2 Chronicles 27

1Huan Jotam quipiyayaya 25 xihuitl quema pejqui tlanahuat'ia huan tlanahuati ipan altepetl Jerusal'en 16 xihuitl. Inana itoca eliyaya Jerusa huan elqui iichpoca Sadoc. 2Huan Jotam quichijqui tlen cuali iixpa TOTECO queja quichijtoya itata, Uz'ias, pero yajaya ax calajqui ipan itiopa TOTECO queja eliyaya se totajtzi queja quichijqui itata. Pero yonque Jotam monejnemilti xitlahuac, nopa tlacame tlen nopa tlali Jud'a quisenhuiquilijque quichijque tlen fiero. 3Huan Tlanahuatijquetl Jotam quicualtlali nopa puerta tlen huejcapantic para calaquise ipan ichaj TOTECO, huan nojquiya quicualtlali miyac ipan nopa tepamitl campa nopa tepetl Ophel. 4Nojquiya quichijqui altepetini ipan nopa tepetini tlen Jud'a huan quichijqui tepamitl ica torres campa hueli campa cuatitlamitl para ipan momanahuise tlacame. 5Huan Jotam quintehuijqui nopa amonita tlacame huan quintlanqui. Huan sesen xihuitl para eyi xihuitl nopa amonitame quitlaxtlahuijque Jotam iniimpuestos tlen inintlal ica nechca eyi toneladas huan tlajco tlen plata, se mill'on 200 mil litros tlen trigo huan se mill'on 200 mil litros tlen cebada. 6Huan Tlanahuatijquetl Jotam nel'ia mohueyichijqui pampa ica miyac cuidado monejnemilti xitlahuac iixpa TOTECO Dios tlen elqui iTeco. 7Huan nochi tlen quichijqui Jotam huan nochi tlatehuijcayotl huan sequinoc tlamantli tlen quichijqui eltoc ijcuilijtoc ipan Nopa Amatlapohuali tlen nopa Tlanahuatiani tlen Tlali Jud'a huan Tlali Israel. 8Huan Jotam quipiyayaya 25 xihuitl quema pejqui tlanahuat'ia huan tlanahuati ipan altepetl Jerusal'en 16 xihuitl. 9Huan quema mijqui, quitlalpachojque ipan Ialtepe David campa quintlalpachojtoyaj ihuejcapan tatahua. Huan itelpoca, tlen itoca Acaz, pejqui tlanahuat'ia ipan Jud'a.

will be added

X\