2 Kings 12

1Huan nopa cone tlanahuatijquetl Jo'as pejqui tlanahuat'ia ipan tlali Jud'a ipan sur quema Tlanahuatijquetl Jeh'u yohuiyaya para chicome xihuitl tlanahuat'ia ipan tlali Israel ipan norte. Huan Jo'as mosehui para tequitis ipan altepetl Jerusal'en huan elqui tlanahuatijquetl para 40 xihuitl. Inana itoca eliyaya Sibia huan ejqui altepetl Beerseba. 2Huan Tlanahuatijquetl Jo'as quichijqui tlen cuali iixtla TOTECO nochi tonali quema nopa totajtzi Joiada noja itztoya para quiconsejomacas. 3Pero teipa Jo'as quicahuili ma mocahua nopa piltiocaltzitzi ica tlaixpamitl para tlaixcopincayome campa nopa tlacame tlacajcahuayayaj huan quitlatiyayaj copali. 4Huan se tonal quema aya miquiyaya nopa totajtzi Joiada, Jo'as quinilhui nopa totajtzitzi: --Xijsentilica nochi tomi tlen tlacame quihualicatoque para TOTECO Dios. Xijsentilica nopa impuestos tlen tlaxtlahua sesen tlacatl, huan nochi nopa tomi tlen tlacame quihualicaj ipan ichaj TOTECO quema quitencahuil'iaj TOTECO tlaque quichihuase ihuaya nochi ofrendas tlen san quimacaj TOTECO ica ininyolo. 5Nochi ni tomi ma mocahua ininmaco totajtzitzi para quisencahuase itiopa TOTECO campa sosolijtoc. 6Pero panoc 23 xihuitl ipan itequi Jo'as huan nopa totajtzitzi aya quicualtlalijtoyaj tleno ipan itiopa TOTECO. 7Huajca Tlanahuatijquetl Jo'as quinotzqui nopa totajtzi Joiada huan nopa sequinoc totajtzitzi huan quinilhui: --┬┐Para tlen ax inquicualtlalijtoque nopa tiopamitl? Imojuanti ayoc inquipiyase imomaco nopa tomi tlen tlacame temacaj para inquitequihuise. Nochi nopa tomi elis para ma quicualtlalica nopa tiopamitl campa sosolijtoc. 8Huajca nopa totajtzitzi quiijtojque para cuali ayoc quiselise m'as tomi tlen tlacame huan ayoc elis inincuenta para quisencahuase nopa tiopamitl. 9Huajca nopa totajtzi Joiada quicuic se pilcuacajontzi huan quicoyoni ipan itentzajca huan quitlali ica inejmatl nopa tlaixpamitl campa tlacame calaquij ipan nopa tiopamitl. Huan nopa totajtzitzi tlen tlamocuitlahu'iaj campa nochi calaquij ipan tiopamitl quitlaliyayaj nochi iniofrendas ipan nopa pilcuacajontzi. 10Huan quema quiitayayaj para nopa pilcuacajontzi quipixtoc miyac tomi, itlajcuilojca nopa tlanahuatijquetl, ihuaya nopa totajtzi quipohuayayaj tlen ajsitoya ipan itiopa TOTECO huan quitlaliyayaj ipan bolsas. 11Huan teipa quinmacayayaj nopa tlayacanca tlanahuatiani tlen quitlachiliyayaj inintequi huan quintlaxtlahuiyayaj 12nopa tepanchihuani, cuatequini, tlapalehuiani huan tlen quicualchijchihuayayaj tetl para ma quicualtlalica nopa tiopamitl. Nojquiya quitequihuijque nopa tomi para quicohuase cuatini huan tetini tlen monequiyaya ipan nopa tequitl. Huan nochi sequinoc gastos tlen quichihuayayaj ipan nopa cali. 13Pero nopa tomi tlen quihuicayayaj ipan ichaj TOTECO ax quitequihuiyayaj para quicohuase tazas tlen plata, niyon pilcucharajtzitzi para quisehuise tlahuili, niyon para apastli, tlapitzali huan sequinoc tlamantli tlen motequihu'ia tiopan calijtic tlen oro o plata. 14Nochi nopa tomi quitequihuiyayaj senquistoc para tlaxtlahuase para ma quicualtlalica nopa tiopan cali. 15Huan ax quintlajtlaniyayaj cuenta nopa tlacame tlen quitequihuiyayaj nopa tomi pampa nochi tlen tequitiyayaj eliyayaj temachme huan quichijque san tlen xitlahuac. 16Pero nopa tomi tlen tlacame temacaque pampa tlajtlacolejque iixtla TOTECO o pampa tlajtlacolchijtoyaj, ax quihuicayayaj tiopan calijtic. Nopa tomi quinmacayayaj totajtzitzi ma quitequihuica. 17Ipan nopa tonali Tlanahuatijquetl Hazael tlen tlali Siria quitehuijqui altepetl Gat huan moaxcati. Huan teipa quinejqui nojquiya moaxcatis altepetl Jerusal'en. 18Pero Tlanahuatijquetl Jo'as ipan Jud'a tlen mosehui para tequitis ipan Jerusal'en quicuic nochi tlamantli tlen patiyo huan yejyectzi tlen yajaya huan ihueyi tatahua quimacatoyaj TOTECO itiopa. Ihueyi tatahua elque nopa tlanahuatiani ipan tlali Jud'a tlen inintoca Josafat, Joram huan Ocoz'ias. Nojquiya Jo'as quicuic nochi nopa oro tomi tlen iaxca tiopamitl, huan iaxca nopa icaltlanahuatil huan quititlanili Tlanahuatijquetl Hazael ipan tlali Siria para ax ma huala quitehuiqui Jerusal'en. Huan quena, Tlanahuatijquetl Hazael quiseli huan quicajte Jerusal'en huan yajqui. 19Nochi tlen panoc ipan itequi Jo'as huan nochi tlen quichijqui eltoc ijcuilijtoc ipan nopa amatlapohuali itoca Tlen Quichijque Nopa Tlanahuatiani Ipan Tlali Jud'a. 20Pero teipa itlatequipanojcahua motlalanque ica ya huan quisencajque quejatza quimictise ipan nopa ompa cali tlen tlanahuatijquetl ipan Milo tlen mocahua ipan nopa tlaixtemolis ipan ojtli para Sila. 21Huan inintoca tlen quimictijque Jo'as eliyaya Josacar, icone Simeat, huan Jozabad, icone Somer, huan itztoyaj itlatequipanojcahua tlen m'as nechca tlen ipan motemachi. Huan quema mijqui Jo'as, quitlalpachojque ipan Jerusal'en ipan nopa barrio tlen itoca Ialtepe David. Huan teipa icone tlen itoca eliyaya Amas'ias pejqui tlanahuat'ia ipan tlali Jud'a.

will be added

X\