2 Chronicles 25

1Amas'ias quipiyayaya 25 xihuitl quema pejqui tlanahuat'ia huan tlanahuati ipan altepetl Jerusal'en 29 xihuitl. Inana itoca eliyaya Joad'an huan ejqui ipan Jerusal'en. 2Huan Amas'ias quichijqui tlen cuali iixpa TOTECO, yonque ax nel'ia quitequipano ica nochi iyolo. 3Quema Amas'ias ya quipixqui temachili ipan itequi queja tlanahuatijquetl, quinmicti nochi nopa tlacame tlen quimictijque itata, Jo'as. 4Pero ax quinmicti ininconehua pampa quitlepanitac tlen ijcuilijtoc ipan iley Mois'es campa quiijtohua: "Amo xiquinmictica tetajme ipampa inintlajtlacolhua ininconehua, niyon coneme ipampa inintlajtlacolhua inintatahua. Quema monequi inquimictise se tlacatl, xijmictica ipampa tlen yajaya itlajtlacolhua." 5Teipa Amas'ias quinsentili nochi isoldados tlen tlali Jud'a huan Benjam'in huan quintlali ica pamitl ipampa ajqueya ininhueyi tata. Huan ipan iixhuihua sese familia, quitlali se inintlayacanca. Nojquiya quichijqui se censo tlen nochi tlen quipiyayayaj 20 xihuitl para huejcapa. Huan quipanti para eliyayaj 300 mil soldados. Nochi inijuanti eliyayaj tlapejpenilme para yase ipan tlatehuijcayotl huan nochi quimatque quitequihu'iaj cuatlamintli huan yolixtzajcayotl tlen tepostli. 6Huan nojquiya quintemo 100 mil soldados tlen tlali Israel ica ajco huan quintlaxtlahui ica 3 mil 400 kilos tlen plata para mochihuase isoldados. 7Pero hualajqui se itiocamanalojca Toteco Dios huan quiilhui: --Tlanahuatijquetl Amas'ias, amo xiquinhuica mohuaya ipan tlatehuijcayotl nopa soldados tlen tlali Israel ica ajco pampa TOTECO ax itztoc ininhuaya tlen hualahuij tlali Israel, niyon tlen hualahuij tlen Efra'in. 8Huan intla tiquinhuicas mohuaya para mitzpalehuise ipan nopa tlatehuijcayotl, Toteco Dios quichihuas ma inmechtzontlamiltica imocualancaitacahua pampa yajaya quipiya chicahualistli para mitzpalehuis o para mitztzontlamiltis. 9Pero Amas'ias queja ni quiilhui nopa itiocamanalojca Toteco Dios: --¿Huan tlaque nijchihuas ama ica nopa 3 mil 400 kilos tlen plata tlen ya niquinmacatoc nopa soldados tlen tlali Israel? Huan nopa tiocamanalojquetl quinanquili: --TOTECO quipiya chicahualistli para mitzmacas noja m'as miyac. 10Huajca Amas'ias quincuepqui nopa soldados tlen hualajtoyaj tlen Efra'in ipan tlali Israel ica ajco para ax yase ipan nopa tlatehuijcayotl. Huan inijuanti tlahuel cualanque ica nopa tlacame tlen tlali Jud'a pampa quincuepque huan yajque ininchajchaj tlahuel cualantoque. 11Huan Amas'ias moyolchicajqui huan quinhuicac isoldados para tlatehuise ipan nopa tlamayamitl tlen itoca Istatl. Huan nopona quinmictijque 10 mil edomita tlacame tlen tlali Seir. 12Huan nojquiya nopa soldados tlen Jud'a quinitzquijque yoltoque seyoc 10 mil tlacame tlen Seir huan quinhuicaque campa se tepexitl huan nopona quincuatepexihuijque. Huan nochi mijque ipan nopa tetini nopona tlatzintla. 13Huan nopa soldados tlen ehuani Efra'in ipan tlali Israel ica ajco tlen Amas'ias quincueptoya ininchajchaj huan ax quincajqui yase ihuaya ipan nopa tlatehuijcayotl, inijuanti calajque ipan altepetini ipan tlali Jud'a huan ipan tlali Samaria hasta altepetl Bet Hor'on. Huan quinmictijque 3 mil tlacame huan quinichtequilijque miyac tlamantli. 14Huan quema Amas'ias mocuepqui tlen nopa tlatehuijcayotl ica nopa edomitame, quihualicac ininteteyohua nopa tlali Seir ehuani. Huan quinquetzqui para elise ya itiotzitzi huan quinhueyitlali huan quintlatili copali. 15Huan ni tlamantli tlen Tlanahuatijquetl Amas'ias quichijqui nel'ia quicualancamacac TOTECO, huan yeca quititlanili se tiocamanalojquetl para ma quiilhuiti ni tlajtoli: --¿Para tlen tiquinhueyitlal'ia inintiotzitzi nopa tlacame tlen sequinoc tlaltini. Ta tiquitac para nopa teteyome ax huelque quinmanahu'iaj nomaco? 16Pero nopa tlanahuatijquetl quiilhui: --¿Ajqueya mitztlalijtoc ta para tinechconsejomacas na tlen nitlanahuatijquetl? M'as cuali ax tleno m'as xiquijto para ax nimitzmictis. Pero nopa tiocamanalojquetl quiilhui: --Na nijmati para Toteco Dios ya quisencajtoc mitztzontlamiltis pampa tiquinhueyichijtoc teteyome huan ax tinechtlacaquilijtoc. 17Huan teipa Tlanahuatijquetl Amas'ias quincamahui tlen quiconsejomacayayaj huan quintlacaquili. Huan quititlanqui se amatlajcuiloli ipan Israel ica ajco para Tlanahuatijquetl Jo'as tlen eliyaya icone Joacaz huan iixhui Jeh'u. Huan quej ni quiilhui: "Xihuala huan timoixnamiquise para timotehuise." 18Pero Tlanahuatijquetl Jo'as quinanquili Amas'ias ica ni huicalotl, quiilhui: "Ipan nopa cuatitlamitl L'ibano nopa tejtzonquilitl quiilhui nopa tiocuahuitl: 'Xijmaca nocone moichpoca para isihua.' Pero panoc nopona se fiero tlapiyali huan moquetzqui ipan nopa tejtzonquilitl huan quixacualo. 19Ta tiAmas'ias tlahuel timohueyimati pampa tiquintzontlamilti nopa Edom ehuani, pero na nimitzilhu'ia para m'as cuali ximocahua mochaj. Amo xipehua tinechtehuis pampa ax quisas cuali para ta huan nochi Jud'a ehuani." 20Pero Amas'ias ax quichihuili cuenta pampa Toteco Dios ya quisencajtoya para quitemactilis ininmaco nopa israelitame ica ajco huan imaco Jo'as inintlanahuatijca pampa Amas'ias quinhueyitlalijtoya inintiotzitzi nopa Edom ehuani. 21Huajca Tlanahuatijquetl Jo'as tlen tlali Israel ica ajco mocualtlali, huan yajqui altepetl Bet Semes ipan tlali Jud'a huan nopona moixnamijque huan motehuijque ihuaya Amas'ias nopa tlanahuatijquetl tlen tlali Jud'a. 22Huan tlali Israel ehuani quintlanque nopa Jud'a ehuani ipan tlatehuijcayotl. Huan miyac soldados tlen Jud'a cholojtejque. 23Huan Jo'as quiitzqui Amas'ias, tlanahuatijquetl tlen tlali Jud'a ipan altepetl Bet Semes huan quihuicac ipan Jerusal'en. Huan quixolejque 180 metros tlen nopa tepamitl tlen quiyahualo altepetl Jerusal'en. Quixolejque tlen nopa puerta itoca Efra'in hasta nopa puerta tlen itoca 'Angulo. 24Huan nojquiya quincuilijque nochi tlamantli tlen oro huan plata tlen eltoya ipan itiopa Toteco Dios, tlen quimocuitlahuiyaya Obed Edom, huan nochi tlen eltoya ipan nopa caltlanahuatili. Nojquiya quinhuicaque miyac tlacame, huan nojquiya quihuicaque Obed Edom. Huan mocuepque altepetl Samaria. 25Pero Tlanahuatijquetl Amas'ias tlen eliyaya icone nopa Tlanahuatijquetl Jo'as tlen tlali Jud'a noja itztoya seyoc 15 xihuitl quema ya mijqui Tlanahuatijquetl Jo'as tlen elqui icone Tlanahuatijquetl Joacaz tlen tlali Israel. 26Huan nochi tlen quichijqui Amas'ias tlen quema pejqui tlanahuat'ia huan hasta mijqui eltoc ijcuilijtoc ipan Nopa Amatlapohuali tlen Nopa Tlanahuatiani tlen Tlali Jud'a huan tlen Tlali Israel. 27Tlen nopa tonali quema Amas'ias quitlahuelcajqui TOTECO, nochi Jerusal'en ehuani moyolajcomanque ihuaya. Teipa quisencahuayayaj para quimictise. Huajca yajaya mochololti hasta altepetl Laquis. Pero quitoquilijque huan nopona quimictitoj. 28Teipa quitlalijque itlacayo mictoc ipan carros tlen quitilanayayaj cahuajme huan quihualicaque hasta Jerusal'en. Huan nopona quitlalpachojque ipan nopa colonia itoca Ialtepe David campa quintlalpachojtoyaj ihuejcapan tatahua.

will be added

X\