2 Chronicles 24

1Huan Tlanahuatijquetl Jo'as quipiyayaya chicome xihuitl quema pejqui tlanahuat'ia. Huan tlanahuati 40 xihuitl ipan altepetl Jerusal'en. Inana itoca eliyaya Sibia huan hualajqui tlen altepetl Beerseba. 2Huan Jo'as quichijqui nochi tlen xitlahuac iixpa TOTECO ipan nochi nopa xihuitl quema noja itztoya nopa totajtzi Joiada para quiconsejomacas. 3Huan teipa nopa totajtzi Joiada quitemohuili Jo'as ome isihuajhua. Huan Jo'as quinpixqui iconehua oquichpilme huan sihuapilme. 4Huan teipa Jo'as quipixqui ipan iyolo para quisencahuas tlen monequiyaya ipan ichaj TOTECO. 5Huan quinnotzqui nochi nopa totajtzitzi huan levitame huan quinilhui: --Xiyaca nimantzi ipan nochi altepetini tlen tlali Jud'a huan xijsentilica nopa tomi tlen nochi israelitame monequi temacase sesen xihuitl para ichaj Toteco Dios huan ica tijsencahuase itiopa. Pero nopa levitame ax quichijque nimantzi. 6Huajca yajaya quinotzqui nopa hueyi totajtzi Joiada huan quiilhui: --┬┐Para tlen ax tiquinnahuatijtoc nopa levitame para ma yaca ipan nochi altepetini ipan tlali Jud'a huan ipan altepetl Jerusal'en para tlajtlanitij nopa tomi para tiopamitl? Quiijtohua itlanahuatilhua Mois'es para nochi monequi temacase nopa tomi para ma mocahua cuali itiopa TOTECO tlen quipiya icaxa ica nopa tlajtolsencahuali. 7Quema tlanahuatiyaya nopa fiero sihuatl Atal'ia, nochi tlen quitoquiliyayaj quixolehuayayaj nopa tiopamitl. Quiquixtijque nochi tlamantli tlatzejtzeloltic tlen tlaiyocatlalili san para quitequihuisqu'iaj ipan ichaj Toteco Dios huan quihuicaque ipan itiopa Baal para quihueyichihuatij nopa teteyotl. 8Huan Tlanahuatijquetl Jo'as tlanahuati ma quichihuaca se cuacajo huan quitlalise nechca nopa puerta campa calaquij ipan tiopamitl. 9Huan nimantzi tlayolmelajque ipan nochi Jud'a huan ipan Jerusal'en para ma quihuicaca para Toteco Dios nopa ofrenda para tlen monequis ipan tiopamitl. Mois'es itlatequipanojca Toteco quinnahuatijtoya nochi israelitame ma quimacaca TOTECO nopa tomi queja se impuesto quema itztoyaj ipan nopa huactoc tlali. 10Huajca nochi tlayacanani huan nochi israelitame hualayayaj ica miyac paquilistli huan quitlaliyayaj inintomi ipan nopa cuacajo. Huan nopa cuacajo temic ica tomi. 11Huan quema quiitaque para quipixqui miyac tomi nopa cuacajo, nopa levitame quihuicaque iixpa itlajcuilojca nopa tlanahuatijquetl para ma quiita. Huan nopona se itlapalehuijca nopa hueyi totajtzi quipojqui nopa tomi huan teipa sampa quitlali nopa cuacajo nechca nopa puerta campa calaquij ipan tiopamitl. Huan queja nopa quichijque mojmostla huan nel'ia quisentilijque miyac tomi. 12Huan Tlanahuatijquetl Jo'as huan nopa totajtzi Joiada quihuicaque nopa tomi huan quinmactilijque nopa tlacame tlen quiyacanayayaj nopa tequitl ipan itiopa Toteco. Huan inijuanti quintemojque calchihuani huan cuaximani para quicualtlalise itiopa Toteco, huan nojquiya quintemojque tlacame para tequitise ica hierro huan bronce. 13Huan nopa tlacame tlen tlayacanayayaj ipan nopa tequitl para quisencahuase tiopamitl nel'ia tequitique chicahuac huan cuali quisqui inintequi. Huan quicualtlalijque itiopa Toteco Dios queja achtohuiya eltoya huan nel'ia mocajqui yejyectzi. 14Quema quisencajque nochi nopa tequitl ipan itiopa Toteco, nopa tlacame quihuicaque nopa tomi tlen mocajqui huan quinmacatoj Tlanahuatijquetl Jo'as huan totajtzi Joiada. Huan inijuanti tlanahuatijque ma sampa quichihuaca nochi tlamantzitzi tlen motequihu'ia ipan itiopa TOTECO para quihueyichihuase huan nojquiya tlen monejqui para temacase tlacajcahualistli queja huejhueyi cucharas huan tasas huan miyac m'as tlamantli tlen oro huan tlen plata. Huan ipan nochi iyolis nopa totajtzi Joiada, mojmostla quimacayaya TOTECO nochi tlacajcahualistli tlen monequiyaya. 15Pero teipa nopa hueyi totajtzi Joiada huehuejtixqui huan mijqui quema quipiyayaya 130 xihuitl. 16Huan quitlalpachojque ipan Ialtepe David campa quintlalpachojtoyaj tlanahuatiani pampa nel'ia quichijtoya tlen cuali ica israelitame, huan ica Toteco Dios huan itiopa. 17Teipa quema mijqui nopa totajtzi Joiada, hualajque nopa tlayacanani tlen tlali Jud'a huan motlancuaquetzque iixpa Tlanahuatijquetl Jo'as para quinextise tlatlepanitali. Quichijque ya nopa para ma quintlacaquili tlen quinequiyayaj huan ma quincahuilis ma quicahuase TOTECO. 18Huajca nimantzi Jo'as huan Jud'a ehuani quitlahuelcajque TOTECO Dios tlen elqui ininTeco ininhuejcapan tatahua, huan quitlahuelcajque itiopa. Huan pejque quinhueyitlalijque nopa tlaquetzali para Asera huan sequinoc tiotzitzi. Huajca nel'ia cualanqui Toteco Dios ica nochi tlacame tlen Jud'a huan altepetl Jerusal'en. 19Huan TOTECO quintitlanili tiocamanalohuani para quinilhuitij ma mocuepaca ica ya, pero nopa tlacame ax quinchihuilijque cuenta. 20Huan se tonali hualajqui Itonal Toteco Dios ipan nopa tiocamanalojquetl Zacar'ias tlen elqui icone nopa mijcatzi totajtzi Joiada. Huan Zacar'ias moquetzqui campa m'as tlahuejcapa huan quinilhui nochi nopa tlacame tlen itztoyaj ipan nopa tlasentilistli: "Queja ni quiijtohua Toteco Dios: '┬┐Para tlen inquiixpanoj tlen quiijtohua notlanahuatil, niimoTECO? Tlen inquichihuaj quisas fiero para imojuanti. Huajca ama pampa innechtlahuelcajtoque na nojquiya nimechtlahuelcahuas imojuanti.' Queja nopa quiijto Toteco Dios." 21Huan nochi nopa tlacame tlahuel cualanque huan quisencajque quejatza quimictise Zacar'ias. Huan elqui yajaya Tlanahuatijquetl Jo'as tlen tlanahuati ma quitepachoca Zacar'ias hasta miquis. Huajca nochi nopa tlacame quimaquilijque ica tetl huan quimictijque ipan nopa calixpamitl tlen nopa tiopamitl. 22Queja nopa Tlanahuatijquetl Jo'as quicuepili nopa mijcatzi totajtzi Joiada tlen elqui itata Zacar'ias ipampa nochi iteicnelijcayo huan nochi itlapalehuil. Quimicti icone. Huan quema Zacar'ias miquiyaya, quiijto: "TOTECO xiquita tlen nechchihuil'iaj huan xiquintlaxtlahui queja quinamiqui." 23Huan quema xihuitic, sampa hualajque tlali Siria ehuani huan calajque ipan Jud'a huan Jerusal'en. Huan quinmictijque nochi nopa tlayacanani tlen tlali Jud'a huan quincuilijque miyac ricojyotl huan quititlanilijque nopa tlanahuatijquetl tlen altepetl Damasco. 24Huan nopa sirios nel'ia tlatlanque yonque ax miyac eliyayaj pampa TOTECO quinpalehui huan quintemactili nopa Jud'a ehuani ininmaco nopa soldados tlen Siria. Huan yonque nopa Jud'a ehuani nel'ia miyac eliyayaj, ax tleno huelque quichihuaj pampa quitlahuelcajtoyaj TOTECO Dios tlen elqui ininTeco ininhuejcapan tatahua. Huan queja nopa TOTECO quitlatzacuilti nopa Tlanahuatijquetl Jo'as. 25Huan quema nopa sirio tlacame mocuepque inintlal, mocajqui Jo'as tlahuel cocojtoc tlen nopa tlatehuijcayotl. Huan pampa quimictijtoya Zacar'ias, icone Joiada, itlatequipanojcahua Jo'as quisencajque quimictise. Huan quimictijque ipan itlapech huan quitlalpachojque ipan Ialtepe David. Pero ax quitlalpachojque campa quintlalpachojtoyaj sequinoc tlanahuatiani. 26Huan ya ni inintoca nopa tlacame tlen quimictijque Jo'as: Zabad, icone Simeat nopa amonita tlacatl, huan Jozabad, icone Simrit tlen tlali Moab. 27Nochi tlen panoc ica itelpocahua Jo'as huan nochi tlamantli tlen ax cuali tlen nopa tiocamanalohuani quiijtojque quiajsisqu'ia Jo'as, huan quejatza quicualtlali nopa tiopamitl, nochi eltoc ijcuilijtoc ipan Nopa Amatlapohuali tlen nopa Tlanahuatiani. Huan quema Jo'as mijqui, itelpoca tlen itoca Amas'ias pejqui tequiti queja tlanahuatijquetl.

will be added

X\