1 TESALONICENSES 3

1Huajca yeca, quema ax tihueliyayaj timochiyaj m'as para tijmatise quejatza initztoyaj, nimoilhui cuali para nimocahuas noselti ipan altepetl Atenas, 2huan para Timoteo ma yahui campa imojuanti. Nijtitlanqui para ma inmechmacas tetili huan inmechyolchicahuas para m'as xijneltocaca Tohueyiteco. Nel'ia Timoteo se toicni ipan Cristo huan quitequipanohua Toteco tohuaya para tiquinilhuise tlacame nopa cuali tlajtoli tlen Cristo techchihuilijtoc. 3Yajaya inmechpalehuito para axaca moyamanilis para quineltocas Toteco pampa ya intlaijiyohu'iaj ipampa ya, pampa inquimatij Toteco quitlalijtoc para titlaneltocani ma tijpanoca tlaijiyohuilistli. 4Huan quema noja tiitztoyaj imohuaya, timechilhuiyayaj se tonal ajsis tlaijiyohuilistli huan ama queja nopa panotoc queja inquiitaj. 5Huajca yeca, quema ayoc huelqui nimochixqui m'as, nijtitlanqui Timoteo para quimatis intla noja chicahuac inquineltocaj Tohueyiteco para yajaya huelis mocuepas huan nechmatiltis. Nimocuesohuayaya intla huelis Axcualtlacatl inmechcajcayajtosqu'ia huan inmechtlantosqu'ia, huan totequi eltosqu'ia san tlapic. 6Pero ama ya mocueptoc Timoteo, huan techilhuijtoc nopa cuali tlajtoli para noja chicahuac inquineltocaj Tohueyiteco huan para inteicnel'iaj miyac. Techilhuijtoc quejatza nochipa intechilnamiquij tojuanti ica cuali, huan quiijto para nel'ia inquinequij intechitase queja nojquiya tojuanti tijnequij timechitase. 7Yeca toicnihua, yonque techpanotihualajtoc miyac tlaohuijcayotl huan tlaijiyohuilistli nica, techyolchicajqui miyac quema tijmatque para noja cuali inquineltocaj Tohueyiteco. 8Huan ama nel'ia tiyolpaquij huan techmaca yancuic chicahualistli pampa tijmatij ica temachili inmoquetzaj ipan ya. 9Yeca ax quema hueli tijtlamitlascamatise Toteco ipampa imojuanti. Quema timoilhu'iaj tlen imojuanti, techmaca miyac paquilistli iixpa Toteco. 10Huan tonali huan yohuali tijtlajtlan'iaj Toteco chicahuac para sampa timoixitase. Tijnequij timechpalehuise xijneltocaca Tohueyiteco achi m'as cuali intla oncasqu'ia campa polihui se quentzi. 11Huajca Toteco Totata huan Toteco Jes'us ma techyacanas para huelis sampa timechpaxalotij. 12Huan Tohueyiteco ma inmechpalehuis para ximoicnelica huan xiquinicnelica nochi sequinoc tlacame hasta mocahuas inmoteicnelilis, queja nojquiya tojuanti timechicnel'iaj. 13Huan Tohueyiteco ma inmechmacas tetili ipan imoyolo para initztose intlatzejtzelolme, huan axaca huelis inmechteilhuis quema inmoquetzase iixpa Toteco Totata quema sampa hualas Tohueyiteco Jes'us ininhuaya nochi sequinoc itlatzejtzeloltijca tlacajhua.

will be added

X\