Exodus 5

1Teipa Mois'es huan Aar'on yajque quicamahuito Fara'on huan quiilhuijque: --TOTECO Dios tlen tiisraelitame tijhueyichihuaj mitzilhu'ia para xiquincahua itlacajhua ma yaca campa huactoc tlali para ma quiilhuichihuilitij. 2Pero Fara'on tlananquili: --¿Huan ajqueya 'imoTECO' para na ma nijneltoquili huan ma niquincahua ma yaca ne israelitame? Ax niquixmati imoTECO, niyon ax niquincahuas ma yaca. 3Huajca Mois'es huan Aar'on quiijtojque: --Toteco Dios tlen toTeco tihebreos hualajtoc technamiquiqui huan techilhuijtoc tlen monequi ma tijchihuaca. Huajca xitechcahuili ma tiyaca eyi tonali ipan ojtli ipan nopa huactoc tlali para tijmacatij tlacajcahualistli TOTECO Dios, pampa intla amo, nohueli timiquise ica se hueyi cocolistli o ica machete. 4Pero nopa tlanahuatijquetl tlen tlali Egipto quinilhui Mois'es huan Aar'on: --¿Para tlen inquintequipolohuaj ni tlacame? Ma mocuepaca ipan inintequi. 5Huan nojquiya Fara'on quinilhui: --Ama itztoque tlahuel miyac israelitame ipan ni tlali, huan san inquintequipolohuaj. 6Huajca ipan nopa tonal Fara'on quinmacac se yancuic tlanahuatili nopa tlayacanani tlen quinnahuatiyayaj huan quinhuijhuitequiyayaj nopa israelita tlatequipanohuani. Quinilhui: 7--Ayoc xiquinmacaca sacatl israelitame para ma quichihuaca soqui ladrillos queja mochijtihualajtoc. Ma yaca inijuanti para quisentilitij nopa sacatl tlen monequi. 8Pero xiquinfuerzajhuica ma temactilica san se imiyaca ladrillos queja achtohui. Niyon se ladrillo ma ax polihui. Pampa nopa israelitame tlatzcacalactoque huan yeca tlahuejchihuaj huan quiijtohuaj quinequij yase quimacatij tlacajcahualistli ininTeco. 9Huajca xiquinchihualtica ma tequitica m'as chicahuac nopa tlacame. Xiquintequihuica para ma ax quitlacaquilica ni istlacatili tlen Mois'es huan Aar'on quinilhu'iaj. 10Huajca nopa tlayacanani huan tecojme quisque huan yajque quinilhuitoj nopa israelitame: --Nopa Fara'on tlanahuatijtoc ma ayoc timechmacaca sacatl. 11Ama monequi inyase inquitemotij. Pero monequi inquitlamichihuase san se imiyaca ladrillos queja inquichihuayayaj achtohuiya. 12Huajca nopa israelitame campa hueli yajque ipan tlali Egipto quitemotoj sacatzomitl tlen mocajtoya quema tlacame quitzontectoyaj sacatl, huan ya nopa quitequihuijque pampa ayoc oncayaya sacatl. 13- 14Huan mojmostla itlayacancahua Fara'on quinisihuiltiyayaj m'as huan quinilhuiyayaj: --Xijtlamichihuaca san se imiyaca nopa soqui ladrillos ipan se tonal queja quema inmechmacayayaj sacatl. Huan nojquiya nopa Egipto tecojme quinmaquiliyayaj israelita tlayacanani huan quinilhuiyayaj: --¿Quejatza, niyon yalohua, niyon ama, ax inquiaxitijtoque san se imiyaca ladrillos queja achtohuiya inquichihuayayaj? 15Huan nopa israelita tlayacanani yajque tlajtlanitoj tlapalehuili ica tlanahuatijquetl Fara'on, huan quiilhuijque: --¿Para tlen quej ni titechchihuil'ia? 16Nopa Egipto tecojme ayoc techmacaj sacatl. Huan ax san ya nopa, nojquiya technahuat'iaj ma tijchihuaca san se imiyaca soqui ladrillos, huan hasta techmaquil'iaj pampa ax tihuelij. Pero inijuanti inintlajtlacol, pampa ax techmacaj sacatl. 17Huajca Fara'on quinnanquili: --¡San intlatzihuini! ¡Quena, intlatzihuij! Huan yeca inquiijtojtinemij inyase inquimacatij tlacajcahualistli imoTECO. 18Xiyaca xitequititij, huan yonque ayoc inmechmacase sacatl, monequi intemactilise san se imiyaca ladrillos. 19Huan nopa tlayacanani tlen israelitame mocuesojque quema quinilhuijque para monequi ma ax temosqu'ia imiyaca nopa soqui ladrillos queja achtohuiya quichihuayayaj. 20Huan quema quisque iixtla Fara'on, quinpantitoj Mois'es huan Aar'on quinchixtoyaj. 21Huan nopa israelita tlayacanani quinilhuijque: --TOTECO ma quiita tlen ax cuali inquichijtoque ica tojuanti, huan ma inmechtlatzacuilti. Imojuanti imotlajtlacol para itequihuejcahua Fara'on ma techtlachilica fiero. Eltoc queja inquitlalijtoque machete ipan ininma para ma techmictica ica tlen inquiilhuijtoque nopa tlanahuatijquetl. 22Huajca Mois'es momaijto huan quiilhui TOTECO: --Toteco, ¿para tlen tiquinchihuil'ia tlen ax cuali ni tlacame? ¿Para tlen titechtitlanqui? 23Hasta nopa tonal quema nihualajqui nijcamahuico Fara'on queja tinechilhui, yajaya noja m'as quintlaijiyohuiltijtoc motlacajhua, huan ta ax tleno tijchijtoc para tiquinmaquixtis.

will be added

X\