas quihuicase itoca se tlen nopa huejhueyi familias tlen israelitame. Ica norte mocahuase nopa puertas tlen quinixnextise nopa huejhueyi familias tlen Rub'en, Jud'a huan Lev'i. 32Nopa puertas tlen mocahuase ica campa quisa tonati quihuicase inintoca nopa huejhueyi familias tlen Jos'e, Benjam'in huan Dan. 33Huan nopa puertas tlen mocahuase ica sur quihuicase inintoca nopa huejhueyi familias tlen Sime'on, Isacar huan Zabul'on. 34Huan nopa puertas tlen mocahuase ica campa oncalaqui tonati quihuicase inintoca nopa huejhueyi familias tlen Gad, Aser huan Neftal'i. 35"Para nochi ihuehueyaca nopa tepamitl tlen quiyahualos nopa altepetl ica nochi lado quipiyas 9 kil'ometros. Huan nopa altepetl quitocaxtise: |scTOTECO ITZTOC NICA|r."

will be added

X\