Ezekiel 17

1Teipa TOTECO sampa nechcamahui huan nechilhui: 2"Tlacatl, xiquinpohuili nopa israelitame ni huicalotl. 3Xiquinilhui para quej ni na, niDIOS Tlen M'as Nijpiya Tlanahuatili, niquijtohua: 'Se hueyi cuajtli ica ieltlapal tlen nel'ia patlahuac huan quipiya miyac iijhuiyo ica miyac colores, hualajqui ipan tlali L'ibano huan quicotonqui se tiocuahuitl se imacuayo tlen m'as huejcapa. 4Huan ica itenchopich quipostejqui nopa tiocuahuitl ichamancayo tlen m'as selic huan m'as huejcapa chamantoya. Huan quihuicac ipan se altepetl tlen temitoya ica tlanamacani huan tlacohuani huan nopano quitojqui. 5" 'Nojquiya quicuic tlen tlalchi se ichamancayo huan quitocato campa cuali tlali iteno se atemitl campa oncac miyac atl para ma moscalti nimantzi queja nopa cuahuitl tlen itoca huexotl. 6Huan nopa ichamancayo ixhuac huan mochijqui se cuamecatl tlen ax m'as huejcapantic pero momajcajqui campa hueli huan quipixqui miyac ixihuiyo. Huan nochi imacuayohua motlalanque huan moscaltijque para huejcapa imelac nopa cuajtli. Huan nopa cuamecatl quipixqui miyac inelhuayohua tlen moscalti para tlatzintla huan cuali motlatzquilijque ipan tlali. Huan queja nopa mochijqui se cuamecatl tlen quipixqui imacuayohua huan ixihuiyohua. 7Pero ajsico seyoc hueyi cuajtli ica ieltlapal tlen nel'ia patlahuac huan miyac iijhuiyo para quinotzas nopa cuamecatl ma quitoquili. Huajca nopa cuamecatl quitilanqui nochi inelhuayohua huan imacuayohua para ma moscaltica imelac nopa yancuic cuajtli pampa moilhuiyaya quiselis m'as tlapalehuili huan atl tlen seyoc tlali. 8Huan queja nopa quichijqui nopa cuamecatl yonque ya toctoya campa cuali tlali huan campa onca miyac atl. Huan ya hueli moscalt'ia cuali huan quipiya imacuayohua huan ixihuiyohua tlen m'as yejyectzitzi para temacasqu'ia itlajca tlen m'as ajhuiyac.' 9"Huajca ama na, niDIOS Tlen M'as Nijpiya Tlanahuatili, nimitznahuat'ia xiquinilhui: '¿Inquiitaj para cuali mocahuas ni cuamecatl huan quipiyas cuali itlajca? Nimechilhu'ia para axtle. Nopa cuajtli tlen achtohui hualas huan quihuihuitlas ica nochi inelhuayo. Quichihuas para nochi itlajca nopa cuamecatl ma tepehui huan para ma pilini ixihuiyo. Huan ax monequis miyac soldados o miyac chicahualistli para quiquixtise. 10Huan yonque quitocase nopa cuamecatl ipan seyoc tlali, ayoc chamanis. Quema hualas se ajacatl ica campa quisa tonati huan quiajsis, nimantzi huaquis huan hasta inelhuayo nojquiya huaquis yonque motlatzquilijtoc ipan cuali tlali.' " 11Huan TOTECO sampa nechcamahui huan nechilhui: 12"Quej ni xiquinilhui nopa mosisinijca israelitame: '¿Ax inquimachil'iaj tlachque quiijtosnequi ni tlamantli? Na nimechilhuis tlachque quiijtosnequi. Nopa achtohui cuajtli quiixnext'ia nopa tlanahuatijquetl tlen tlali Babilonia tlen itoca Nabucodonosor. Yaja ajsico altepetl Jerusal'en huan quiitzqui nopa Tlanahuatijquetl huan quihuicac ininhuaya itlayacancahua hasta ipan tlali Babilonia. 13Huan queja nopa cuajtli quicuic ichamanca nopa cuahuitl huan quitojqui ipan cuali tlali nechca atl, Nabucodonosor quicuic se tlacatl tlen nopa familia tlen tlanahuatiani huan quichijqui se tlajtoli ihuaya. Quichihualti ma tlatestigojquetza para nochipa quitequipanos. Huan Nabucodonosor quicajtejqui queja tlanahuatijquetl huan quinhuicaque nopa tlacame tlen m'as tlayacanaj tlen nopa tlali. 14Quichijqui queja nopa para tlali Jud'a ayoc quipiyasqu'ia chicahualistli huan ayoc huelisqu'ia motlalanas ica ya. Monequiyaya nopa tlanahuatijquetl tlen quicajqui senquistoc ma quitlepanitas Nabucodonosor huan nopa tlajtoli tlen quichijqui ihuaya para huelis mocahuas ipan itlal. 15" 'Pero ni tlanahuatijquetl mosisini ica Nabucodonosor pampa quintitlanqui itlayolmelajcahua ipan tlali Egipto para tlajtlanitij miyac cahuayos huan miyac soldados tlen cuali tlatehu'iaj para quitehuise Nabucodonosor. Huan imojuanti, ¿inmoilhu'iaj ax tleno ipantis tlen mocajqui ipan tlali Jud'a quema quiixpanoc nopa tlajtoli tlen ica tlatestigojquetzqui ica Nabucodonosor para quichihuas? 16Na, niDIOS Tlen M'as Nijpiya Tlanahuatili, niquijtohua para temachtli miquis nopa tlanahuatijquetl tlen tlali Jud'a tlen quiixpanoc nopa tlajtoli. Miquis ipan tlali Babilonia campa itztoc nopa tlanahuatijquetl tlen quimacac tequihuejcayotl para ma tlanahuati huan tlen quichijqui nopa tlajtoli ihuaya tlen yaja quiixpanoc. 17Huan Tlanahuatijquetl Fara'on tlen tlali Egipto ica nochi isoldados tlen m'as yajatij tlatehu'iaj ax huelise quipalehuise tlali Jud'a ehuani quema nopa Tlanahuatijquetl tlen tlali Babilonia quiyahualos Jerusal'en huan quinmictis miyac tlacame. 18Pampa nopa tlanahuatijquetl quiixpanoc nopa tlajtolsencahuali yonque tlatestigojquetztoya para quitlepanitasqu'ia Nabucodonosor. Huan yeca ax hueli mochololtis tlen nopa tlatzacuiltili tlen ipantis. 19" 'Na, niDIOS Tlen M'as Nijpiya Tlanahuatili, niquijtohua: Temachtli nijtlatzacuiltis nopa tlanahuatijquetl pampa quichijqui se tlajtoli huan tlatestigojquetzqui ica na notoca para quitlepanitasqu'ia Nabucodonosor para nochipa, pero ax quitlepanitac nopa tlajtoli, niyon ax quiitac intla ipati. 20Huajca na nijmajcahuilis nomatla para nijmasiltis. Huan nijhuicas ipan tlali Babilonia huan nepa nijtlatzacuiltis pampa moyolajcomanqui ica na huan nechixpanoc. 21Huan nechca nochi nopa israelita soldados tlen m'as tlapejpenilme miquise ica machete. Huan yajuanti tlen noja mocahuase yoltoque, niquintitlanis ipan campa hueli tlaltini para itztotij queja sejcoyoc ehuani. Huan huajca inquimachilise para na niDIOS. 22" 'Huan na, niDIOS Tlen M'as Nijpiya Tlanahuatili, niquijtohua: Na nojquiya noselti nijchihuas queja nopa cuajtli huan nijpostequis ichamanca nopa tiocuahuitl tlen m'as huejcapantic, huan nijtocas ipan nopa tepetl tlen m'as huejcapantic ipan tlali Israel. 23Huan nijchihuas ma eli se tiocuahuitl tlen nel'ia yejyectzi huan quipiyas imacuayohua huan itlajca. Huan nochi tlamantli tlapiyalime moecahuilise itzintla huan nochi totome motepasoltise ipan imacuayohua pampa nopa tlanahuatijquetl tlen na nijtlalis elis tlen m'as cuajcualtzi. 24Huan queja nopa, nochi quimatise para na niDIOS tlen nijquixtis se tlanahuatijquetl tlen hueyi huan nijtlalis tlen nijnequi huan nijchihuas ma moscalti huejcapa. Eltoc queja nijtzintzontequis se cuahuitl tlen huejcapantic huan nijhuejcapantlalis se cuahuitl tlen eltoya pilsiltzi. Nojquiya quimatise para na nihueli nijchihua ma huaqui se cuahuitl tlen xoxohuic huan na nijchihua ma xoxohuiya se cuahuitl tlen huactoc. Na niDIOS niquijto para queja nopa nijtlalis se tlanahuatijquetl huan quena, nijtlalis.' "

will be added

X\