2 Chronicles 26

1Huan nochi nopa tlacame tlen tlali Jud'a, mosentilijque huan quichijque tlanahuatijquetl Uz'ias, icone Amas'ias tlen quipiyayaya 16 xihuitl. 2Huan quema ya mijqui itata, Tlanahuatijquetl Uz'ias quicualtlali altepetl Elot huan sampa quinmactili para elis iaxca tlali Jud'a. 3Tlanahuatijquetl Uz'ias quipiyayaya 16 xihuitl quema pejqui tlanahuat'ia huan tlanahuati ipan altepetl Jerusal'en 52 xihuitl. Inana itoca eliyaya Jecol'ias huan ejqui ipan Jerusal'en. 4Huan quichijqui tlen cuali iixpa TOTECO queja quichijqui itata, Amas'ias. 5Huan ipan nochi nopa tonali quema Zacar'ias noja itztoya, Uz'ias monejnemilti xitlahuac huan quitemo itlapalehuil Toteco Dios. Zacar'ias eliyaya se tiocamanalojquetl tlen quinextili Uz'ias ma quitlepanita TOTECO. Huan ipan nopa tonali quema Uz'ias quitlepanitayaya TOTECO, TOTECO nel'ia quitiochihuayaya huan quipalehui para ma quisa cuali ipan nochi tlamantli tlen quichijqui. 6Huan Tlanahuatijquetl Uz'ias ihuaya isoldados yajque quintehuitoj nopa filisteo tlacame. Huan quixolejque inintepa nopa altepetini Gat, Jabnia huan Asdod. Huan quinchijqui sequin yancuic altepetini nechca altepetl Asdod huan ipan sequinoc partes tlen inintlal nopa filisteo tlacame. 7Huan Toteco Dios quipalehui Uz'ias quema quintehuiyaya nopa filisteos huan nopa 'arabes tlen itztoyaj ipan Gur Baal huan nojquiya nopa tlali Am'on ehuani. 8Huan nopa amonita tlacame quitlaxtlahuiyayaj Uz'ias impuestos tlen inintlal sesen xihuitl. Huan nel'ia mohueyichijqui Tlanahuatijquetl Uz'ias pampa nopa tlaltini ipan itlanahuatilis ajsic hasta tlali Egipto. 9Huan nojquiya Uz'ias quichijqui torres tlen nel'ia cuali tlasencahuali ipan Jerusal'en nechca nopa puertas ipan tepamitl tlen itoca 'Angulo, Tlamayamitl huan Esquina. Huan quinyahualo nopa torres ica tepamitl. 10Huan nojquiya Tlanahuatijquetl Uz'ias quichijqui torres ipan nopa huactoc tlali para ipan tlamocuitlahuise. Huan quinchijqui miyac ameli pampa quinpixtoya miyac huacaxme ipan cuatitlamitl huan ipan tlamayamitl. Huan quipactiyaya tlatojtocas huan quinpiyayaya miyac tlacame tlen quimocuitlahuiyayaj imilhua huan ixocomeca milhua ipan cuali tlali. 11Huan Tlanahuatijquetl Uz'ias nojquiya quinpixtoya miyac soldados tlen tlahuel quimatiyayaj para tlatehuise. Huan quema quintocarohuayaya para quisase, yahuiyayaj ica tlatehuijca pamitl. Elqui Jeiel, nopa tlajcuilojquetl huan Amas'ias tlen eliyaya gobernador tlen quinxelojtoya ica miyac pamitl. Huan Hanan'ias tlen eliyaya se ihueyi tequitica nopa tlanahuatijquetl quinyacanqui nochi nopa soldados. 12Huan 2 mil 600 tlayacanani tlen familias tlen tlahuel quimatiyayaj tlatehuise quinahuatiyayaj sesen pamitl tlen ininsoldados tlen yolchicahuaque. 13Huan ininmaco ni tlayacanani itztoyaj 307 mil 500 soldados tlen nel'ia quipixque tetili huan huelque quipalehuise nopa tlanahuatijquetl quitehuis ajqueya hueli icualancaitaca tlen quicuatotonisqu'ia. 14Huan Tlanahuatijquetl Uz'ias quinmacac nochi nopa soldados nochi tlen monequiyaya quitequihuise para momanahuise. Quinmacac ininyolixtzajca tlen tepostli, inincuatlamin tlen huehueyac, inincuatzajca tlen tepostli huan se tepos tzajcayotl para motlalilise queja ininyoyo para ax quinajsis ipan inintlacayo nopa cuatlamintli tlen lementoc. Huan quinmacaque cuahuitoli huan tehuitlatztli para tlatehuise. 15Huan nojquiya quinnahuati tlacame tlen altepetl Jerusal'en tlen nel'ia tlalnamiquini para ma quichihuilica huejhueyi tepostli para ica tlatehuise. Huan nopa tepostli quitlalijque campa m'as huejcapa ipan tepamitl huan ipan torres. Huan ica nopa tepostli quimajcahuayayaj cuatlamintli huan tetini tlen huejhueyi. Huan nel'ia mohueyichijqui Tlanahuatijquetl Uz'ias huan campa hueli tlaltini nochi quimatque tlen ihueyitilis pampa Toteco tlahuel onpano quipalehui ica nochi tlamantli huan teipa quipixqui miyac chicahualistli. 16Pero quema Tlanahuatijquetl Uz'ias quipixtoya miyac chicahualistli, pejqui tlahuel mohueyimati huan yeca huetzqui. Uz'ias tlahuel quiixpanoc TOTECO Dios tlen elqui iTeco pampa calajqui ipan itiopa TOTECO huan quitlati copali ipan nopa tlaixpamitl para copali. 17Pero iica calajqui nopa totajtzi Azar'ias ininhuaya 80 totajtzitzi tlen TOTECO huan nochi eliyayaj tlacame tlen yolchicahuaque. 18Huan inijuanti quiilhuijque: "Tlanahuatijquetl Uz'ias, ta ax mitztocarohua tijtlatis copali para TOTECO. Ni tequitl techtocarohua ma tijchihuaca titotajtzitzi tlen tiiteipa ixhuihua Aar'on, pampa Toteco techiyocatlalijtoc para tijchihuase ni tequitl. Huajca xipanquisa pampa tiquixpanotoc TOTECO huan yajaya mitztlatzacuiltis ipampa tlen tijchijtoc." 19Huan Tlanahuatijquetl Uz'ias tlahuel cualanqui ica nopa totajtzitzi huan ax quinejqui quicajtehuas nopa popochcomitl tlen quipixqui imaco para quitlatis copali. Huan quema noja ijcatoya iniixtla nopa totajtzitzi nechca nopa tlaixpamitl para copali ipan ichaj TOTECO, pejqui yoli icuaixco nopa cocolistli tlen itoca lepra. 20Huan quema nopa hueyi totajtzi Azar'ias huan nochi nopa sequinoc totajtzitzi nopona quiitaque para quipixqui lepra, nimantzi quipanquixtijque tlen nopa tiopamitl. Huan yajaya nojquiya quinequiyaya quisas nimantzi pampa TOTECO quitlatzacuiltiyaya. 21Huan queja nopa, Tlanahuatijquetl Uz'ias quipixqui nopa cocolistli fiero tlen itoca lepra hasta quema mijqui. Huan monejqui mocahuas iselti ipan se cali tlen eltoya huejca tlen sequinoc. Ayoc huelqui calaqui ipan ichaj TOTECO, niyon ipan icaltlanahuatil. Huan yeca quitlalijque itelpoca tlen itoca Jotam ma quipiya tequihuejcayotl huan pejqui tequiti ipan nopa caltlanahuatili. Huan Jotam tlanahuati ipan tlali Jud'a. 22Huan nochi tlen quichijqui Tlanahuatijquetl Uz'ias tlen quema pejqui tlanahuat'ia huan hasta mijqui, eltoc ijcuilijtoc ipan nopa amatlapohuali tlen quiijcuilo tiocamanalojquetl Isa'ias tlen icone Amoz. 23Huajca quema mijqui Uz'ias quitlalpachojque iyoca ipan se campo santo tlen iniaxca nopa tlanahuatiani pampa quipixqui nopa cocolistli lepra. Huan mocajqui icone Jotam para tlanahuatis ipan Jud'a.

will be added

X\