2 Chronicles 17

1Huan Josafat, icone Asa, mochijqui tlanahuatijquetl ipan tlali Jud'a huan yajaya mocualtlali para quintehuis nopa israelitame ica ajco. 2Huan quintitlanqui isoldados para tlamocuitlahuise ipan nochi altepetini ipan Jud'a tlen quipixtoya tepamitl. Huan nojquiya quintlali m'as soldados campa hueli ipan Jud'a huan ipan nochi nopa altepetini tlen tlali Efra'in tlen itata Asa moaxcatijtoya. 3Huan TOTECO itztoya ihuaya Josafat pampa monejnemilti xitlahuac iixpa queja ihuejcapan tata David quichijqui achtohuiya. Ax quinhueyitlali nopa tiotzitzi tlen Baal. 4Tlanahuatijquetl Josafat motemachi ipan Toteco Dios tlen elqui iTeco itata. Quichijqui nochi itlanahuatilhua huan ax quinhueyichijqui tiotzitzi queja quichijque nopa israelitame ica ajco. 5Huajca TOTECO quichijqui temachtli itlanahuatilis Josafat ipan tlali Jud'a. Huan nochi Jud'a ehuani quihualiquiliyayaj miyac tlamantli regalos huan quitlaxtlahuiyayaj iniimpuestos. Huan nel'ia moricojchijqui Tlanahuatijquetl Josafat, huan mohueyichijqui pampa nochi quitlepanitayayaj. 6Huan achi m'as moyolchicajqui Josafat para senquistoc quitoquilis iojhui TOTECO. Yeca ipan nochi Jud'a quiijcueni nochi nopa tlaixpamitl tlen quinchijtoyaj ipan tepetini huan nochi nopa tlaquetzali para quitlepanitase nopa tiotzi Asera. 7Huan quema Josafat yahuiyaya para eyi xihuitl ipan itequi queja tlanahuatijquetl, quintitlanqui itlayacancahua ma tlamachtica campa hueli ipan altepetini ipan tlali Jud'a. Huan inintoca itlayacancahua tlen yajque elque: Benhail, Abd'ias, Zacar'ias, Natanael huan Mica'ias. 8Huan nojquiya quintitlanqui nopa levitame tlen inintoca: Sema'ias, Netan'ias, Zebad'ias, Asael, Semiramot, Jonat'an, Adon'ias, Tob'ias huan Tobadon'ias. Huan nojquiya yajque ininhuaya nopa totajtzitzi tlen inintoca: Elisama huan Joram. 9Huan quihuicaque copias tlen Itlajtol TOTECO campa eltoya ijcuilijtoc nochi itlanahuatilhua huan nejnenque campa hueli ipan nopa tlali, quinmachtiyayaj nochi Jud'a ehuani. 10Huan TOTECO quichijqui para nochi sequinoc tlaltini tlen mocajque nechca tlali Jud'a ma quiimacasica huan niyon se ax motemacac para pehuas quitehuis Tlanahuatijquetl Josafat. 11Hasta nopa filisteos nojquiya quihualiquiliyayaj regalos Tlanahuatijquetl Josafat huan quitlaxtlahuiyayaj nopa impuestos tlen monequiyaya para inintlal ica plata tomi. Huan nopa 'arabes nojquiya quihuiquilijque Josafat 7 mil 700 oquich borregojme huan 7 mil 700 oquich chivojme. 12Huajca queja nopa Josafat m'as moricojchijqui huan tlahuel m'as quipixtiyajqui tetili. Huan quinchijqui caltini tlen huejcapantique tlen m'as cuali tlasencahuali huan altepetini ica tepamitl para ipan tlaajcocuis ipan nochi tlali Jud'a. 13Huan Josafat quiajcojqui tlacualistli huan nochi tlamantli tlen quitequihuiyayaj ipan miyac altepetini ipan tlali Jud'a. Huan quinpixqui miyac soldados yolchicahuaque ipan altepetl Jerusal'en campa eltoya icaltlanahuatil. 14Huan isoldados Josafat mocajque ijcuilijtoque queja itoca nopa hueyi familia tlen ipan hualajque. Tlen nopa hueyi familia Jud'a, itztoyaj 300 mil soldados. Mocajque iyoca ica miyac pamitl ica 1000 soldados ipan sesen pamitl. Huan Adnas elqui tlayacanquetl tlen nochi nopa 300 mil. 15Huan nopa ompa tlayacanquetl Johan'an quinyacanayaya 280 mil soldados. 16Huan nopa teipa tlayacanquetl Amas'ias, tlen elqui icone Zicri, quinyacanayaya 200 mil soldados. Amas'ias motemactilijtoya ica ipaquilis para quitequipanos TOTECO. Nochi ni tlacame ehuani tlali Jud'a. 17Tlen nopa hueyi familia Benjam'in, itztoyaj 200 mil soldados. Eliada eliyaya inintlayacanca huan eliyaya se tlacatl tlen tlahuel yolchicahuac. Huan nochi nopa soldados quihuicayayaj inincuahuitolhua huan ininyolixtzajcahua. 18Huan nopa ompaca tlayacanquetl itoca Jozabad huan yajaya quinyacanayaya 180 mil soldados tlen quipixque inintepos huan inintlalnamiquilis para tlatehuise. 19Huan ya ni elque nochi nopa soldados tlen quitequipanohuayayaj Tlanahuatijquetl Josafat ipan Jerusal'en. Pero nica ax quipiya quesqui soldados nopa tlanahuatijquetl quintlalijtoya ipan altepetini campa hueli ipan Jud'a para tlamocuitlahuise.

will be added

X\