2 Kings 15

1Quema nopa ompa Tlanahuatijquetl Jeroboam yohuiyaya para 27 xihuitl ipan itequi ipan tlali Israel, Tlanahuatijquetl Azar'ias, icone Amas'ias, pejqui tequiti ipan tlali Jud'a. 2Huan Azar'ias quipiyayaya 16 xihuitl quema pejqui tlanahuat'ia. Huan mosehui para tlanahuatis ipan altepetl Jerusal'en huan tlanahuati 52 xihuitl. Inana itoca eliyaya Jecol'ias huan ejqui ipan altepetl Jerusal'en. 3Huan Tlanahuatijquetl Azar'ias quichijqui tlen xitlahuac iixtla TOTECO san queja quichijtoya Tlanahuatijquetl Amas'ias tlen eliyaya itata. 4Pero ax quiijcuenijque nopa piltiocaltzitzi campa tlacame tlacajcahuayayaj huan quitlatiyayaj copali. 5Huajca TOTECO quitlatzacuilti Tlanahuatijquetl Azar'ias ica se tlacayo palanca cocolistli huan queja nopa mocajqui hasta mijqui. Huan monejqui itztos iyoca ipan nopa cali iselti. Huajca quitequitlalijque icone tlen itoca eliyaya Jotam para ma quipiya tequihuejcayotl ipan nopa tequicali. Huan nel'ia elqui yajaya tlen tequitic queja tlanahuatijquetl ipan nopa caltlanahuatili huan quinnahuati nopa tlacame ipan tlali Jud'a. 6Huan tlen panoc ipan itequi Tlanahuatijquetl Azar'ias huan nochi tlen quichijqui eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Jud'a. 7Huan quema mijqui Tlanahuatijquetl Azar'ias, quitlalpachojque ihuaya itatahua ipan altepetl Jerusal'en ipan nopa barrio tlen itoca Ialtepe David. Huan teipa Jotam, tlen eliyaya icone, pejqui tlanahuat'ia. 8Quema Azar'ias yohuiyaya para 38 xihuitl tlanahuat'ia ipan tlali Jud'a, pejqui tlanahuat'ia Zacar'ias, icone nopa ompa Tlanahuatijquetl Jeroboam, ipan tlali Israel. Huan Tlanahuatijquetl Zacar'ias tlanahuati chicuase metztli. 9Huan quichijqui tlen ax cuali iixtla TOTECO san queja quichijtoyaj itatahua. Ax quinejqui quicahuas nopa tlajtlacoli tlen Tlanahuatijquetl Jeroboam, icone Nabat, quinnextilijtoya nopa Israel ehuani ma quichihuaca. 10Teipa motlalanqui Salum, icone Jabes, huan quimicti Tlanahuatijquetl Zacar'ias tlamiyacapa, huan pejqui tlanahuat'ia. 11Huan nopa sequinoc tlamantli tlen panoc ipan itequi Tlanahuatijquetl Zacar'ias huan nochi tlen quichijqui eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 12Huajca ica Zacar'ias quisqui melahuac itlajtol TOTECO tlen yajaya quiilhuijtoya Jeh'u. Quiilhuijtoya para icone, iixhui, icone iixhui, huan hasta iixhui iixhui mosehuisqu'iaj ipan nopa yejyectzi siya para tlanahuatise ipan tlali Israel. Huan queja nopa elqui. 13Quema Tlanahuatijquetl Uz'ias yohuiyaya para 39 xihuitl tlanahuat'ia ipan tlali Jud'a, pejqui tlanahuat'ia Tlanahuatijquetl Salum, icone Jabes, ipan tlali Israel. Huan mosehui para tequitis ipan altepetl Samaria, pero tequitic san se metztli. 14Pampa ajsico Manahem, icone Gadi, tlen altepetl Tirsa huan yajqui ipan altepetl Samaria, huan quimicti Tlanahuatijquetl Salum. Huan Manahem mochijqui tlanahuatijquetl ipan tlali Israel. 15Huan sequinoc tlamantli tlen panoc ipan itequi Tlanahuatijquetl Salum huan quejatza motlalanque icualancaitacahua eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 16Huan Tlanahuatijquetl Manahem quixolejqui altepetl Tap'ua huan nopa pilaltepetzitzi tlen quiyahualohua hasta campa altepetl Tirsa. Huan moaxcati nochi tlen oncayaya ipan nopa altepetini pampa tlen nopona ehuani ax quinequiyayaj para ya ma eli inintlanahuatijca. Tlanahuatijquetl Manahem quinmicti nochi tlacame nopona huan hasta quintlapohuili iniijti sihuame tlen tlanemiltiyayaj. 17Huajca Tlanahuatijquetl Manahem, icone Gadi, pejqui tlanahuat'ia ipan tlali Israel quema Tlanahuatijquetl Azar'ias yohuiyaya para 39 xihuitl tlanahuat'ia ipan tlali Jud'a. Huan Manahem mosehui para tlanahuatis ipan altepetl Samaria huan tlanahuati majtlactli xihuitl. 18Pero quichijqui tlen ax cuali iixtla TOTECO. Nochi tonali ipan itequi, niyon quentzi ax moiyocatlali tlen nopa tlajtlacoli tlen Jeroboam, icone Nabat, quinnextilijtoya tlali Israel ehuani para ma quinpiyaca teteyome. 19Huan teipa hualajqui Tlanahuatijquetl Pul tlen tlali Asiria, huan calajqui ipan tlali Israel huan pejqui moaxcat'ia. Huan Tlanahuatijquetl Manahem quimacac Tlanahuatijquetl Pul 33 toneladas tlen plata tomi para ma ax quicuatotoni. Huajca nopa Tlanahuatijquetl quiseli nopa tomi huan sampa mocuepqui campa hualajqui ipan tlali Asiria. 20Tlanahuatijquetl Manahem quinquixtili nopa tomi nochi tominpiyani ipan tlali Israel pampa sesen quinchijqui ma tlaxtlahua tlajco kilo tlen plata tomi queja se impuesto para quimacase nopa tlanahuatijquetl tlen tlali Asiria. Huan quena, queja nopa quisqui ipan tlali Israel huan yajqui. 21Huan nochi sequinoc tlamantli tlen panoc ipan itequi Tlanahuatijquetl Manahem huan nochi tlen quichijqui, eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 22Huan quema mijqui Tlanahuatijquetl Manahem, quitlalpachojque ihuaya itatahua, huan pejqui tlanahuat'ia Peka'ia tlen eliyaya icone. 23Quema Azar'ias yohuiyaya para 50 xihuitl tlanahuat'ia ipan tlali Jud'a, Tlanahuatijquetl Peka'ia, icone Manahem, mochijqui tlanahuatijquetl ipan tlali Israel ipan altepetl Samaria huan tlanahuati ome xihuitl. 24Huan Tlanahuatijquetl Peka'ia quichijqui tlen ax cuali iixtla TOTECO. Ax quinejqui quicahuas nopa tlajtlacoli tlen Tlanahuatijquetl Jeroboam, icone Nabat, quinnextili tlali Israel ehuani ma quichihuaca. 25Huan Peka, icone Remal'ias, tlen quinyacanqui isoldados Peka'ia moiyocatlali tlen ya. Huan Peka huan 50 tlacame tlen tlali Galaad, quimictijque Tlanahuatijquetl Peka'ia huan Argob huan Arie ipan nopa caltlanahuatili ipan Samaria. Huan teipa Peka pejqui tlanahuat'ia ipan tlali Israel. 26Huan nochi tlen panoc ipan itequi Tlanahuatijquetl Peka'ia huan nochi tlen quichijqui eltoc ijcuilijtoc ipan nopa amatlapohuali itoca Tlen Quichijque Nopa Tlanahuatiani Ipan Tlali Israel. 27Quema Tlanahuatijquetl Azar'ias yohuiyaya para 52 xihuitl tlanahuat'ia ipan tlali Jud'a, Tlanahuatijquetl Peka, icone Remal'ias, pejqui tlanahuat'ia ipan tlali Israel. Huan mosehui para tlanahuatis ipan altepetl Samaria huan tlanahuati 20 xihuitl. 28Huan Peka quichijqui tlen ax cuali iixtla TOTECO pampa ax quinejqui quicahuas nopa tlajtlacoli tlen Tlanahuatijquetl Jeroboam, icone Nabat, quinnextilijtoya tlali Israel ehuani ma quichihuaca para ma quihueyitlalica TOTECO ica teteyome. 29Huan quema tlanahuatiyaya Tlanahuatijquetl Peka ipan tlali Israel, hualajqui Tlanahuatijquetl Tiglat Pileser tlen tlali Asiria huan moaxcati nopa altepetini Ij'on, Abel Bet Maaca, Janoa, Cedes huan Hazor. Huan nojquiya moaxcati nopa tlaltini Galaad, Galilea huan nochi tlali Neftal'i. Huan nochi tlacame tlen itztoyaj ipan nopa pilaltepetzitzi huan tlaltini quinhuicac ilpitoque hasta tlali Asiria. 30Huajca Oseas, icone Ela, motlalanqui ica Tlanahuatijquetl Peka, icone Remal'ias, huan quimicti. Huan Tlanahuatijquetl Oseas pejqui tlanahuat'ia ipan tlali Israel. Huan quema Oseas calajqui ipan itequi, Tlanahuatijquetl Jotam, icone Uz'ias, yohuiyaya para 20 xihuitl tlanahuat'ia ipan tlali Jud'a. 31Huan nochi sequinoc tlamantli tlen panoc ipan itequi Tlanahuatijquetl Peka huan nochi tlen quichijqui eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 32Pejqui tequiti Tlanahuatijquetl Jotam, icone Uz'ias, ipan tlali Jud'a quema Peka, icone Remal'ias, yohuiyaya para ome xihuitl tlanahuat'ia ipan tlali Israel. 33Huan Tlanahuatijquetl Jotam quipiyayaya 25 xihuitl quema pejqui tlanahuat'ia ipan altepetl Jerusal'en huan tlanahuati 16 xihuitl. Inana itoca eliyaya Jerusa huan yajaya elqui icone Sadoc. 34Huan Tlanahuatijquetl Jotam quichijqui tlen xitlahuac iixtla TOTECO san queja quichijtoya itata tlen itoca eliyaya Uz'ias. 35Pero ax quinijcueni nopa piltiocaltzitzi campa tlacame tlacajcahuayayaj huan quitlatiyayaj copali. Pero yajaya tlen sampa quisencajqui cuali nopa puerta ica norte ipan ichaj TOTECO. 36Huan nochi nopa sequinoc tlamantli tlen panoc ipan itequi Tlanahuatijquetl Jotam huan nochi tlen quichijqui eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Jud'a. 37Huan ipan nopa tonali TOTECO pejqui quititlani nopa Tlanahuatijquetl Rez'in tlen tlali Siria huan Tlanahuatijquetl Peka, icone Remal'ias, tlen tlali Israel para quitehuitij tlali Jud'a. 38Huan quema mijqui Tlanahuatijquetl Jotam, quitlalpachojque ininhuaya itatahua ipan altepetl Jerusal'en ipan nopa barrio tlen itoca Ialtepe David. Huan teipa pejqui tlanahuat'ia Acaz tlen eliyaya icone.

will be added

X\