Deuteronomy 34

1Huajca Mois'es quisqui tlen nopa huactoc tlali Moab huan tlejcoc ipan nopa tepetini tlen itoca Nebo. Yajqui hasta iixco nopa tepetl Pisga tlen eltoc iixmelac altepetl Jeric'o. Huan tlen nopona TOTECO quinextili nochi tlali tlatencahuali tlen Galaad hasta Dan, 2huan nochi nopa tlali Neftal'i, Efra'in huan Manas'es huan nochi tlali Jud'a hasta nopa Hueyi Atl Mediterr'aneo. 3Huan quinextili nopa tlali Neguev, huan nopa tlamayamitl tlen Jeric'o, nopa altepetl tlen palmeras huan quinextili hasta Zoar. 4Huan TOTECO quiilhui: "Ya ni nopa tlali tlen nijtencahuili Abraham, Isaac huan Jacob para niquinmacasqu'ia iniixhuihua. Ama nimitzcahuilijtoc para ica moixtiyol xiquita, yonque ax huelis ticalaquis ipan ne tlali." 5Huan queja nopa Mois'es, itequipanojca TOTECO, mijqui ipan nopa tlali Moab queja TOTECO quiilhuijtoya. 6Huan TOTECO quitojqui ipan se tlamayamitl ipan tlali Moab, iixmelac Bet Peor, ipan se lugar tlen hasta ama axaca quimati. 7Huan yonque quipiyayaya 120 xihuitl quema mijqui, cuali tlachiyayaya huan noja eliyaya neltetic itlacayo. 8Huan nopa israelitame quichoquilijque Mois'es para 30 tonali ipan nopa huactoc tlali tlen Moab queja momajtoyaj quichihuaj. Huan teipa tlanqui nopa tonali tlen choquistli. 9Huan Josu'e, icone Nun, quiseli tlahuel miyac tlalnamiquili quema Mois'es quitlali ima ipan ya. Huajca nopa israelitame quitlepanitaque Josu'e huan quitoquilijque inintlajtol para quichihuase nochi tlen TOTECO quinahuatijtoya Mois'es ma quichihuaca. 10Pero ayoc quema oncac seyoc tiocamanalojquetl ipan israelitame queja Mois'es tlen moixtlachiliyaya ihuaya TOTECO quema ihuaya camatiyaya. 11Huan pampa queja nopa moixmatiyaya ica TOTECO, huelqui quichihua huejhueyi tlanescayotl huan tiochicahualnescayotl tlen TOTECO quititlanqui ma quichihua ipan tlali Egipto iixtla Fara'on, huan iniixtla itlapalehuijcahua huan nochi sequinoc tlen itztoyaj ipan itlal. 12Huan ica Mois'es TOTECO quichijqui huejhueyi tlamantli iniixtla israelitame tlen quinmajmati. Quinnextili quejatza ihueyi chicahualis TOTECO.

will be added

X\