Exodus 6

1Huan TOTECO quinanquili: --Ama tiquitas tlen nijchihuas ica Fara'on. Ax quincahuas notlacajhua ma quisaca ipan ni tlali hasta quiitas queja onpano hueyi nochicahualis. Pero quema quiitas nochicahualis, yajaya quintojtocas ma quisaca. 2Huan noja Toteco Dios quicamahui Mois'es huan quiilhui: --NiimoTECO Tlen Nochipa Niitztoc. 3Nimonexti ica Abraham, Isaac huan Jacob huan niquinmatilti queja niitztoc pampa niquinilhui notoca: NimoTeco Tlen Nijpiya Nochi Chicahualistli, pero ax niquinilhui ni seyoc notoca: Na Tlen Nochipa Niitztoc. 4Nojquiya ininhuaya nijchijqui nopa tlajtoli para niquinmacas nopa tlali Cana'an campa achtohui itztoyaj queja sejcoyoc ehuani. 5Huan na nijcactoc quejatza chocaj nopa israelitame pampa nopa egiptome quintequipanolt'iaj tlahuel chicahuac huan ax niquilcajtoc tlen niquintencahuilijtoc. 6Ama xiquinilhui nochi israelitame para na niimoTECO niquinmaquixtis tlen inintequi tlen tlahuel ohui ipan ni tlali Egipto. Quena, ica na nochicahualis huan ica huejhueyi tlanextilijcayotl, niquinmanahuis. Nijchihuas huejhueyi tlanextilijcayotl para niquintlatzacuiltis nopa egiptome pampa quej nopa xitlahuac. 7Huan xiquinilhuiti na nimoaxcatis nopa israelitame huan itztose notlacajhua. Huan na nielis niininTeco. Queja nopa quimatise para na niininTeco Dios tlen niquinmocuitlahu'ia, huan naja tlen niquinquixtis tlen nopa tequitl tlen tlahuel etic ipan ni tlali Egipto. 8Huan xiquinilhuiti niquinhuicas ipan nopa cuali tlali tlen niquintencahuili niquinmacas Abraham, Isaac huan Jacob. Huan niquinmacas nopa israelitame nopa tlali para elis iniaxca. Xiquinilhui na niininTECO niquijtohua. 9Huajca Mois'es quinpohuili israelitame nochi ya ni, pero ax quichihuilijque cuenta pampa mocuesohuayayaj ica inintequi tlen tlahuel chicahuac. 10Teipa TOTECO quiilhui Mois'es: 11--Xiya xiquilhuiti Fara'on nopa tlanahuatijquetl ipan tlali Egipto para ma quincahua ma quisaca nopa israelitame tlen itlal. 12Pero Mois'es quinanquili TOTECO: --Niyon nopa israelitame ax nechtlacaquilise, ┬┐huajca quejatza nechtlacaquilis Fara'on? Eltoc pampa ax cuali nitlatenquixt'ia quema nicamati. 13Huajca queja nopa TOTECO quincamahui Mois'es ihuaya Aar'on huan quinilhui tlen monequi quinilhuise nopa israelitame huan Fara'on. Huan quintequimacac ma quinquixtica israelitame ipan tlali Egipto. 14Huan ya ni inintoca nochi inintlayacanca tatahua israelitame huan ajqueya inijuanti tlen tlacatque teipa tlen sesen hueyi tata tlen eliyaya itelpocahua Israel. Rub'en tlen elqui iachtohui ejca cone Israel huejcajquiya quinpixqui iconehua tlen inintoca: Hanoc, Fal'u, Hezr'on huan Carmi. Huan sesen ni tlacame quinpixqui miyac iixhuihua huan sesen mochijque se hueyi familia, pero nochi hualajque tlen Rub'en huejcajquiya. 15Huan Sime'on itelpoca Israel huejcajquiya quinpixqui iconehua tlen inintoca: Jenuel, Jam'in, Ohad, Jaqu'in, Zohar huan Sa'un tlen elqui icone se cananea sihuatl. Sesen ni tlacame quinpixqui miyac iixhuihua huan sesen mochijqui se hueyi familia, pero nochi hualajque tlen Sime'on. 16Huan Lev'i, tlen eliyaya itelpoca Israel huejcajquiya, itztoya 137 xihuitl. Huan ipan iyolis quinpixqui itelpocahua tlen inintoca: Gers'on, Coat huan Merari. 17Huan iconehua Gers'on tlen mochijque huejhueyi familias elque: Libni huan Simei. 18Huan Coat itztoya 133 xihuitl huan iconehua elque: Amram, Izhar, Hebr'on huan Uziel. 19Huan iconehua Merari elque Mahli huan Musi. Nochi ya ni mochijque huejhueyi familias huan hualajque tlen ininhueyi tata Lev'i. Nicani eltoc inintoca ica tlen achtohui ejquetl huan quejatza yajtiyajque hasta tlen teipa ejquetl. 20Huan ipan iconehua Coat, Amram mosihuajti ihuaya iahui tlen elqui iicni itata huan itoca eliyaya Jocabed, huan ya quintlacatilti Aar'on huan Mois'es. Huan Amram itztoya 137 xihuitl. 21Huan Izhar quinpixqui itelpocahua tlen inintoca: Cor'e, Nefeg huan Zicri. 22Huan iconehua Uziel elque: Misael, Elzaf'an huan Sitri. 23Huan Aar'on mosihuajti ihuaya Elisabet tlen eliyaya iichpoca Aminadab huan isihua icni Naas'on, huan quintlacatilti Nadab, Abi'u, Eleazar huan Itamar. 24Huan iconehua Cor'e elque Asir, Elcana huan Abiasaf. Nochi ya ni mochijque huejhueyi familias huan hualajque tlen Cor'e. 25Huan Eleazar, icone Aar'on, mosihuajti ica se iichpoca Futiel huan yajaya quitlacatilti Finees. Nochi ni lista huajca eliyaya inintoca nopa tlacame tlen quinyacanque nopa huejhueyi familias tlen ininteixmatcahua. Huan nochi hualajque tlen ininhueyi tata Lev'i. 26Huan ni Aar'on huan Mois'es tlen mopant'ia inintoca ipan ni lista eltoc san se nopa tlacame tlen TOTECO quinilhui ma quinchihuaca israelitame ma motecpanaca ica pamitl huan ma quinquixtica ipan tlali Egipto. 27Huan nojquiya elque Mois'es huan Aar'on tlen quicamahuitoj Fara'on, nopa tlanahuatijquetl ipan tlali Egipto para ma quinmaca caquihuili quinquixtise nopa israelitame. Huan teipa elque Mois'es huan Aar'on tlen quinyacanque nopa israelitame tlen nopa tlali. 28Huan nopa tonal quema TOTECO quinojnotztoya Mois'es ipan tlali Egipto, 29quiilhuijtoya: --Na niDIOS. Xiquilhui Fara'on, nopa tlanahuatijquetl ipan tlali Egipto, nochi nopa tlamantli tlen nimitzilhu'ia. 30Huan Mois'es quinanquili TOTECO: --Na ax hueli cuali nitlatenquixt'ia quema nicamati, huajca ┬┐quejatza nechchihuilis cuenta Fara'on?

will be added

X\