HECHOS 25

1Huajca teipa Porcio Festo ajsico Cesarea para quiselis itequi, huan mocajqui nepa eyi tonali, huan teipa quisqui huan tlejcotiyajqui hasta altepetl Jerusal'en. 2Huan nepa mosentilijque ihuaya nopa tlayacanani tlen totajtzitzi huan nopa israelitame tlen m'as quipixque tequihuejcayotl, huan nochi quiilhuijque tlen ica quiteilhuiyayaj Pablo. 3Huan quitlajtlanijque Festo ma quinchihuili se favor huan ma quihualica Pablo hasta altepetl Jerusal'en pampa nopa israelitame ya mocualtlalijtoyaj para quimictisqu'iaj ipan ojtli. 4Pero Porcio Festo quinilhui ax huelis pampa Pablo itztoya ipan tlatzactli ipan altepetl Cesarea huan yajaya nojquiya mocuepasqu'ia nepa ica se ome tonali. 5Huan quinilhui: --Intla imojuanti tlen inquipiyaj tequihuejcayotl huelis intemose nohuaya hasta altepetl Cesarea, huelis inquiteilhuise nepa intla quichijtoc se tlaixpanoli. 6Huajca Porcio Festo mocajqui Jerusal'en seyoc chicueyi o majtlactli tonali huan teipa mocuepqui Cesarea. Huan tonili mosehuiyaya ipan tequicali campa tetlajtolsencahua huan tlanahuati ma quihualicaca Pablo. 7Huan quema Pablo hualajqui, nopa israelitame tlen hualajtoyaj tlen Jerusal'en moquetzque huan quiteilhuijque ica miyac tlaixpanoli tlen huejhueyi, pero ax huelque quinext'iaj para nelnel'ia quichijtoya nopa fiero tlamantli. 8Huan teipa Pablo camatqui para momanahuis huan quinilhui: --Ax nijchijtoc niyon se tlaixpanoli ica totlanahuatilhua tiisraelitame, niyon ica tohueyi tiopa, niyon ax tleno nijchijtoc ica nopa hueyi tlanahuatijquetl C'esar ipan altepetl Roma. 9Pero Porcio Festo quinequiyaya mocahuas cuali ica nopa israelitame, huajca quiilhui Pablo: --┬┐Tijnequi tiyas Jerusal'en huan nepa nimitztlajtolsencahuas ica nochi ni tlamantli tlen mitzteilhu'iaj? 10Huan Pablo quinanquili: --Ama nimoquetza moixtla, ta tlen tijpiya itequihuejcayo Tlanahuatijquetl C'esar. Huan nica campa quinamiqui para tinechtlajtolsencahuas. Ax tleno niquinchihuilijtoc israelitame huan ya tijmati para nel'ia xitlahuac tlen nimitzilhu'ia. 11Intla nijchijtosqu'ia se hueyi tlaixpanoli huan quinamiqui ma nimiqui, xinechmicti. Pero ax neli tlen nopa tlacame nechteilhu'iaj huan axaca quipiya tequihuejcayotl nechtemactilis ininmaco para nechmictise. Na nijnequi nopa hueyi tlanahuatijquetl, C'esar, ma nechtlajtolsencahua. 12Huajca Porcio Festo quincamahui sequinoc tequihuejme tlen mosehuiyayaj ihuaya, huan teipa quiilhui Pablo: --Tinechtlajtlanijtoc tiyas iixtla nopa hueyi tlanahuatijquetl C'esar, huajca quena, nimitztitlanis iixtla. 13Huan panoc se quesqui tonali ajsicoj Cesarea nopa tlanahuatijquetl tlen israelitame tlen itoca Herodes Agripa II ihuaya iicni Berenice. Hualajque para quitlajpalose Porcio Festo. 14Huan mocajque nepa miyac tonali. Huan Festo quicamahui Agripa tlen Pablo huan quinilhui: --Itztoc se tlacatl nica tlen Gobernador F'elix quicajqui ipan tlatzactli quema tlanqui itequi. 15Huan quema niitztoya ipan altepetl Jerusal'en, nopa tlayacanani tlen totajtzitzi huan huehue tlacame tlen israelitame quiteilhuijque noixtla huan nechilhuijque monequi para miquis. 16"Huan niquinilhui ax onca tequihuejcayotl ipan ni tlali tlen iaxca Roma para nitemactilis se tlacatl ma miqui queja nopa. Monequi achtohui tlacame ma quiteilhuica iixtla huan teipa tijcahuase nopa tlacatl ma camati para momanahuis iniixtla tlen quiteilhu'iaj. 17Yeca quema nopa israelitame hualajque nica Cesarea, ax nijpolo niyon se tlalochtli. Tonili nimosehui ipan notequi campa tequicali huan nitlanahuati ma nechhualiquilica Pablo. 18Pero inijuanti tlen quiteilhuiyayaj ax quiteilhuijque ica se hueyi tlaixpanoli queja nimoilhui para huelis quichijtoya. 19San quiteilhuijque pampa ax quitoquiliyaya iniisraelita tlamachtil queja quinequiyayaj. Nojquiya nechcamahuijque tlen se tlacatl Jes'us tlen nopa israelitame quiijtohuaj mictoc, huan Pablo quiijtohua para yoltoc. 20Huan ax nijmatiyaya tlaque nijchihuas ica ni tlamantli; yeca nijtlajtlani Pablo intla quinequiyaya yas Jerusal'en para nijtlajtolsencahuas nepa ica tlen quiteilhu'iaj. 21Pero Pablo quiijto quinequi quichiyas hasta nopa hueyi tlanahuatijquetl Augusto C'esar quitlajtolsencahuasqu'ia. Huajca niquijto ma mocahua ipan tlatzactli hasta nijtitlanis Roma campa itztoc C'esar." 22Huan Agripa quiilhui Festo: --Na nojquiya nijnequi nijtlacaquilis nopa tlacatl. Huan Festo quinanquili: --Mostla tijcaquis tlen quiijtos. 23Huajca tonili ajsitoj Agripa huan Berenice huan calajque ipan nopa hueyi tequicali ica miyac tlatlepanitali huan moquentiyayaj ininyoyo tlen m'as cuali. Huan calajque ininhuaya miyac tlayacanani tlen soldados huan miyac tlacame tlen moaxilijtoque ipan altepetl Cesarea. Huan Festo tlanahuati ma quihualicaca Pablo. 24Huan teipa Festo quinilhui nopa tlacame: --Tlanahuatijquetl Agripa huan nochi imojuanti tlen inmosentilijtoque nica, xiquitaca ni tlacatl tlen itztoc imoixtla. Miyac israelitame nepa ipan altepetl Jerusal'en huan nica ipan altepetl Cesarea quiteilhu'iaj ica miyac tlamantli huan ica chicahuac nechtlajtlan'iaj ma miqui. 25Pero ax tleno nijpanti tlen ax cuali quichijtoc para ma miqui, huan ama yajaya quinequi yas iixpa nopa hueyi tlanahuatijquetl C'esar huan yeca niquijtojtoc nijtitlanis nepa. 26Pero ax nijmati tlaque nijtlajcuilhuis nopa hueyi tlanahuatijquetl para ma quimati itlaixpanol. Huajca nijhualicatoc imoixtla, Tlanahuatijquetl Agripa, achtohui ta tijtlajtlanis tlaque quichijtoc ica nopa israelitame. Quej nopa nijmatis tlaque nijtlajcuilhuis C'esar. 27Pampa nel'ia se huihuiyotl intla nijtitlanis se tlacatl tlen tzactoya hasta C'esar huan ax niquilhuis tlaque ica quiteilhuijtoque.

will be added

X\