2 Chronicles 33

1Huan Manas'es quipiyayaya 12 xihuitl quema pejqui tlanahuat'ia huan tlanahuati ipan altepetl Jerusal'en 55 xihuitl. 2Yajaya quichijqui tlen fiero iixpa TOTECO Dios pampa quintoquili ininfiero ojhui nopa tlacame ipan nopa sequinoc tlaltini tlen TOTECO quinpanquixtijtoya ipan nopa tlali quema ajsiyayaj israelitame. 3Manas'es sampa quicualtlali nopa miyac tlaixpamitl ipan tepetini tlen itata, Ezequ'ias, quinxolejtoya. Huan quicualtlali nopa miyac tlaixpamitl campa quinpixtoyaj nopa tlaixcopincayome tlen Baal, huan quinchijchijqui tlaquetzali para quitlepanitase nopa tiotzi Asera. Huan nojquiya Manas'es quinhueyitlali nochi tlamantli tlen oncayaya ipan elhuicac queja tonati, metztli huan sitlalime. 4Huan nojquiya quinchijchijqui miyac tlaixpamitl para tiotzitzi ipan itiopa TOTECO yonque TOTECO quiijtojtoya para nopona san yajaya quihueyitlalisqu'iaj tlacame para nochipa. 5Huan nojquiya quinchijchijqui miyac tlaixpamitl para nopa sitlalime ipan elhuicac ipan nopa ome tlamapamitl tlen nopa tiopamitl. 6Nojquiya Manas'es quintlati iconehua queja tlacajcahualistli para tiotzitzi ipan nopa tlamayamitl Ben Hinom. Nojquiya Manas'es quintequihui tlen quinnojnotzaj mijcatzitzi, tlen tetonalitani huan tlen momachtiyayaj magia. Tlahuel miyac tlamantli quichijqui Manas'es tlen elqui fiero iixpa TOTECO huan yeca tlahuel quicualancamacac. 7Nojquiya Manas'es quichijqui se teteyotl huan quitlali ipan tiopamitl yonque Toteco Dios quiilhuijtoya David huan Salom'on ni tlajtoli: "Ipan ni tiopamitl huan ipan ni altepetl Jerusal'en innechhueyichihuase para nochipa pampa na nijtlapejpenijtoc ni altepetl tlen nochi sequinoc altepetini ipan tlali Israel para nica ma nechhueyitlepanitaca. 8Huan intla inisraelitame inquichihuase nochi notlanahuatilhua huan nochi tlamachtili tlen nijmacac Mois'es para ma inmechmachti, ax quema nimechpanquixtis ipan ni tlali Israel tlen niquinmacatoc imohuejcapan tatahua." Queja nopa TOTECO quiilhui David huan Salom'on huejcajquiya. 9Pero Tlanahuatijquetl Manas'es quichijqui para Jud'a huan Jerusal'en ehuani ma quichihuaca tlamantli tlen noja m'as fiero que quichihuayayaj nopa tlacame tlen TOTECO quintzontlamilti quema huejcajquiya ajsiyayaj israelitame ipan nopa tlali. 10Huan TOTECO quinojnotzqui Manas'es huan nochi itlacajhua, pero inijuanti ax quichihuilijque cuenta. 11Huajca TOTECO quichijqui para nopa tlayacanani tlen isoldados nopa tlanahuatijquetl tlen tlali Asiria ma yaca Jerusal'en. Huan inijuanti quiitzquijque Manas'es huan quitlalilijque tepos chijcoli para quitilanase huan quiilpijque imetz huan ima ica cadenas tlen bronce huan quihuicaque ipan tlali Babilonia. 12Pero teipa quema tlahuel tlaijiyohuiyaya, Manas'es moicnonejqui huan momaijto ica nochi iyolo iixpa TOTECO Dios tlen elqui ininTeco ihuejcapan tatahua. 13Huan quema momaijto, Toteco Dios quitlacaquili huan quicahuili ma sampa mocuepa ipan altepetl Jerusal'en ipan itlanahuatilis. Huan huajca Manas'es quimachili san yajaya TOTECO nel'ia itztoc Dios. 14Teipa Manas'es quicualtlali nopa tepamitl tlen m'as calteno ipan Ialtepe David. Quicualtlali nopa tepamitl tlen campa sosolijtoya campa calaqui tonati tlen tlamayamitl Gih'on nechca nopa atemitl Cedr'on huan hasta nopa puerta ipan nopa tepamitl tlen itoca Michi Puerta. Nojquiya quisencajqui campa nopa tepamitl quiyahualohua nopa tlachiquili Ofel huan nopona quichijqui nopa tepamitl tlahuel huejcapantic. Huan quintlali itlayacanca soldados ipan nochi altepetini ipan Jud'a tlen moyahualojtoyaj ica tepamitl. 15Huan nojquiya quinijcueni nopa tlaixcopincayotl huan nopa teteyotl tlen quitlalijtoya ipan itiopa TOTECO. Huan quinijcueni nochi tlaixpamitl tlen quichijtoyaj ipan nopa tepetl ipan altepetl Jerusal'en campa moquetzqui itiopa TOTECO huan quinquixti tlen nopa altepetl huan quintepejqui ipan tlasoli tlen eltoya huejca tlen nopa altepetl. 16Teipa sampa quicualtlali itlaixpa TOTECO huan nopona quitlati tlacajcahualistli para moyoltlalise ica TOTECO huan tlacajcahualistli para quitlascamatis. Huan quinnahuati nochi Jud'a ehuani ma quihueyitlalica TOTECO Dios tlen elqui ininTeco israelitame. 17Nopa tlacame tlen tlali Jud'a noja quitlatiyayaj tlacajcahualistli ipan nopa miyac tlaixpamitl tlen eltoyaj ipan tepetini, pero quitlatiyayaj senquistoc para TOTECO Dios. 18Huan nochi sequinoc tlamantli tlen quichijqui Manas'es huan itlamaijtol, huan nopa tlajtoli tlen nopa tiocamanalohuani quimacaque tlen TOTECO Dios tlen itztoc ininTeco israelitame, nochi eltoc ijcuilijtoc ipan Nopa Amatl tlen nopa Tlanahuatiani ipan Tlali Israel. 19Huan itlamaijtol Manas'es huan quejatza TOTECO quinanquili huan quipalehui, huan nochi tlen fiero quichijqui quema mosisiniyaya ica TOTECO, nochi eltoc ijcuilijtoc ipan Nopa Amatlapohuali tlen Nopa Tiocamanalohuani. Nopa amatlapohuali nojquiya quipiya nochi lugares campa yajaya quichijqui miyac tlaixpamitl para tiotzitzi huan campa quintlali tlaquetzali para Asera huan teteyome quema aya moyolcueptoya iixpa TOTECO. 20Huan quema mijqui Manas'es quitlalpachojque ipan icaltlanahuatil. Huan itelpoca tlen itoca Am'on pejqui tlanahuat'ia ipan tlali Jud'a. 21Am'on quipiyayaya 22 xihuitl quema pejqui tlanahuat'ia huan tlanahuati ipan altepetl Jerusal'en ome xihuitl. 22Huan quichijqui tlen nel'ia fiero iixpa TOTECO queja itata Manas'es quichijqui achtohuiya. Quinmacac tlacajcahualistli nochi tlamantli teteyome tlen itata Manas'es quichijtoya huan quinhueyitlali. 23Pero Tlanahuatijquetl Am'on ax quema moicnonejqui iixpa TOTECO queja quichijqui itata, Manas'es. Am'on san achi m'as quimiyaquili itlajtlacolhua. 24Huan teipa itlatequipanojcahua quisencajque quejatza huelis quimictise huan quimictijque ipan icaltlanahuatil. 25Pero sequinoc tlacame ipan nopa tlali tlen quichihuayayaj tlen xitlahuac, quinmictijque itlatequipanojcahua Am'on tlen quimictijtoyaj. Huan inijuanti quichijque icone Jos'ias ma eli tlanahuatijquetl.

will be added

X\