2 Kings 18

1Quema Tlanahuatijquetl Oseas, icone Ela, yohuiyaya para eyi xihuitl tlanahuat'ia ipan tlali Israel, Ezequ'ias, icone Acaz, pejqui tlanahuat'ia ipan tlali Jud'a. 2Huan Tlanahuatijquetl Ezequ'ias quipiyayaya 25 xihuitl quema mosehui para tlanahuatis ipan altepetl Jerusal'en huan tlanahuati nopona ipan tlali Jud'a para 29 xihuitl. Inana itoca eliyaya Abi huan eliyaya isihua cone Zacar'ias. 3Huan Tlanahuatijquetl Ezequ'ias quichijqui tlen cuali iixtla TOTECO, senquistoc queja quichijtoya ihuejcapan tata, David. 4Quinijcueni nochi nopa piltiocaltzitzi tlen eltoya huejcapa ipan tepetini, huan quinxolejqui nochi tlaixpamitl huan fiero tlaquetzaltini tlen Asera. Nojquiya quichijqui cuechtic nopa cohuatl tlen bronce tlen Mois'es quichijtoya huejcajquiya pampa ama nopa israelitame pejtoya quihueyichihuaj huan quitlatiliyayaj copali queja elisqu'ia se dios. Huan nopa tepos cohuatl quitocajtiyayaj Nehust'an. 5Huan Tlanahuatijquetl Ezequ'ias motemachi ipan TOTECO toDios tiisraelitame. Ax quema oncatoya seyoc tlanahuatijquetl ipan tlali Jud'a tlen nel'ia cuali queja Ezequ'ias, niyon ax quema oncac teipa. 6Tlanahuatijquetl Ezequ'ias quitoquili TOTECO ipan nochi tlamantli. Momocuitlahui para quineltocas senquistoc nochi itlanahuatilhua TOTECO tlen quimacatoya Mois'es ma quiijcuilo. 7Huan yeca TOTECO itztoya ihuaya huan quichijqui para nochi tlamantli tlen Ezequ'ias quichijqui ma quisa cuali. Huan Tlanahuatijquetl Ezequ'ias motlalanqui ica nopa tlanahuatijquetl tlen tlali Asiria huan quiilhui ayoc quitlaxtlahuisqu'ia impuestos. 8Huan nojquiya quintlanqui nochi nopa filisteo altepetini hasta campa altepetl Gaza. Quintlanqui nopa filisteos ipan pilaltepetzitzi huan ipan huejhueyi altepetini tlen sese quipiyayaya tepamitl tlen huejcapantic. 9Huan quema Tlanahuatijquetl Ezequ'ias yohuiyaya para nahui xihuitl tlanahuat'ia ipan tlali Jud'a huan Tlanahuatijquetl Oseas, icone Ela, yohuiyaya para chicome xihuitl tlanahuat'ia ipan tlali Israel, Tlanahuatijquetl Salmanasar hualajqui tlen tlali Asiria. Huan quiyahualo altepetl Samaria ipan tlali Israel huan quintehui. 10Huan queja nopa elqui para eyi xihuitl, pero quema yohuiyaya para chicuase xihuitl tequitis Tlanahuatijquetl Ezequ'ias ipan tlali Jud'a, huan Tlanahuatijquetl Oseas yohuiyaya para chicnahui xihuitl tlanahuat'ia ipan tlali Israel, Samaria huetzqui imaco nopa tlanahuatijquetl tlen Asiria. 11Huan nopa tlanahuatijquetl quinhuicac israelitame ilpitoque tlen Samaria hasta tlali Asiria. Nopona quincajqui ipan Halah, huan nechca nopa atemitl Habor ipan tlali Goz'an, huan ipan inialtepehua nopa medo tlacame. 12Nochi ya ni panoc pampa ax quitlacaquilijtoyaj tlen TOTECO ininDios quinilhuijtoya. San quitlahuelcajtoyaj nochi tlajtolsencahuali tlen TOTECO quichijtoya ininhuaya, huan quihuejcamajcajque nochi nopa tlanahuatili tlen TOTECO quinmacac ica itlatequipanojca, Mois'es. 13Huan quema Tlanahuatijquetl Ezequ'ias yohuiyaya para 14 xihuitl tlanahuat'ia ipan tlali Jud'a, hualajqui Tlanahuatijquetl Senaquerib tlen tlali Asiria huan quintehui nochi altepetini ipan Jud'a tlen quipixque huejhueyi tepamitl para quinmanahuis huan quintlanqui. 14Huajca Tlanahuatijquetl Ezequ'ias tlatitlanqui ipan altepetl Laquis ma quiilhuitij Senaquerib tlen tlali Asiria ni tlajtoli: "Nitlajtlacolchijtoc ica ta. Xiquisa ipan ni notlal huan nimitztlaxtlahuis nochi impuesto tlen tinechtlajtlanis." Huajca Senaquerib tlen tlali Asiria quiinanqui Tlanahuatijquetl Ezequ'ias nechca 10 toneladas tlen plata tomi huan nechca se tonelada tlen oro tomi. 15Huan para tlaxtlahuas, Tlanahuatijquetl Ezequ'ias quimactili nochi nopa plata tlen eltoya ipan itiopa TOTECO, huan nochi tlen quiajcocuiyayaj ipan icaltlanahuatil. 16Nojquiya Ezequ'ias monejqui quicopehuas nopa oro ipan nochi puertas ipan ichaj TOTECO huan nojquiya tlen eltoya ipan nopa tlaquetzali tlen yajaya iselti quialtijtoya ica oro. Huan nochi nopa oro quimacac nopa tlanahuatijquetl tlen tlali Asiria. 17Pero yonque quimacatoya nochi ya nopa, nopa Tlanahuatijquetl tlen tlali Asiria quintitlanqui tlen altepetl Laquis eyi huejhueyi tequihuejme tlen inintoca Tart'an, Rabsaris huan Rabsaces, ininhuaya miyac isoldados para quinamiquise Ezequ'ias ipan altepetl Jerusal'en. Huan quema ajsicoj nechca altepetl Jerusal'en, mochijque campa nopa huejcapantic aojtli tlen quihualica atl ipan nopa mantoc atl campa quichicuen'iaj yoyomitl huan quichipahualt'iaj. 18Teipa nopa soldados quinotzque Tlanahuatijquetl Ezequ'ias ma huala, pero ax yajqui. San quintitlanqui itlapalehuijcahua tlen inintoca: Eliaquim, icone Hilc'ias, tlen imaco mocajqui nopa caltlanahuatili; Sebna, tlen quiijcuilo nochi amatini tlen quisqui ipan tequicali, huan Joa, icone Asaf, tlen quiijcuilo ipan se amatlapohuali nochi tlen panotiyajqui mojmostla ipan itequi nopa tlanahuatijquetl. Huan quisque nopa tlacame quincamahuito nopa soldados huan inintlayacanca. 19Huan itemach nopa tlanahuatijquetl tlen tlali Asiria quititlanqui ni tlajtoli para Tlanahuatijquetl Ezequ'ias: --Ya ni tlen quiijtohua nopa tlanahuatijquetl tlen tlali Asiria: '¿Para tlen timoilhu'ia para huelis timomanahuis nomaco? 20¿Huelis timoilhu'ia tinechtlanis san ica se tlajtoli huan ax monequis tlahuel miyac soldados, cahuayojme huan tepostli? ¿Ipan ajqueya timotemachijtoc para mitzmanahuis nomaco? 21Huelis timotemach'ia ipan nopa tlanahuatijquetl tlen tlali Egipto. Pero tiquitas para ichicahualis Egipto eltoc queja se ohuatl tlen san puro ohuapachtli. Intla se acajya ipan momatlatzquilis, postequis huan quitequis ipan ima. Queja nopa elis nopa Fara'on tlen tlanahuat'ia ipan tlali Egipto huan tlen motemach'ia ipan ya. 22O huelis innechilhuise inmotemach'iaj ipan imoTECO Dios. Pero ¿ax yajaya tlen ta tiEzequ'ias tijcualancamacac quema tiquijcueni nochi itlaixpa huan piltiocaltzitzi campa tlacame quihueyitlepanitayayaj huan titlanahuati para monequi nochi tlacame tlen tlali Jud'a ma yaca san ipan altepetl Jerusal'en para quihueyitlepanitase? 23Xiquita, nijchihuas ya ni. Intla hueli tiquinpantis ome mil soldados ipan tlali Jud'a tlen quimatij cahuajtlejcoj huajca na nimitzmacas ome mil cahuayojme para ipan tlejcose. 24Ta ax tiquinpiya soldados para tiquintlanis nopa pamitl tlen isoldados noteco tlen m'as pilsiltzi. Huan yonque nochi tlen cahuajtlejcoj tlen tlali Egipto mitzpalehuisqu'iaj, ax inquitlanisqu'iaj. 25Nojquiya, ¿ax tijmachil'iaj para tojuanti titequitij imaco TOTECO para tihualajtoque timechtehuiquij nica ipan ni tlali? Yajaya TOTECO iselti tlen technahuatijtoc ma timechtehuiquij huan ma timechmictiquij ipan imotlal.' 26Huan Eliaquim, Sebna huan Joa quiilhuijque: --Se favor, xitechcamahuica ica tlajtoli arameo pampa cuali tijmachil'iaj. Amo xitechcamahuica ica hebreo tlajtoli pampa quicaquise huan quimachilise nopa tlacame tlen itztoque ipan ni tepamitl. 27Pero Rabsaces tlen tlali Asiria quiijto: --Pero noteco ax nechtitlantoc ma timechilhuiquij san ta huan moteco ni tlajtoli. Yajaya nechtitlantoc para nojquiya ne tlacame tlen itztoque ipan ne tepamitl ma quicaquica. Pampa intla ax inmotemactilise tohuaya, inijuanti san queja imojuanti, nochi inmayanase hasta monequis inquicuase imocuitl huan inquiise imoaxix. 28Huan teipa nopa Rabsaces moquetzqui huan tzajtzic chicahuac ica tlajtoli hebreo para ma quicaquica tlen itztoyaj ipan tepamitl, quiijto: --Xijtlacaquilica tlen inmechilhu'ia nopa tlanahuatijquetl tlen tlali Asiria: 29'Amo xijcahuilica ma inmechcajcayahua imotlanahuatijca Ezequ'ias. Yajaya ax huelis inmechmaquixtis tomaco. 30Intla Tlanahuatijquetl Ezequ'ias quinequi inmechilhuis ximotemachica ipan imoTECO, huan inmechilhuis para imoTECO inmechpalehuis huan ax quicahuas ma huetzi nomaco ni altepetl, 31amo xijtlacaquilica.' Ya ni tlen quiijtohua nopa tlanahuatijquetl tlen tlali Asiria para monequi xijchihuaca: Ximotemactilica ica na. Xijtlapoca nochi puertas ipan itepa imoaltepe huan xiquisaca. Huan nimechcahuilis sesen imojuanti ma quicua tlen ixocomecamil, huan tlen imil huan ma atli ipan tlen ya iamel. 32Queja nopa elis hasta quema na nihualasoc huan nimechhuicas ipan sejcoyoc tlen eltoc queja ni imotlal. Nopa tlali quipiya miyac trigo mili huan xocomeca mili. Onca miyac pantzi, xocomeca atl, sayol nectli huan miyac cuatini tlen olivo tlen temaca aceite. Tohuaya initztose huan ax inmiquise. Amo xijtlacaquilica imotlanahuatijca Ezequ'ias pampa inmechcajcayahua intla inmechilhuis imoTECO huelis inmechmaquixtis. 33Ximoilhuica, ax onca niyon se tlali tlen ininteco yajati quimaquixt'ia nomaco na tlen nitlanahuatijquetl ipan tlali Asiria. 34¿Inquiilnamiquij tlen ininpantic nopa dioses tlen tlali Hamat, Arfad, Sefarvaim, Hena huan Iva tlen tlali Samaria? Ax huelque quimaquixt'iaj altepetl Samaria nomaco. 35¿Canque itztoc se dios tlen quimanahuijtoc itlal tlen noma? ¡Axaca! Huajca amo ximoilhuica para imoTECO inmechmaquixtis nomaco imojuanti tlen inehuaj altepetl Jerusal'en. 36Pero nopa tlacame ipan tepamitl ax tlananquilijque pampa Tlanahuatijquetl Ezequ'ias quinilhuijtoya ma ax molinica. 37Huajca Eliaquim tlen eltoya imaco nopa caltlanahuatili, huan Sebna tlen quiijcuilo nochi amatini tlen quisqui tequicalco, huan Joa tlen quiijcuilo ipan se amatlapohuali tlen panoc mojmostla, nochi mocuepque campa itztoya Tlanahuatijquetl Ezequ'ias. Huan quitzayanque ininyoyo huan quipohuilijque nochi tlajtoli tlen quiijtojtoya Rabsaces, itemach nopa hueyi tlanahuatijquetl tlen tlali Asiria.

will be added

X\