Exodus 18

1Huan Jetro, nopa totajtzi tlen tlali Madi'an tlen elqui imontat Mois'es, quicajqui quejatza TOTECO quinquixtijtoya nopa israelitame tlen tlali Egipto. Nojquiya quicajqui nochi nopa yejyectzi tlamantli tlen quinchihuilijtoya Mois'es huan itlacajhua. 2- 3Mois'es quititlantoya isihua, S'efora, ma yohui ichaj quema quinmanahuiyaya nopa israelitame. Huan Jetro imontat Mois'es sampa quiselijtoya iichpoca ininhuaya iome conehua. Se tlen nopa coneme itoca eliyaya Gers'on. (Gers'on quinequi quiijtos Sejcoyoc Ejquetl.) Queja nopa Mois'es quitocajti pampa quiijtojtoya: "Nielqui nise sejcoyoc ejquetl ipan se tlali tlen ax niquixmati". 4Huan nopa seyoc icone itoca eliyaya Eliezer. (Eliezer quinequi quiijtos Toteco Dios Yajaya Notlapalehuijca.) Queja nopa quitocajti pampa quiijtojtoya: "Toteco Dios tlen notata quitoquili hualajqui nechpalehuico huan nechmaquixti tlen imachete Fara'on." 5Huajca se tonal quema nopa israelitame ya ajsitoyaj ipan huactoc tlali, Jetro quincuitejqui isihua huan iconehua Mois'es huan yajque campa Mois'es quiquetztoya ichaj tlen yoyomitl nechca itepe Toteco. 6Huan Jetro tlatitlanqui ma quiyolmelahuati Mois'es para ajsiyayaj. Quiilhui: --Na niJetro, momontat. Nihualajtoc nimitzitaqui huan niquinhualica mosihua huan moconehua. 7Huan Mois'es quisqui quiselito imontat, huan quitlajpalo ica yejyectzi huan quitzoponi. Huan teipa quema motlajpalojque, calajque ipan se cali tlen yoyomitl. 8Huan nopona Mois'es quipohuili imontat nochi tlen TOTECO quinchihuilijtoya Fara'on huan nopa egiptome pampa quinicneli nopa israelitame. Huan quipohuili nochi tlamantli tlen ininpantijtoya ipan ojtli huan quejatza TOTECO quinmaquixtijtoya. 9Huan Jetro pajqui quema quicajqui quejatza TOTECO quinpalehuijtoya nopa israelitame huan quinmaquixtijtoya tlen nopa egiptome. 10Huan Jetro quiijto: --Ma tijhueyichihuaca TOTECO tlen inmechmanahuijtoc ininmaco Fara'on huan nochi egiptome, huan nochi tlen fiero inijuanti inmechchihuiliyayaj. 11Ama nijmachil'ia para TOTECO, yajaya m'as hueyi tlen nochi sequinoc tlen quintocajtlal'iaj dioses, pampa inmechmanahuijtoc ininmaco tlacame tlen mohueyimatiyayaj huan tlen fiero inmechchihuiliyayaj. 12Teipa Jetro quimacac Toteco sequin tlacajcahualistli huan quitlati se tlapiyali iixtla. Huan Aar'on ihuaya nochi nopa huehue tlacame tlen nopa israelitame yajque tlacuatoj ihuaya imontat Mois'es iixtla Toteco Dios. 13Hualmostla Mois'es mosehui queja juez para quintlacaquilis nopa israelitame tlen moteilhuiyayaj se ica seyoc. Huan nochi nopa tonal miyac tlacame ijcatoyaj iixtla hasta nochi cuatiyayaj. 14Huajca quema Jetro imontat Mois'es quiitac nochi nopa tequitl tlen Mois'es iselti quichihuayaya iniixpa nopa israelitame, quiilhui: --┬┐Tlaque tiquinchihuil'ia ni tlacame? Ax cuali para san ta timosehu'ia para titetlajtolsencahuas huan nochi inijuanti se tonal moquetztoque. 15Huan Mois'es quinanquili imontat: --Nochi hualahuij nechitaquij para ma nijtlajtlani Toteco Dios tlaque ipaquilis. 16Huan quema mocualan'iaj se ica seyoc, hualahuij nechitaquij para ma niquinilhui ajqueya quichijtoc tlen melahuac. Huajca na niquinilhu'ia tlaque quiijtohua Toteco Dios huan tlaque itlamachtil. 17Huajca Jetro, imontat Mois'es, quiilhui: --Ax cuali tlen tijchihua. 18Tisiyajcamiquis huan nojquiya tlaxicose nochi nopa tlacame tlen hualahuij campa ta. Ni tequitl nel tetic para ta. Moselti ax huelis tijtlamichihuas. 19Huajca ama xijcaqui huan nimitzilhuis tlen monequi tijchihuas huan Toteco mitztiochihuas. Ta motequi timonextis iixtla Toteco ipampa nochi ni tlacame huan xijtlali iixtla nopa tlamantli tlen quincuesohua. 20Nojquiya monequi xiquinmachti itlanahuatilhua huan tlen yajaya quiijtohua huan xiquinilhui quejatza monequi itztose huan tlaque monequi quichihuase. 21Nojquiya monequi xiquintlapejpeni tlen nochi nopa tlacame sequin tlayacanca tlacame tlen temachme huan tlen quitlepanitaj Toteco Dios. Xiquintlapejpeni tlen ax istlacatij huan tlen ax quinequij tlen seyoc iaxca. Xiquintlali sequin nopa tlayacanca tlacame ma quipiyaca tlanahuatili ica mil tlacame. Huan tlatzintla sese inijuanti, xiquintlali 10 tlacame tlen quipiyase tlanahuatili ica san 100 tlacame. Huan tlatzintla sesen nopa 100 tlacame, xiquintlali 2 tlacame tlen quipiyase tlanahuatili ica san 50 tlacame. Huan tlatzintla sesen nopa 50 tlacame, xiquintlali 5 tlacame tlen san quipiyase tlanahuatili ica 10 tlacame. 22Huan inijuanti quisencahuase tlen quincuesos ni tlacame ipan tlen hueli tlalochtli. Huan san nopa tlamantli tlen m'as huejhueyi mitzhualiquilise huan inijuanti quisencahuase nochi tlamantli tlen ax ohui. Queja nopa ax elis tlahuel ohui nopa tequitl pampa inquichihuase san sejco. 23Intla Toteco mitznahuatis para tinechtlacaquilis, huajca huelis tiquijiyohuis motequi, huan nochi nopa tlacame paquise. 24Huajca Mois'es quitlacaquili imontat huan quichijqui nochi tlen quiilhuijtoya. 25Quintlapejpeni tlayacanca tlacame tlen m'as temachme ipan nopa israelitame huan quinmacac sequin inijuanti tlanahuatili ica sesen mil tlacame. Huan tlatzintla tlen sesen nopa tlayacanani, quinmacac 10 tlacame tlanahuatili ica 100 tlacame. Huan tlatzintla sesen nopa tlacame, quinmacac 2 tlacame tlanahuatili ica 50 tlacame. Huan tlatzintla sesen inijuanti, quinmacac 5 tlacame tlanahuatili ica 10 tlacame. 26Huan inijuanti quintlajtolsencahuayayaj tlacame ipan tlen hueli hora. Huan san nopa tlamantli tlen huejhueyi quihuiquiliyayaj Mois'es, pero nochi tlajtoli tlen ax m'as ohui quisencahuayayaj inijuanti. 27Huan teipa Mois'es quinahuatijtejqui imontat, Jetro, huan yajaya mocuepqui itlal.

will be added

X\