HECHOS 17

1Huan Pablo huan Silas panotiquisque ipan altepetini Anf'ipolis huan Apolonia huan teipa ajsitoj altepetl Tesal'onica campa eltoya se israelita tiopamitl. 2Huan Pablo calajqui ipan nopa tiopamitl queja momajtoya quichihua, huan sesen s'abado para eyi samano quincamahuito israelitame tlen mosentilijque nepa. 3Quinnextiliyaya ipan Itlajtol Toteco queja monequiyaya tlaijiyohuis nopa Cristo tlen Toteco quititlanisqu'ia huan monequiyaya para yajaya miquis huan sampa moyolcuis. Huan quinilhui: --Ni Jes'us tlen nimechyolmelahua amantzi, yajaya nopa Cristo. 4Huan quineltocaque Jes'us sequin israelitame huan miyac griego tlacame tlen quitlepanitaj Toteco. Nojquiya quineltocaque miyac griega sihuame tlen tominpixque huan nochi pejque nejnemij ica Pablo huan Silas. 5Huajca nopa israelitame tlen ax quineltocatoyaj Toteco pejque quinxicohuaj. Huan quinhuicaque sequin ax cuajcualme tlen nochipa mosehuiyayaj tianquis, huan ica inijuanti quinajcomanque nochi tlen itztoyaj ipan altepetl Tesal'onica. Huan miyac tlacame mosentilijque. Huan teipa nochi yajque ichaj Jas'on para quintemotij Pablo huan Silas huan quinquixtise iniixtla nochi nopa tlacame. 6Pero ax quinpantijque. Yeca quinquixtijque Jas'on ininhuaya sequinoc tlaneltocani, huan quinhuahuatatzque iniixtla nopa tequihuejme tlen nopa altepetl huan tzajtzique: --Ni tlacame tlen quiajcomantoque nochi tlaltepactli ya hualajque nica nojquiya. 7Huan ni Jas'on quinselijtoc ipan ichaj. Inijuanti quihuejcamajcajtoque totlanahuatijca C'esar. Quiijtohuaj itztoc seyoc tlanahuatijquetl tlen m'as hueyi tlen itoca Jes'us. 8Huan quinajcomanque nopa tequihuejme huan tlacame tlen itztoyaj nepa ica tlen quiijtojque. 9Huajca nopa tequihuejme quifuerzajhuijque Jas'on huan nopa sequinoc tlaneltocani ma quitlaxtlahuica se tomi huan quinilhuijque quincuepilisqu'iaj teipa intla monextisqu'iaj ipan nopa tonal quema quintlajtolsencahuasqu'iaj. Huan teipa quincahuilijque ma yaca ininchajchaj. 10Huan nopa tlayohua nopa tlaneltocani nepa Tesal'onica quintitlanque Pablo huan Silas hasta altepetl Berea, huan quema ajsitoj Berea, yajque campa nopa israelita tiopamitl. 11Nopa israelitame nepa Berea quipixque m'as tlapojtoc inintlalnamiquilis que tlacame ipan Tesal'onica, pampa quitlacaquilijque itlajtol Toteco ica paquilistli huan teipa mojmostla quitemohuayayaj ipan Itlajtol Toteco para quimatise intla melahuac tlen Pablo quinilhui o axtle. 12Huajca miyac nopa israelitame quineltocaque Jes'us. Nojquiya quineltocaque miyac sihuame huan tlacame griegos tlen tlahuel tlapijpixtoyaj. 13Pero sequin israelitame ipan altepetl Tesal'onica quicajque para Pablo tepohuiliyaya itlajtol Toteco nepa altepetl Berea. Huajca yajque Berea huan nepa nojquiya quinajcomanque tlacame. 14Huajca nimantzi nopa tlaneltocani ipan Berea quititlanque Pablo ma yohui hasta iteno hueyi atl, huan san Silas huan Timoteo mocajque ipan Berea. 15Huan sequin tlaneltocani yajque ihuaya Pablo huan quicahuatoj hasta altepetl Atenas. Huan Pablo quinilhui ma quinilhuitij Silas huan Timoteo ma moisihuiltica para yase hasta Atenas para quipantise nepa. Huan nopa tlaneltocani mocuepque Berea. 16Quema Pablo quinchixtoya nepa ipan altepetl Atenas, nel'ia mocueso pampa nochi tlacame nepa quinhueyichihuayayaj miyac tlaixcopincayome huan totiotzitzi tlen quinchijtoyaj. 17Huajca yajqui ipan nopa israelita tiopamitl mojmostla para quincamahuis israelitame huan tlacame tlen ax israelitame tlen quitlepanitaque Toteco tiisraelitame. Nojquiya mojmostla quincamahui tlen quinpantiyaya ipan tianquis. 18Huan Pablo quincamahui sequin tlalnamijca tlamachtiani tlen inintoca epic'ureos huan estoicos, huan quema quicajque tlen quiijtojque, sequin quiijtohuayayaj: --┬┐Tlaque quinequi techilhuis ni tlacatl tlen camati miyac? Sequinoc quiijtohuayayaj: --Quinequi techilhuis tlen sequinoc totiotzitzi. Quiijtojque ni pampa Pablo quinilhuijtoya tlen Jes'us huan quejatza moyolcuitoya. 19Huajca quihuicaque Pablo ipan se tepetl tlen itoca Are'opago campa tlacame momajtoyaj mosentil'iaj para mocamahuise huan nepa quiilhuijque: --Xitechilhui tlaque quiijtosnequi ni tlamachtili yancuic tlen titechilhu'ia, 20pampa titlamacht'ia tlamantli tlen ax quema tijcactoque huan tijnequij tijmatise cuali tlaque quiijtosnequi. 21Huan nochi Atenas ehuani huan tlen paxalohuaj nepa san quinpactiyaya camatise huan quicaquise tlamantli tlen yancuic. 22Huajca Pablo moquetzqui tlatlajco inijuanti ipan nopa tepetl Are'opago huan quinilhui: "InAtenas ehuani, niquita tlahuel inquintlepanitaj imotlaixcopincayohua huan imototiotzitzi. 23Quema ninemiyaya, nijtlachiliyaya nochi nopa tlaixpamitl tlen inquinchijtoque para inquinhueyichihuase. Huan nijpanti se tlaixpamitl campa eltoc ni tlajtoli: 'Para nopa tecojtli tlen aya tiquixmatij.' Huajca ama nijnequi nimechilhuis tlen yajaya tlen inquitlepanitaj yonque aya inquiixmatij. 24"Yajaya Toteco Dios tlen quichijqui tlaltepactli huan nochi tlamantli tlen onca ipani. Quinahuat'ia nochi elhuicactli huan tlaltepactli. Yajaya ax mocahua ipan se tiopamitl tlen tlamachijchihuali. 25Ax tleno huelis tijchihuase para ya, pampa yajaya ax tleno quipolohua. Iselti quinmaca yolistli nochi tlen itztoque. Quena, yajaya quichihua para nochi tlen titlaijiyotilanaj ma titlaijiyotilanaca. 26"Yajaya quinchijqui nochi tlamantli tlacame ipan nochi tlaltini ipan ni tlaltepactli ica san se inieso pampa hualajque tlen san se tlacatl. Nojquiya quitlapejpeni quema tlacatisqu'iaj nochi tlacame huan quitlapejpeni hasta campa ontlami ininnepantipa. 27Toteco quinchijqui tlacame para ma quitemoca ya para quiixmatise, yonque eltoc queja ica yolic quimatemohuaj para quipantise. Pero nel'ia yajaya itztoc nechca sesen tojuanti. 28Pampa ica itlapalehuil Toteco tiitztoque, tinejnemij huan tijchihuaj nochi tlen tijnequij. Eltoc queja sequin tlajcuilohuani nica ipan imotlal quiijcuilojtoque: 'Tojuanti tiiteipa ixhuihua Toteco.' 29Huajca pampa tiiteipa ixhuihua Toteco, ax cuali para timoilhuise para Toteco Dios nesi queja se tlaixcopincayotl o se tlamantli tlen tlacame quichihuaj ica oro, o plata o tetl. Tlacame san quichihuaj se tlaixcopincayotl queja moyolilhu'iaj itlachiyalis Toteco. 30Huejcajquiya Toteco ax quichihuili cuenta tlen tlacame quichihuayayaj pampa quimatqui ax quimachiliyayaj tlen ya. Pero ama Toteco quinnahuat'ia nochi tlacame campa hueli ma moyolcuepaca huan ma quincahuaca nopa tlaixcopincayome para quitoquilise san ya. 31Pampa Toteco Dios quitlalijtoc se tonal quintlajtolsencahuas nochi tlacame queja xitlahuac ica se tlacatl, yajaya Jes'us tlen quitlapejpenijtoc. Huan Toteco quiyoliti Jes'us quema mictoya para technextilis nel'ia yajaya yoltoc huan itztoya tlen quintlajtolsencahuas nochi tlacame." 32Huan quema nopa altepetl Atenas ehuani quicajque quejatza Jes'us moyolcuic quema ya mictoya, sequin san pejque quipinajt'iaj, pero sequinoc quiilhuijque: --Tijnequij xitechcamahuis m'as tlen ni tlamantli ipan seyoc tonal. 33Huajca Pablo quincajtejqui. 34Huan sequin tlen itztoyaj nepa quineltocaque Jes'us, huan yajque ihuaya. Se tlen quineltocac itztoya se tlacatl tlen itoca Dionisio. Dionisio eliyaya se tequihue huan yajaya ica sequinoc tlasencajqui tlaque tlasentilistli mochihuas ipan nopa tepetl Are'opago campa nochi momajtoyaj mosentil'iaj. Nojquiya quineltocac se sihuatl tlen itoca eliyaya D'amaris huan sequinoc tlacame.

will be added

X\