2 Kings 14

1Quema Tlanahuatijquetl Jo'as, icone Joacaz, yohuiyaya para ome xihuitl tlanahuat'ia ipan tlali Israel, pejqui tlanahuat'ia Amas'ias, icone seyoc tlacatl tlen itoca Jo'as, ipan tlali Jud'a. 2Huan Amas'ias quipiyayaya 25 xihuitl quema pejqui tlanahuat'ia huan tlanahuati ipan altepetl Jerusal'en 29 xihuitl. Huan inana itoca eliyaya Joad'an huan ejqui Jerusal'en. 3Huan Tlanahuatijquetl Amas'ias quichijqui tlen xitlahuac iixtla TOTECO, pero ax nelcuali queja ihuejcapan tata, David, quichijtoya. Quichijqui san queja quichijtoya itata, Tlanahuatijquetl Jo'as. 4Pampa Tlanahuatijquetl Amas'ias ax quixolejqui nopa piltiocaltzitzi ica tlaixpamitl campa tlacame quinhueyichihuayayaj tlaixcopincayome, huan tlacajcahuayayaj huan quitlatiyayaj copali. 5Huan quema Tlanahuatijquetl Amas'ias cuali calactoya ipan itequi huan quipixqui temachili, quinmicti nopa tequipanohuani tlen quimictijque itata tlen eliyaya tlanahuatijquetl achtohuiya. 6Pero ax quinmicti ininconehua nopa temictiani pampa quinejqui quineltocas tlen ijcuilijtoc ipan nopa amatlajcuiloli tlen Mois'es campa TOTECO quiijto: "Amo xiquinmictica tetajme por inintlajtlacolhua ininconehua, niyon amo xiquinmictica coneme por tlen quichijtoque inintatahua. Tlen monequi miquis, ma miqui por san tlen ya itlajtlacol." 7Huan Tlanahuatijquetl Amas'ias nojquiya quinmicti majtlactli mil tlali Edom ehuani ipan nopa tlamayamitl tlen itoca Istatl. Huan mocuili nopa pilaltepetzi Sela huan quipatili itoca. Quitocajti Jocteel huan hasta ama queja nopa itoca. 8Huajca Tlanahuatijquetl Amas'ias tlatitlanqui campa Tlanahuatijquetl Jo'as ipan tlali Israel, yajaya tlen elqui icone Joacaz huan iixhui Jeh'u para ma quiilhuitij: "Xihuala xitechnamiquiqui huan titlatehuise." 9Pero Tlanahuatijquetl Jo'as tlen tlali Israel ax quinejqui huan quititlanili se tlajtoli tlen quiijto: "Se huitzcuahuitl tlatitlanqui ma quiilhuica se tiocuahuitl ipan L'ibano para ma quimaca iichpoca para ma eli isihua icone, pero se tecuani panoc nopona, huan ipan moquetzqui nopa huitztli huan tlanqui tlajtoli. 10Melahuac ta tijtlantoc nopa tlali Edom huan ica ya nopa timomachil'ia tlahuel tihueyi, pero achi cuali xiitzto ipan mochaj. ┬┐Para tlen tijnequi timotehuis nohuaya huan tijchihuas tlaxolejtoc nochi tlali Jud'a huan nochi motlal ehuani?" 11Pero Tlanahuatijquetl Amas'ias ipan tlali Jud'a ax quichijqui cuenta itlajtol. Huajca Tlanahuatijquetl Jo'as tlen tlali Israel yajqui ica isoldados para motehuis ihuaya Tlanahuatijquetl Amas'ias. Huan moixnamijque ipan altepetl Bet Semes tlen tlali Jud'a. 12Huan nopa Israel ehuani quintlanque tlali Jud'a ehuani. Huan sesen tlen nopa Jud'a ehuani cholojtejqui huan yajqui ichaj. 13Huan huajca Tlanahuatijquetl Jo'as tlen tlali Israel quiitzqui Tlanahuatijquetl Amas'ias tlen tlali Jud'a ipan altepetl Bet Semes. Huan teipa yajqui ica isoldados hasta altepetl Jerusal'en. Huan nopona Tlanahuatijquetl Jo'as quixolejqui nopa tepamitl tlen ica moyahualojtoya Jerusal'en huan quicajqui tlapojtoc tlen nopa puerta tlen itoca Efra'in hasta campa nopa puerta tlen itoca Esquina. Elqui nechca 180 metros tlen nopa tepamitl tlen quixolejqui. 14Huan nojquiya moaxcati nochi oro, plata huan tlamantli tlen quitequihu'iaj ipan ichaj TOTECO huan quihuicac nochi tomi tlen oncayaya ipan tequicali tlen iaxca nopa tlanahuatijquetl. Teipa quinitzqui tlacame huan quinhuicac ilpitoque ihuaya huan sampa mocuepqui ipan itlal, Israel, hasta altepetl Samaria. 15Huan nochi tlen panoc ipan itequi Tlanahuatijquetl Jo'as huan nochi tlen quichijqui, huan hasta campa quipixqui tequihuejcayotl huan nochi nopa tlatehuilistli ica Tlanahuatijquetl Amas'ias tlen tlali Jud'a, eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 16Huan quema mijqui Tlanahuatijquetl Jo'as, quitlaltojque ipan altepetl Samaria ininhuaya ihuejcapan tatahua, nopa tlanahuatiani tlen tlali Israel. Huan pejqui tlanahuat'ia ipan tlali Israel icone tlen itoca eliyaya nopa ompa Tlanahuatijquetl Jeroboam. 17Huan Tlanahuatijquetl Amas'ias, icone seyoc Jo'as, tlen elqui tlanahuatijquetl ipan tlali Jud'a, noja itztoya ipan itequi seyoc 15 xihuitl quema ya mictoya Tlanahuatijquetl Jo'as, icone Joacaz, tlen tlali Israel. 18Huan nochi sequinoc tlamantli tlen panoc ipan itequi Tlanahuatijquetl Amas'ias ipan tlali Jud'a eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Jud'a. 19Huan ipan altepetl Jerusal'en motlalanque sequin tlacame tlen quicualancaitayayaj Tlanahuatijquetl Amas'ias huan yajaya cholo huan yajqui ipan se pilaltepetzi tlen itoca Laquis. Pero icualancaitacahua quitepotztocaque hasta Laquis, huan nopona quimictijque. 20Huan teipa quihualicaque itlacayo ipan se cahuayo huan quitlalpachojque ihuaya itatahua ipan altepetl Jerusal'en ipan nopa barrio tlen itoca Ialtepe David. 21Teipa nopa tlacame tlen tlali Jud'a quitlapejpenijque Azar'ias tlen san quipiyayaya 16 xihuitl huan quichijque tlanahuatijquetl ipan inintlal. 22Huan quema quiitac para ya mictoya itata, sampa quicualtlali nopa pilaltepetzi tlen itoca Elat huan quichijqui ma eli iaxca tlali Jud'a. 23Quema Tlanahuatijquetl Amas'ias, icone Jo'as, yohuiyaya para 15 xihuitl tlanahuat'ia ipan tlali Jud'a, pejqui tlanahuat'ia ipan tlali Israel nopa ompa tlacatl itoca Jeroboam tlen eliyaya icone Jo'as. Huan nopa ompa Jeroboam mosehui ipan altepetl Samaria para tlanahuatis huan tlanahuati para 41 xihuitl. 24Huan quichijqui tlen ax cuali iixtla TOTECO pampa ax quicajqui nopa tlajtlacoli tlen nopa achtohui Tlanahuatijquetl Jeroboam tlen eliyaya icone Nabat quichijqui huan tlen quinnextili israelitame nojquiya ma quichihuaca, pampa quinextili ma quinpiyaca teteyome. 25Pero nopa ompa Tlanahuatijquetl Jeroboam sampa moaxcati nopa tlali tlen achtohui eliyaya iaxca tlali Israel tlatlajco altepetl Hamat huan nopa hueyi atl tlen itoca Mictoc. Huan ni elqui senquistoc queja quiijtojtoya TOTECO toDios tiisraelitame para quichihuasqu'ia. Quiijtojtoya ica nopa tiocamanalojquetl Jon'as, icone Amitai, tlen ejqui altepetl Gat Hefer. 26Pampa TOTECO momacac cuenta quejatza tlahuel tlaijiyohuiyayaj nopa tlali Israel ehuani huan axaca quinpalehuiyaya. 27Huajca TOTECO quinmanahui ica nopa ompa Tlanahuatijquetl Jeroboam, tlen icone Jo'as, pampa TOTECO ax quema quiijto para senquistoc quintlamiltisqu'ia tlen ehuaj ipan tlali Israel. 28Huan nochi tlen panoc ipan itequi nopa ompa Tlanahuatijquetl Jeroboam huan nochi tlen quichijqui, huan quejatza motemacac huan tlatehui huan sampa quintlanqui nopa altepetini Damasco huan Hamat tlen moaxcatijtoya tlali Jud'a, nochi eltoc ijcuilijtoc ipan nopa amatlapohuali tlen itoca Tlen Quichijque Nopa Tlanahuatiani Ipan Tlali Israel. 29Huan mijqui nopa ompa Tlanahuatijquetl Jeroboam huan quitlalpachojque ihuaya ihuejcapan tatahua tlen nojquiya elque tlanahuatiani ipan tlali Israel. Huan icone tlen itoca Zacar'ias mochijqui tlanahuatijquetl.

will be added

X\