Deuteronomy 33

1Quema polihuiyaya quentzi para miquis Mois'es, itequipanojca Toteco Dios, yajaya quintiochijqui nochi nopa israelitame ica ni tlajtoli. 2Quiijto: "Quema monexti TOTECO, itlatlanex hualajqui tlen campa hueli. Hualajqui tlen tepetl Sina'i, tlen Seir huan tlen nopa tepetini ipan Par'an. Hualajqui tlen elhuicac campa quiyahualojtoyaj majtlactli mil ielhuicac ejcahua. Yajaya hualajqui techhualiquili nochi nopa tlanahuatili tlen elqui queja se tlitl tlen toponi tlen quihuicayaya ipan inejmatl. 3TOTECO nel'ia techicnel'ia tiitlacajhua, huan techpiya nochi tiitlatzejtzeloltijca tlacajhua imaco. Tojuanti tijtoquil'iaj. Tijtlal'iaj toicxihua campa pano iicxihua. Huan tijtlacaquil'iaj huan nimantzi tiyohuij campa yajaya techtitlani. 4TOTECO techmacac itlanahuatilhua ica na, ya nopa tlen m'as ipati tlen tiisraelitame tijpiyaj. 5TOTECO mochijqui totlanahuatijca tiisraelitame quema nochi tlayacanani huan nochi ixhuime tlen nochi huejhueyi israelita familias timosentilijque." 6Huan Mois'es quiijto tlen nopa hueyi familia tlen iixhuihua Rub'en: "¡Ma itzto nopa familia tlen iixhuihua Rub'en! Ma ax miquica, ma ax tlamica, yonque Rub'en ax quinpiya miyac iteipa ixhuihua tlen hualahuij ica ya ieso." 7Huan tlen nopa hueyi familia Jud'a, Mois'es quiijto: "TOTECO, xijtlacaquili inintos iixhuihua Jud'a tlen techyacanaj ipan tlatehuijcayotl. Xijchihua ma mocuepaca ica cuali huan sampa mosejcotiliquij tohuaya. Xiquinmanahui ica mohueyi chicahualis. Xiquinpalehui ica inincualancaitacahua." 8Huan Mois'es quiijto tlen iixhuihua Lev'i: "TOTECO, nopa levitame tlen mitztequipanohuaj ica temachtli, ta tiquinmacatoc nopa Tumim huan Urim, nopa dados tlen tlatzejtzeloltic, para huelis quimatise mopaquilis. Tijyejyeco ininhuejcapan tata campa nopa atl Meriba campa nochi israelitame quinajnanquiliyayaj. Tijchijqui para iixhuihua mitztequipanose xitlahuac. 9TOTECO, nopa levitame inijuanti tlen m'as mitzneltoquil'iaj motlajtol. M'as itztoque temachtli ica ta, hasta quinitaque inintatahua, ininnanahua huan iniicnihua, queja ax quinixmatiyayaj para quitlamichihuase motlajtol. 10Inijuanti techmacht'iaj tiisraelitame nochi motlanahuatilhua. Quitlal'iaj copali ipan motlaixpa moixpa, huan tlapiyalime mitzmacaj ipan motlaixpa queja tlacajcahualistli tlatlatili. 11Xiquintiochihua levitame, TOTECO, huan ica paquili xijseli nochi inintequi. Xiquinquixtili ininchicahualis nochi inincualancaitacahua para ayoc ma motlalanaca." 12Tlen nopa familia Benjam'in Mois'es quiijto: "TOTECO tlahuel quinicnel'ia iixhuihua Benjam'in, huan inijuanti itztoque ica temachili ipan ima. Nochipa yajaya quinmocuitlahu'ia huan quinmanahu'ia." 13Tlen iixhuihua Jos'e, Mois'es quiijto: "Ma TOTECO quitiochihua inintlal iixhuihua Jos'e. Ma quiselica nopa atl tlen m'as cuali tlen elhuicac. Ma meya nopona nopa atl tlen eltoc m'as tlahuejcatla tlen ni tlaltepactli. 14Inintlal ma temaca tlen m'as cuajcuali pixquistli tlen ya icsic campa cuali tona huan cuali metztona. 15Iixhuihua Jos'e para nochipa ma quiselica itlajca tlen m'as cuali temaca nopa tepetini huan tlachiquili tlen huejca. 16Ma quiselica nopa cuajtlactli tlen m'as cuajcuali onca ipan tlaltepactli. Quena, miyac tlen cuali ma quiselica hasta mocahuas. Huan ma quinita ica cuali TOTECO tlen monexti nohuaya ipan nopa xihui tzontli tlen tlatlayaya. Nochi ni tlatiochihuali ma huala ipan iixhuihua Jos'e, yajaya tlen quinnahuatiyaya iicnihua huejcajquiya. 17Iixhuihua Efra'in, icone Jos'e, elij nel'ia huejhueyi queja iachtohui cone se toro. Iixhuihua quipiyase chicahualistli queja icuacua se toro. Elise tetique queja se b'ufalo tlen aya aca quimaxojtilijtoc. Nopa miyac miles tlen ininsoldados iixhuihua Efra'in, huan nopa miyac miles tlen iixhuihua Manas'es quincuacuajhuise nochi tlamantli tlacame hasta campa m'as huejca tlaltini ipan ni tlaltepactli, huan quintlanise nochime ica san se huelta." 18Tlen iixhuihua nopa huejhueyi familias tlen Zabul'on huan Isacar Mois'es quiijto: "Xiyolpaquica iniixhuihua Zabul'on huan Isacar quema inpanquistinemij campa hueli tlali ipan imotequi, huan quema inmocuepaj ipan imoyoyoncalhua para inmosiyajcahuase. Nochi imotequi ma quisa cuali. 19Inquinnotzase sequinoc tlacame ma yaca campa tepetl, huan nopona intemacase para TOTECO nopa tlacajcahualistli tlen tlascamatili tlen m'as cuajcualtzi. Inquitlanise tomi ica nochi iricojyo tlen onca ipan hueyi atl, huan nochi tlen ipati tlen motlatijtoc ipan xali iteno hueyi atl." 20Tlen iixhuihua nopa hueyi familia Gad Mois'es quiijto: "Ma tijhueyichihuaca TOTECO tlen quinmacac huejhueyi tlali iixhuihua Gad. Iixhuihua Gad mocualtlal'iaj huan tlachiyaj cuali, queja se sihua tecuani tlen quichiya para ipan huitonis se para quicotonilis ima huan itzonteco. 21Gad motlapejpenili huan mocahui tlen m'as cuali tlali. Quiselijque achi miyac queja tlen quinamiqui tlayacanani. Yajaya ihuaya itlacajhua yajque queja tlayacanani tlen israelitame para tlatehuitij. Inijuanti quichihuase nochi tlen xitlahuac tlen TOTECO quinnahuatijtoya ma quichihuaca." 22Tlen iixhuihua Dan Mois'es quiijto: "Iixhuihua Dan itztoque queja icone se tecuani tlen quisa campa motlatijtoc ipan ojtli ipan Bas'an, huan huitoni ininpan tlen quinonpanoj para quincocos." 23Tlen iixhuihua Neftal'i Mois'es quiijto: "TOTECO inmechcualita iniixhuihua Neftal'i, huan nelmiyac itlatiochihual inquiselijtoque. Ximoaxcatica nopa hueyi atl campa temo tonati, huan nopa tlali Neguev ica tlani." 24Tlen iixhuihua Aser Mois'es quiijto: "TOTECO m'as ma quintiochihua iixhuihua Aser que nochi sequinoc iconehua Israel. Nojquiya iniicnihua quinicnelise. Ma quixolonica iniicxihua ipan aceite pampa nochi quipiyaj hasta mocahua. 25Huan nochi inincuapuertas quipiyase hierro huan bronce para ica motzacuase para nochi tlen quipiyaj mocahuas temachtli. Huan ininchicahualis huejcahuas para nochi ininyolis. 26Axaca seyoc queja Toteco toDios tiisraelitame. Yajaya nopa tlanahuatijquetl tlen m'as hueyi tlen nejnentinemi ipan elhuicac ica nochi iyejyejca. Yajaya nimantzi huala tlen elhuicac techpalehuiqui. 27Toteco Dios tlen nochipa itztoya huan nochipa itztos, yajaya tlen ipan timotemach'iaj. Imaco timocahuaj nica ipan tlaltepactli huan ichicahualis tlen ax quema tlamis techmapalehu'ia. Yajaya quintojtocas imoixtla icualancaitacahua huan inmechnahuatis xiquintzontlamiltica. 28Huajca israelitame nochipa itztose ica temachili. Quena, iixhuihua Israel nochipa yolpaquise. Initztose ipan imotlal ica miyac trigo huan xocomeca atl. Huan tlaahuetzis cuali quema monequi. 29Tlahuel intlatiochihualme inisraelitame. Axacame sequinoc tlacame queja imojuanti tlen inmechmaquixtijtoc TOTECO. Yajaya tlen inmechmanahu'ia huan inmechpalehu'ia. Yajaya queja imomachete tlen ica intlatlanise. Ipampa ya nochi imocualancaitacahua motlancuaquetzase imoixpa, huan ininpan inmoquetzase."

will be added

X\