1 Samuel 31

1Huan nopa filisteos nel'ia quintlanque nopa israelitame, huan nopa israelita soldados cholojtejque iniixpa. Huan nopa filisteos quinmictijque miyac israelitame ipan tepetl Gilboa. 2Teipa nopa filisteos quitoquilijque Sa'ul huan itelpocahua. Huan quimictijque Jonat'an, Abinadab huan Malquis'ua. Nochi inijuanti eliyayaj itelpocahua Sa'ul. 3Huan teipa nochi nopa filisteo soldados pejque chicahuac quitehu'iaj Sa'ul huan quitepehuiliyayaj nopa cuatlamintli hasta se quiajsic Sa'ul huan tlahuel quicoco. 4Huajca quiilhui itlamocuitlahuijca tlen quihuiquiliyaya itepostzajca: --Xijquixti momachete huan xinechmicti para ax hualase nopa fiero tlacame filisteos, huan nechchihuiliquij tlen inijuanti quinequise para m'as ma nitlaijiyohui huan san nechhuihuiitase quema nechmictise. Pero itlamocuitlahuijca ax quinejqui quimictis pampa majmahuiyaya. Huajca teipa Sa'ul quiquixti imachete huan momajcajqui ipani huan momictij. 5Huan quema itlamocuitlahuijca quiitac para Sa'ul momictijtoya, ya nojquiya momajcajqui ipan imachete huan nopona mijqui ihuaya Sa'ul. 6Huan queja nopa ipan san se tonali mijqui Sa'ul ininhuaya eyi itelpocahua huan itlamocuitlahuijca huan nochi israelita soldados tlen ihuaya itztoyaj. 7Huan nopa israelitame tlen quipixtoyaj ininchaj ipan seyoc lado nopa tlamayamitl nechca atemitl Jord'an quimatque para nopa israelitame cholohuayayaj huan quimatque para Sa'ul mictoya, huajca nojquiya quisque ipan inialtepe huan cholojque. Huan huajca nopa filisteos hualajque para itztose ipan inialtepehua. 8Huan hualmostla quema nopa filisteo soldados yajque ipan tepetl Gilboa para quintlacuijcuilitij tlen mictoyaj, quiitatoj para Sa'ul huan eyi itelpocahua mictoyaj. 9Huajca quiquechtzontejque Sa'ul huan quicuilijque nochi itepos. Teipa quintitlanque tlacame ma yaca huan ma quihuicaca nopa tlamantli ipan nochi inintlal filisteos huan ma teyolmelahuaca ipan nochi inialtepehua para ya mictoya Sa'ul. Nojquiya tlayolmelahuatoj nopa cuali tlajtoli ipan inintiopa campa quincajtoyaj inindioses. 10Pero teipa nochi itepos Sa'ul quiajojque ipan itiopa nopa tlaixcopincayotl Astarot. Huan itlacayo Sa'ul quicuapilojque ipan nopa tepamitl tlen quiyahualojtoya altepetl Bet S'an. 11Huan quema nopa tlacame tlen altepetl Jabes ipan Galaad quimatque tlen nopa filisteos quichihuilijtoyaj Sa'ul, 12mosentilijque nochi tlen mooquichmatiyayaj huan nejnenque seyohual huan ajsitoj campa quicuapilojtoyaj itlacayo Sa'ul huan itelpocahua ipan itepa altepetl Bet S'an. Huan quintemohuijque huan quinhuicaque inialtepe, Jabes, huan nopona quintlatijque. 13Huan teipa quisentilijque iniomiyohua huan quintlalpachojque itzintla se cuahuitl ipan Jabes. Huan mosajque para chicome tonati pampa tlahuel mocuesohuayayaj.

will be added

X\