COLOSENSES 4

1Xitlacaquica intecojme tlen inquinpiyaj tlatequipanohuani tlen inquincojtoque para imoaxcahua. Xiquinchihuilica imotequipanojcahua tlen xitlahuac huan tlen cuali pampa inquimatij nojquiya inquipiyaj imoTeco nepa elhuicac. 2Nochipa ximomaijtojtinemica ica Toteco. Huan quema inmomaijtohuaj, xitlachixtoca tlaque inquitlajtlan'iaj. Huan xijtlascamatica Toteco ipampa nochi tlen inmechmacatoc. 3Nojquiya amo xiquilcahuaca xijtlajtlanica Toteco para tojuanti. Xijtlajtlanica para ma techtlapohuili se ojtli para m'as tihuelise titecamahuise Itlajtol campa hueli. Nijnequi niquinilhuis m'as tlacame nopa tlamantli tlen Cristo tlen huejcajquiya axaca quimatiyaya. Quejnopa nijchihuayaya huan yeca nechtzajque. 4Xijtlajtlanica Toteco para huelis nitecamahuis Itlajtol nempa queja quinamiqui nijchihuas. 5Ximomocuitlahuica huan ximonejnemiltica ica tlalnamiquilistli iniixpa tlen ax quineltocaj Toteco. Amo san ximotonalpoloca ininhuaya. Xiquinilhuica Itlajtol Toteco. 6Xiquincamahuica ica yamanic huan ica yejyectzi, pero melahuac. Huan ximoilhuica quejatza monequi inquinanquilise sesen tlacatl quema inmechtlajtlanise. 7Toicni T'iquico tlen tiquicnel'iaj yas inmechilhuiti nochi tlen nechpano nicani. Yajaya nel'ia se notlapalehuijca tlen temachtli huan quitequipanohua Toteco nohuaya. 8Nimechtitlanil'ia T'iquico para inquimatise quejatza tiitztoque nicani huan para yajaya huelis inmechyolchicahuas. 9Nojquiya ihuaya T'iquico nimechtitlanil'ia toicni On'esimo tlen tiquicnel'iaj. Yajaya nojquiya se toicni tlen temachtli huan itztoc se tlen imojuanti. Inijuanti inmechilhuise nochi tlen pano nicani. 10Inmechtlajpalohuaj Aristarco tlen itztoc ipan tlatzactli nohuaya huan Marcos imachicni Bernab'e. Ya nimechilhuijtoc para xijselica Marcos ica cuali intla yas inmechitati. 11Nojquiya inmechtlajpalohua Jes'us tlen tojuanti tijtocajt'iaj Justo. San ni eyi israelita tlaneltocani tequitij nohuaya para quinnotzase tlacame ma calaquica campa tlanahuat'ia Toteco, huan inijuanti nel'ia nechyolchicajtoque miyac. 12Nojquiya inmechtlajpalohua Epafras tlen ehua nepa campa imojuanti. Yajaya quitequipanohua Toteco nicani ica nochi iyolo. Mojmostla ica miyac chicahualistli quitlajtlan'ia Toteco imopampa. Quitlajtlan'ia para xielica intemachme, huan para xielica queja tlacame tlen chicahuac quineltoca Toteco huan para ma xijmatica nochi ipaquilis Toteco. 13Nimechyolmelahua para nopa Epafras nel'ia mocuesohua miyac imopampa huan nojquiya ininpampa toicnihua tlen itztoque ipan altepetl Laodicea huan altepetl Hier'apolis. 14Lucas, nopa tepajtijquetl tlen tiquicnel'iaj, huan Demas nojquiya inmechontlajpalohuaj. 15Xiquintlajpaloca inijuanti tlen quineltocaj Toteco nepa Laodicea. Nojquiya xijtlajpaloca Ninfas huan nopa tlaneltocani tlen mosentil'iaj ipan ichaj. 16Quema ya inquipojtose ni amatlajcuiloli, xiquinpanoltilica toicnihua tlen mosentil'iaj ipan altepetl Laodicea para ma quipohuaca nepa nojquiya. Huan imojuanti xijpohuaca nopa amatlajcuiloli tlen niquintlajcuilhuijtoc tlaneltocani ipan Laodicea. 17Xiquilhuica Arquipo ni tlajtoli: "Xijpiya cuidado xijchihua nochi nopa tequitl tlen Toteco mitzmacatoc xijchihua." 18Nicani na niPablo nimechtlajcuilhuijtoc ni tlajtoli ica noma para nimechtlajpalos. Xiquilnamiquica niitztoc ipan tlatzactli. Ma Toteco quipiya hueyi iyolo ica imojuanti. Quejnopa ma eli.

will be added

X\