2 CORINTIOS 2

1Huajca nimoyolilhui achi cuali para ax m'as nimoyolcocos, ax nimechitati nimantzi huan nimechcuesolmacas queja nijchijqui achtohui. 2Pampa intla nimechcuesolmacas, huajca ┬┐ajqueya nechyoltlalis na? ┬┐Quejatza huelis innechyoltlalise intla na tlen nimechcuesolmacac? 3Yeca nimechtlajcuilhui nopa amatlajcuiloli para xijxitlahuaca nochi tlen monequi quema aya niajsi. Quej nopa ax nimocuesos quema niajsiti ica imojuanti tlen achi m'as monequi innechchihuilisqu'iaj para ma nipaqui. Inquimatij para na nipaquis quema nijmatis para nochi imojuanti nojquiya inpaquij. 4Nel'ia nechyolcoco quema nimechtlajcuilhui nopa amatlajcuiloli. Nimocueso huan nimochoquili miyac, pampa ax nimechtlajcuilhuiyaya para nimechcuesolmacas, pero nijnequiyaya xijmatica para nel'ia miyac nimechicnel'ia. 5Yajaya nopona imohuaya tlen quichijqui nopa tlajtlacoli tlen ica nimechtlajcuilhui achtohui, ax san na nechcuesolmacac, pero nojquiya inmechcuesolmacatoc nochi imojuanti. Ax niquijtohua para yajaya nelmiyac inmechcuesolmacatoc pampa ax nijnequi nijchihuas m'as hueyi ni tlamantli. 6Miyac tlen imojuanti ya inquitlatzacuiltijtoque yajaya tlen tlajtlacolchijqui. Huan nimoilhu'ia para ya cuali ica ya nopa. 7Ya ajsic hora para xijtlapojpolhuica huan xijyoltlalica para ax quicahuas quineltoca Toteco. Ax nijnequi para yajaya ma mocueso miyac hasta ayoc quimatis tlaque quichihuas. 8Huajca ama xijnextilica para noja inquiicnel'iaj miyac. 9Achtohui quema nimechtlajcuilhui para xijtlatzacuiltica, nojquiya nijnequiyaya nimechyejyecos para niquitas intla inquichihuasqu'iaj nochi tlen nimechilhui o axtle. Huan, quena, innechneltocaque. 10Huajca ama quema inquitlapojpolhuise, na nojquiya nijtlapojpolhuis, intla onca se tlamantli tlen monequi nijtlapojpolhuis. Huan quema nijtlapojpolhuis, nijchihuas iixpa Cristo pampa nimechicnel'ia. 11Monequi tijtlapojpolhuise para Axcualtlacatl ax quitequihuis ya ni queja se ojtli para ipan calaquis tohuaya huan techcajcayahuas. Cuali tijmatij queja ya mosenilhuijtoc quejatza huelis techcajcayahuas. 12Quema niajsito altepetl Troas para nitlacamanalos nopa cuali tlajtoli tlen Tohueyiteco Cristo, nijpanti Toteco techtlapohuilijtoya se ojtli para ma nijchihua itequi nopona, 13pero nimocuesoyaya miyac pampa ax nijpanti toicni Tito tlen niquilhui para ma nechnamiquis nepa quema quisasqu'ia tlen campa imojuanti. Huajca niquinnahuatijtejqui tlen itztoyaj nepa Troas huan niyajqui tlali Macedonia nijtemoto. 14Tijtlascamatij Toteco Dios pampa Cristo ya tlatlantoc huan ama techyacana queja titlacame tlen moaxcatijtoc. Huan techtequihu'ia para tiquincamahuise tlacame Itlajtol campa hueli techaj, para Itlajtol ma momoyahuas queja se tlaajhuiyacayotl tlen campa hueli ajsi. 15Quena, eltoc queja tonemilis quipiya se tlaajhuiyacayotl tlen Cristo pampa Cristo itztoc topani huan nopa tlaajhuiyacayotl tlen tijpiyaj quipact'ia Toteco Dios. Pero ax san se quisel'iaj nopa tlaajhuiyacayotl tlacame tlen momaquixt'iaj tlen inintlajtlacolhua huan tlacame tlen yohuij mictla. 16Ica tlacame tlen mopolose, eltoc queja timijmiyot'iaj queja se tlamantli pajtli tlen se tlacatl quiijnecuis huan nimantzi miquis. Pero ica tlacame tlen momaquixtise, timijmiyot'iaj queja se tlamantli tlen se tlacatl quiijnecuis huan quipantis yolistli para nochipa. Nel'ia hueyi nopa tequitl tlen tijchihuaj. Axaca hueli quichihua iselti. 17Tojuanti ax tiitztoque queja tlacame tlen quitequihu'iaj Itlajtol Toteco para tlacajcayahuase para san quinequij quitlanise tomi. Tojuanti tiquincamahu'ia tlacame Itlajtol ica toyolo xitlahuac iixpa Toteco Dios tlen techtlachil'ia huan tlen techtequimacatoc ma tijchihuaca. Quena, tiquincamahu'ia nochi tlacame ica itequihuejcayo Cristo pampa timotlatzquilijtoque ipan ya.

will be added

X\