2 Chronicles 11

1Huan quema Roboam ajsito altepetl Jerusal'en, quinsentili nochi tlen ehuani ipan tlali Jud'a huan tlali Benjam'in. Huan ica nochi mochijque 180 mil soldados tlen tlapejpenilme para tlatehuise. Huan Roboam quinequiyaya quintehuis nopa israelitame ica norte para quintlanis huan sampa quipiyas tlanahuatili ica inijuanti. 2Pero TOTECO quinojnotzqui Sema'ias tlen elqui se itiocamanalojca huan quiilhui: 3"Xijcamahui Roboam, icone Salom'on, tlen ama itztoc tlanahuatijquetl tlen tlali Jud'a. Xiquilhui ya huan nochi nopa israelitame ipan tlali Jud'a huan Benjam'in, 4para quej ni niininTECO niquijtohua: 'Amo xiquintehuitij imoicnihua ica norte. M'as cuali ximocuepaca imochajchaj pampa elqui na nopaquilis ma pano tlen panotoc.' " Huajca Roboam huan itlacajhua quicajque tlen Toteco quinilhuijtoya ipampa nopa tiocamanalojquetl huan ayoc yajque quitehuitoj Jeroboam. 5Huan Tlanahuatijquetl Roboam mocajqui ipan altepetl Jerusal'en huan quichijqui tepamitl para miyac altepetini ipan tlali Jud'a. 6Quicualtlali altepetl Bel'en, Etam, Tecoa, 7Betsur, Soco, Adulam. 8Gat, Maresa, Zif, 9Adoraim, Laquis, Azeca, 10Zora, Ajal'on huan Hebr'on. Nochi ni altepetini ipan tlali Jud'a huan Benjam'in quisencajqui ica tepamitl tlen tilahuac campa hueli momanahuise tlen inincualancaitacahua. 11Huan nojquiya Roboam quincualtlali caltini tlen tilahuac para nopona tlacame itztose ica temachili. Huan nopona nojquiya quiajcojqui miyac tlamantli tlacualistli huan aceite huan xocomeca atl. Nojquiya quintlali soldados para tlamocuitlahuise. 12Huan nojquiya ipan nochi altepetini quinmacac tlacame ininyolixtzajcahua huan inincuatlamin tlen huehueyac para quitequihuise intla monequi. Queja nopa quinchijqui temachme nochi nopa tlacame ipan tlaltini Jud'a huan Benjam'in pampa san inijuanti mocajque ihuaya Tlanahuatijquetl Roboam. 13Huan hualajque ipan Jud'a nochi totajtzitzi huan levitame tlen itztoyaj ipan altepetini campa nopa sequinoc israelitame ica norte. Huan mosejcotilijque ihuaya Tlanahuatijquetl Roboam. 14Huan yonque nopa totajtzitzi huan levitame quipolojque inintlal huan nochi tlen quipiyayayaj, yajque tlali Jud'a huan altepetl Jerusal'en pampa Tlanahuatijquetl Jeroboam huan iconehua ayoc quincahuilijque ma quitequipanoca TOTECO. 15Jeroboam quintequimacac tlacame tlen yajaya quintlapejpeni ma elica totajtzitzi para quinhueyitlalise teteyome ipan tepetini, huan para quinhueyitlalise iajacahua Axcualtlacatl huan para quintlatilise tlacajcahualistli nopa becerros tlen yajaya quinchijtoya huan quintocajtiyaya dioses. 16Huan nochi tlen nel'ia quinequiyayaj ica nochi ininyolo para quitoquilise TOTECO Dios tlen elqui ininTeco ininhuejcapan tatahua, yajque altepetl Jerusal'en para quimacase tlacajcahualistli. 17Nochi tlen yahuiyayaj quimacayayaj chicahualistli itlanahuatilis Roboam, icone Salom'on, tlen tlanahuatiyaya ipan tlali Jud'a huan queja nopa elqui para eyi xihuitl. Huan ipan nopa eyi xihuitl nochi tlen yahuiyayaj nopona quichihuayaya campeca para quihueyitlepanitase Toteco queja quichijqui David huan Salom'on. 18Huan Roboam mosihuajti ihuaya imachicni tlen itoca Mahalat. Mahalat eliyaya iichpoca Jerimot, se icone David ica isihua Abihail tlen eliyaya iichpoca Eliab. Eliab elqui iicni David huan yajaya ihuaya David eliyayaj iconehua Isa'i. 19Huan iconehua Roboam huan Mahalat eliyayaj: Jeh'us, Semar'ias huan Zaham. 20Teipa Roboam mosihuajti ihuaya seyoc sihuatl tlen imachicni tlen itoca eliyaya Maaca huan Maaca eliyaya iichpoca Absal'on. Huan Maaca quinpixqui iconehua tlen inintoca eliyayaj: Ab'ias, Atai, Ziza huan Selomit. 21Huan Roboam quinpixqui 18 isihuajhua huan 60 isihua tlatequipanojcahua, pero achi m'as quiicneli Maaca. Huan Roboam quinpixqui 28 itelpocahua huan 60 iichpocahua. 22Huan Roboam quitlali itelpoca, Ab'ias, tlen elqui icone Maaca, para ma eli inintlayacanca iicnihua pampa quinequiyaya para teipa Ab'ias ma elis tlanahuatijquetl quema miquisqu'ia. 23Huan ica miyac tlalnamiquistli quintequitlali sequinoc itelpocahua campa hueli ipan nopa altepetini tlen quipiyayaya tepamitl ipan nochi tlali Jud'a huan ipan tlali Benjam'in. Huan quinmacac miyac tlacualistli huan quintemohuili miyac ininsihuajhua.

will be added

X\