2 Kings 21

1Manas'es quipiyayaya 12 xihuitl quema pejqui tlanahuat'ia ipan tlali Jud'a huan mosehui para tlanahuatis ipan altepetl Jerusal'en huan tlanahuati 55 xihuitl. Huan inana itoca eliyaya Hepsiba. 2Pero Tlanahuatijquetl Manas'es quichijqui tlen ax cuali iixtla TOTECO pampa quitoquili ininfiero ojhui nopa sequinoc tlacame tlen ax quiixmatij TOTECO tlen TOTECO quintojtocatoya tlen nopa tlali iniixtla israelitame. 3Huan ipan campa hueli tepetini Manas'es sampa quinsencajqui nopa piltiocaltzitzi para miyac tlaixcopincayotl tlen itata, Tlanahuatijquetl Ezequ'ias, quinxolejtoya. Nojquiya campa hueli quinchijchijqui miyac tlaixpamitl para nopa teteyotl Baal. Huan quiquetzqui se fiero tlaquetzali para nopa tlaixcopincayotl Asera queja quichijtoya Tlanahuatijquetl Acab ipan tlali Israel. Nojquiya Manas'es quinhueyichijqui sitlalime huan nochi tlamantli tlen onca ipan elhuicactli. 4Nojquiya quichijchijqui se tlaixpamitl para teteyome ipan nopa hueyi tiopamitl tlen TOTECO campa TOTECO quiijtojtoya para quipiyas itoca huan campa quinamiqui para tlacame ma quihueyichihuaca. 5Huan ipan nochi ome calixpamitl nopa hueyi tiopamitl tlen TOTECO, Tlanahuatijquetl Manas'es quichijqui miyac tlaixpamitl para sitlalime huan nochi tlen onca ipan elhuicactli. 6Nojquiya quitlati icone ipan tlitl queja se tlacajcahualistli para se teteyotl. Momatqui tetlajchihu'ia huan tlamati. Quintlajtlani consejo tlen quincamahuiyayaj ajacame huan mijcatzitzi huan tlen tetonalitayayaj. Tlahuel miyac tlamantli ax cuali quichijqui iixtla TOTECO para quicualancamacas. 7Hasta quihuicac nopa fiero tlaquetzali para Asera tlen quichijtoya huan quitlali ipan itiopa TOTECO campa TOTECO quiilhuijtoya David huan icone, Salom'on, nopa cali para nochipa quihuicas itoca pampa TOTECO quitlapejpeni Jerusal'en tlen nochi altepetini tlen israelitame para nopona tlacame quihueyichihuase. 8Huan TOTECO no quiijto: "Intla israelitame quineltocase tlen quiijtohua nochi notlanahuatilhua tlen niquinmacac ica notlatequipanojca, Mois'es, ax niquinijcuenis ipan ni tlali tlen niquinmacac inintatahua." 9Pero israelitame ax quichijque cuenta itlajtol. Huan Tlanahuatijquetl Manas'es quinnextili israelitame ma quichihuaca tlen noja m'as fiero que nopa tlacame tlen TOTECO quinpolo iniixtla nopa israelitame quema calaquiyayaj ipan nopa tlali. 10Huajca TOTECO teyolmelajqui itlajtol ica itiocamanalojcahua huan quiijto: 11"Manas'es nopa tlanahuatijquetl ipan tlali Jud'a quichijtoc miyac tlamantli tlen tlahuel fiero. Quichijtoc m'as fiero que nopa amorreo tlacame tlen achtohuiya itztoyaj ipan ni tlali. Quinnextilijtoc israelitame ipan tlali Jud'a ma tlajtlacolchihuaca huan ma quinhueyichihuaca miyac tlaixcopincayotl tlen ax Dios. 12Huajca ya ni tlen quiijtohua TOTECO tlen toDios tiisraelitame: 'Na nijchihuas ma hualaca tlacame ipan tlali Jud'a huan ipan altepetl Jerusal'en para quixolehuase nochi. Tlahuel miyac tlaijiyohuise israelitame hasta quinyolcocos nochi tlen quicaquise. 13Niquinyejyecos altepetl Jerusal'en ehuani ica san se tlayejyecoli tlen nijtequihui ica altepetl Samaria ehuani huan ica iteixmatcahua Tlanahuatijquetl Acab. Na niquinquixtis tlacame ipan Jerusal'en hasta axaca mocahuas. Elis queja se plato tlen se quipajpactoc cuali huan teipa quiixtlapachohua para ma huaqui. 14Huan nopa quentzi tlacame tlen mocahuase itztoque, niquintemactilis ininmaco inincualancaitacahua para ma quintlacuijcuilica huan ma quintlaijiyohuiltica. 15Pampa israelitame quichijque tlen ax cuali noixpa huan nechcualancamacatoque hasta huejcajquiya ipan nopa tonali quema niquinquixti ininhuejcapantatahua ipan tlali Egipto huan hasta ama noja quichihuaj.' " 16Huan Tlanahuatijquetl Manas'es nojquiya quinmicti miyac tlacame tlen ax tleno quichijtoyaj hasta elqui queja quitemiti altepetl Jerusal'en tlen ni nali hasta ne seyoc nali ica estli tlen ax quitoyajtosqu'ia. Huan ya ni elqui iyoca tlen nopa hueyi tlajtlacoli tlen quichijqui pampa quinnextili israelitame ma quinhueyichihuaca miyac tlaixcopincayotl tlen tlahuel fiero iixtla TOTECO. 17Nopa sequinoc tlamantli tlen panoc ipan itequi Tlanahuatijquetl Manas'es, huan nopa tequitl tlen quichijqui, huan nopa tlajtlacoli tlen quichijqui, nochi eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Jud'a. 18Huan quema mijqui Manas'es quitlalpachojque ipan nopa xochimili nechca ichaj tlen itoca ixochimil Uza. Teipa itelpoca tlen itoca Am'on pejqui tlanahuat'ia. 19Huan Tlanahuatijquetl Am'on quipiyayaya 22 xihuitl quema pejqui tlanahuat'ia huan tlanahuati ipan altepetl Jerusal'en ome xihuitl. Inana itoca eliyaya Mesulemet huan yajaya eliyaya iichpoca Haruz tlen ehua altepetl Jotba. 20Pero Am'on quichijqui tlen ax cuali iixtla TOTECO queja quichijtoya itata, Manas'es. 21Quitoquili ifiero ojhui itata huan quinhueyichijqui nopa miyac tlaixcopincayotl tlen itata quinhueyichijtoya. 22Huan queja nopa quihuejcamajcajqui TOTECO, yajaya tlen ininDios ihuejcapan tatahua huan ax quinejqui quitoquilis iojhui. 23Huan itlatequipanojcahua Tlanahuatijquetl Am'on motlalanque ica ya huan quisencajque quejatza quimictise ipan ichaj. 24Pero teipa nopa tlali Jud'a ehuani quinmictijque nopa tequipanohuani tlen quimictijtoyaj Am'on. Huan quichijque Jos'ias, icone Am'on, ma eli tlanahuatijquetl. 25Nopa sequinoc tlamantli tlen panoc ipan itequi Tlanahuatijquetl Am'on huan nochi tlen quichijqui eltoc ijcuilijtoc ipan nopa amatlajcuiloli tlen itoca Tlen Quichijque Nopa Tlanahuatiani Ipan Tlali Jud'a. 26Huan quitlalpachojque Am'on ipan se pante'on ipan ixochimil Uza. Teipa pejqui tlanahuat'ia icone tlen itoca Jos'ias.

will be added

X\