2 Samuel 2

1Huan teipa David quitlajtlani TOTECO: --¿Tijnequi ma niya para niitztos ipan se altepetl ipan tlali Jud'a? Huan TOTECO quinanquili: --Quena. Huajca David quiilhui: --¿Ipan tlaque altepetl niyas? Huan TOTECO quiilhui: --Xiya altepetl Hebr'on. 2Huajca David yajqui huan quinhuicac nopa ome isihuajhua. Se itoca Ahinoam tlen eliyaya se jezreelita sihuatl huan ne seyoc itoca Abigail tlen achtohui eliyaya isihua Nabal tlen Carmel. 3Huan nojquiya quinhuicac nopa tlacame tlen nejnentoyaj ihuaya, sese ica isihua huan iconehua. Huan nochi nopona yajque para itztose ipan altepetl Hebr'on. 4Huan teipa hualajque nopa tlayacanca tlacame ipan tlali Jud'a. Huan quialtijque David ica aceite huan quichijque tlanahuatijquetl ipan inintlal. Huan teipa quiilhuijque David quejatza nopa altepetini Jabes ehuani ipan tlali Galaad quitlasojtlaque Sa'ul itlacayo huan quitlalpachotoj. 5Huajca David quintitlanqui tlacame ma yaca quinilhuitij ni tlajtoli: "Ma TOTECO inmechtiochihua miyac pampa inquitlasojtlaque nopa mijcatzi Sa'ul huan ica miyac imotlaicnelijcayo inquitlalpachojque. 6Huajca ama ma TOTECO inmechtlasojtla. Ma inmechita ica cuali huan ma inmechnextili tlen xitlahuac. Huan na nojquiya nimechchihuilis tlen cuali ipampa tlen inquichijtoque. 7Huajca ama yonque ya mictoc Sa'ul, imotlanahuatijca, ximosemacaca, huan ximotemacaca huan ximotlalica tohuaya pampa nopa tlayacanani tlen tlali Jud'a nechchijtoque niinintlanahuatijca." 8Teipa Abner, icone Ner, tlen quinyacanayaya isoldados Sa'ul quihuicac Is Boset, icone Sa'ul, ipan altepetl Mahanaim, 9huan nopona quichijqui tlanahuatijquetl. Huan itlanahuatilis quiajsic tlaltini Galaad, Gesuri, Jezreel, Efra'in, Benjam'in huan hasta nochi tlen itoca tlali Israel ica huejcapa. 10Huan Is Boset quipiyayaya 40 xihuitl quema pejqui tlanahuat'ia ipan tlali Israel ica huejcapa huan san huejcajqui ome xihuitl. Huan nochi tlen itztoyaj ica tlatzintla campa itoca tlali Jud'a quitoquilijque Tlanahuatijquetl David. 11Huan David elqui tlanahuatijquetl ipan tlali Jud'a para chicome xihuitl huan tlajco huan quipixqui ichaj ipan altepetl Hebr'on. 12Huan teipa Abner quisqui ipan tlali Mahanaim ininhuaya isoldados Tlanahuatijquetl Is Boset huan yajque altepetl Gaba'on ipan tlali Jud'a campa itztoyaj iixhuihua Benjam'in, pampa nojquiya quinequiyaya mocuilis nopa tlali Jud'a para elis iaxca Tlanahuatijquetl Is Boset. 13Huajca quisqui Joab, icone Sarvia, tlen eliyaya tlayacanquetl tlen isoldados David huan yajqui ica isoldados quinnamiquitoj. Huan monamijque campa nopa mantoc atl ipan altepetl Gaba'on. Huan isoldados David mocajque ipan se nali, huan isoldados Is Boset ipan seyoc nali nopa mantoc atl. 14Huan Abner tlen eliyaya itlayacanca Is Boset quinotzqui Joab tlen eliyaya itlayacanca David, huan quej ni quiilhui: --Achtohui ma motehuica san sequin totelpocahua para ma tiquintlachilica huan tiquitase ajqueya tlatlanis. Huan Joab tlananquili: --Cualtitoc. 15Huajca quintlapejpenijque majtlactli huan ome telpoca soldados tlen eliyayaj ica David huan majtlactli huan ome telpoca soldados tlen tlali Benjam'in huan eliyayaj ica Is Boset. Huan moixnamijque nopa telpocame huan pejque motehu'iaj. 16Huan sese inijuanti quitzoncalitzqui tlen itztoya imelac huan mocalaquilijque inincuatlaminhua tlen huehueyac ipan inielchiqui. Huan nochi nopa 24 telpocame mijque ica sampa. Huan yeca quitocajtijque nopa lugar "campa tlatehuijque ica cuatlamintli tlen huejhuehueyac", huan mocahua ipan altepetl Gaba'on. 17Huan teipa pampa ax aqui tlatlantoya, pejque tlatehu'iaj nel'ia chicahuac nochi isoldados David ihuaya isoldados Is Boset. Huan nopa tonal isoldados David tlahuel quintlanque isoldados Is Boset huan inintlayacanca Abner. 18Huan nojquiya nopona itztoyaj nopa ome iicnihua Joab, nopa tlayacanquetl tlen isoldados David, tlen inintoca eliyaya Abisai huan Asael. Huan Joab, Abisai huan Asael nochi eliyayaj iconehua Sarvia. Huan Asael tlahuel hueliyaya motlalohua chicahuac queja se masatl. 19Huan yajaya pejqui quitepotztoca Abner, nopa tlayacanquetl tlen isoldados Is Boset, huan ax tleno quicahuili ma quitzacuili. Ax quicajqui iojhui, niyon nica, niyon neca. San quitoquilijtiyajqui. 20Huan quema Abner moicancuepqui huan quiitac para quitoquiliyaya, quiilhui: --¿Ax ta tiAsael? --Quena, na niAsael ==quinanquili. 21Huajca Abner quiilhui: --Ximijcueni. Xijtoquili seyoc nosoldado huan ximocahua ica nochi tlen yaja quipiya. Pero Asael ax quinejqui quicahuas. 22Huajca Abner sampa quiilhui Asael: --¡Xinechcahua! ¿Para tlen monequi nimitzmictis? Huan ¿tlaque noxayac ica nijtlachilis moicni Joab quema sampa timonamiquise? 23Pero Asael ax quitlacaquili, huan huajca Abner quisentlapalhuili ica icuatlami tlen huehueyac huan nopona huetzqui mictoc Asael. Huan teipa nochi tlen ajsiyayaj campa huetztoya Asael moquetzayayaj ica tlatlepanitacayotl. 24Huan teipa Joab huan Abisai pejque quitoquil'iaj Abner huan quema calaquito tonati, ya ajsitoyaj ipan se tlachiquili tlen itoca Amma nechca G'ia ipan nopa ojtli tlen yohui para altepetl Gaba'on. 25Huan mosansejcotilijque miyac iixhuihua Benjam'in para quipalehuise Abner huan moquetzque tlachiquiltipa. 26Huan Abner quinotzqui Joab chicahuac ica huejca huan quiilhui: --¿Monequi nochipa tijsenhuiquilijtose timomict'iaj? ¿Ax timomaca cuenta para tlatehuijcayotl techhualiquil'ia miyac cuesoli? Xiquintlacahualti mosoldados para ma techcahuaca pampa tiicnime. 27Huan Joab quinanquili: --Nel'ia tlen nimitzilhu'ia, intla ta achtohui ax tiquijtojtosqu'ia ma tiquintlapejpenica 12 totelpocahua para tlatehuise, ax oncatosqu'ia tlatehuijcayotl. Nochi nosoldados san mocueptosqu'iaj ininchajchaj ama ijnaloc. 28Huajca teipa Joab quipitzqui cuacuajtli huan nochi isoldados David moquetzque huan ayoc tlatehuijque, niyon ayoc quintoquilijque nopa sequinoc israelitame tlen ejque tlali Israel ica huejcapa. 29Huan Abner huan nochi isoldados nojquiya nejnenque seyohual huan apanoque nopa tlamayamitl huan nopa atemitl Jord'an huan nejnenque hasta ajsitoj ipan altepetl Mahanaim. 30Huan Joab nojquiya quinsentili isoldados David huan quinpojqui huan polihuiyayaj 19, huan iyoca polihuiyaya Asael tlen Abner quimictijtoya. 31Pero isoldados David quinmictijtoyaj 360 tlen motlalijtoyaj ihuaya Abner, itlayacanca isoldados Tlanahuatijquetl Is Boset, huan nochi itztoyaj iixhuihua Benjam'in tlen calactoyaj ihuaya. 32Huan teipa Joab huan isoldados quihuicaque itlacayo Asael huan quitlalpachojque nechca itata ipan altepetl Bel'en. Huan teipa nejnenque seyohual huan quema tlanestihualayaya ajsitoj ipan inialtepe, Hebr'on.

will be added

X\