1 Samuel 14

1Huan quema panotoya se ome tonali, Jonat'an, icone Sa'ul, quicamahui itlamocuitlahuijca tlen quihuicayaya itepostzajca huan quiilhui: --Xihuala nohuaya huan ma tipanoca hasta ne seyoc nali hasta nopa tepetl campa mochijtoque nopa filisteos. Pero Jonat'an ax tleno quiilhui itata, Sa'ul. 2Huan Sa'ul mocajqui ininhuaya nopa 600 soldados campa itoca Gabaa campa se hueyi granada cuahuitl nechca altepetl Migr'on. 3Huan ihuaya itztoya Ah'ias tlen quihuicayaya ipantzajca pampa eliyaya totajtzi. Huan itata Ah'ias itoca eliyaya Ahitob, huan Ahitob eliyaya iicni Icabod. Huan Ahitob elqui icone Finees. Huajca nopa totajtzi Ah'ias elqui iteipa ixhui El'i tlen achtohuiya eliyaya nopa totajtzi iixpa TOTECO ipan Silo. Huan axaca quimatiyaya para Jonat'an ax itztoya nopona ininhuaya. 4Huan Jonat'an quichihuayaya campeca para ajsisqu'ia campa nopa filisteos. Huan ipan ojtli monejqui panose iixco tepexitl tlatlajco ome huejhueyi tetl tlen inintoca Boses huan Sene. Huan nopa tetl nelpano tlatequi. 5Se ni hueyi tetl mocahuayaya ipan norte tlen moixnamictoya ica pilaltepetzi Micmas, huan nopa seyoc mocahuayaya ica tlatzintla tlen tlachixtoya altepetl Gabaa. 6Huan Jonat'an quiilhui itlamocuitlahuijca: --Ma tiyaca hasta campa itztoque nopa fiero filisteo tlacame pampa huelis TOTECO quichihuas se tlanextilijcayotl ica tojuanti. Ax tleno ohui para ya. Intla yajaya quinequis ma tiquintlanica tocualancaitacahua huan techpalehuis, hueli tiquintlanise yonque ax timiyac o san se ome tiitztoque. 7Huan nopa itlamocuitlahuijca quinanquili: --Cualtitoc, xijchihua nochi tlen tiquita para cuali huan nimitzpalehuis. 8Huajca Jonat'an quiilhui: --Ma timonechcahuica campa itztoque nopa filisteos huan ma techitaca quema tipanose iixco nopa tepexitl. 9Huan intla inijuanti techtzajtzilise para ma tiquinchiyaca nopona, huan motemacase techtehuiqui, huajca tiquinchiyase huan ax titlejcose campa inijuanti. 10Pero intla inijuanti techtzajtzilise ma tiixtlejcoca nepa campa itztoque, huajca tijmatise para ax motemacaj huan tiixtlejcose tiquintehuitij pampa quinequi quiijtos TOTECO techmactilijtoc tomaco nochi inijuanti. 11Huan queja nopa quichijque. Nochi ome monextijque para ma quinitaca nopa filisteos. Huan nopa filisteos quinitaque huan quiijtojque: "Xiquinitaca ne hebreo tlacame ya quistoque ipan mijca ostotl campa motlatijtoyaj." 12Huan teipa quitzajtzilijque Jonat'an huan itlamocuitlahuijca, huan quinilhuijque: --Xiixtlejcoca nica pampa timechpohuilise se tlamantzi. Huajca Jonat'an quiilhui itlamocuitlahuijca: --Xinechtoquili huan tiixtlejcose pampa TOTECO techmactilijtoc nochi inijuanti tomaco tiisraelitame. 13Huajca Jonat'an ihuaya itlamocuitlahuijca ixtlejcoque ica ininma huan iniicxihua ipan nopa tepetl. Huan nochi filisteos tlen Jonat'an quintepexihuiyaya, itlamocuitlahuijca quinmictiyaya. 14Huan ipan ni achtohui tlatehuicajyotl Jonat'an ihuaya itlamocuitlahuijca quinmictijque 20 tlacame ipan se tlali tlen tlahuel pilquentzi. 15Huan nimantzi tlahuel momajmatijque nochi nopa filisteo soldados huan nochi tlen quintlalijtoyaj para tlamocuitlahuise. Huan nimantzi mojmolini tlali huan nochi tlapolojque. 16Huan isoldados Sa'ul tlen tlamocuitlahuiyayaj tepeixco nechca altepetl Gabaa ipan tlali Benjam'in, quinitaque nochi nopa filisteo soldados motlalohuayayaj campa hueli huan tlahuejchihuayayaj ica majmajtli. 17Huajca Sa'ul quinilhui nochi isoldados: --Xiquintocajtzajtzilica nochi para inquimatise intla yajtoc se acajya tlen tojuanti. Huan quema tlanque quipanolt'iaj nochi inintoca, momacaque cuenta para axaca Jonat'an huan itlamocuitlahuijca. 18Huajca Sa'ul quiilhui Ah'ias: --Xijhualica nimantzi icaxa Toteco Dios. Pampa ipan nopa tonali nopa israelitame quipixtoyaj nopa caxa ininhuaya para ica quitemose ipaquilis Toteco Dios. 19Pero quema Sa'ul noja camatiyaya ihuaya nopa totajtzi Ah'ias, momacac cuenta para nopa filisteos achi m'as tlahuejchihuayayaj huan mohuihuichihuayayaj ica majmajtli huan axaca quimatiyaya tlaque quichihuase. Huajca Sa'ul quiilhui nopa totajtzi: --Ayoc xijhualica. 20Huajca Sa'ul ax quichixqui para quimatis tlaque ipaquilis Toteco Dios. Nimantzi quinsentili nochi nopa 600 tlacame tlen itztoyaj ihuaya, huan yajque ipan nopa tlatehuicajyotl. Pero quema ajsitoj nopona, quinitaque para nopa filisteos momictiyayaj se ica seyoc pampa ayoc quimatiyayaj tlaque quichihuase pampa san huihuitixtoyaj. 21Huan nopa israelitame tlen itztoyaj ininhuaya nopa filisteos sampa mosentilijque ininhuaya nopa israelita soldados tlen itztoyaj ininhuaya Sa'ul huan Jonat'an. (Tlacame tlen sequinoc tlali ehuani quintocajtiyayaj nopa israelitame, hebreos.) 22Huan nopa israelitame tlen motlatijtoyaj ipan cuatitlamitl campa tepetini ipan tlali Efra'in, quicajque para nopa filisteos cholohuayayaj. Huajca inijuanti nojquiya quisque huan pejque quintoquilijtiyohuij nopa filisteos. 23Huan nel'ia hueyi elqui nopa tlatehuicajyotl pampa ajsito hasta campa itoca Bet Av'en. Huan queja nopa quinmanahui TOTECO nopa israelitame ipan nopa tonal. 24Huan nochi nopa israelitame nelpano tlaxicohuayayaj pampa ax tlacuajtoyaj huan yeca ayoc quipiyayayaj fuerza. Queja nopa elqui pampa Sa'ul huihuitixqui huan quinfuerzajhui isoldados ma quitestigojquetzaca TOTECO para ax quicuase niyon se tleno. Quinilhui: "Intla se quicuas se tlenijqui quema aya tlayohua huan aya nimomacueptoc ica nocualancaitacahua, monequi miquis." Huajca axaca quiyeco niyon se tleno. 25Huan nochi nopa soldados ajsitoj ipan se cuatitlamitl campa oncayaya nectli, 26huan nochi inijuanti calajque nopona huan quiitaque hasta motlalohuayaya nopa nectli. Pero axaca quiyeco pampa quiimacasiyayaj tlen ica quitestigojquetztoyaj TOTECO huan tlen Sa'ul quinilhuijtoya panos. 27Pero Jonat'an ax quimatiyaya tlen itata quiijtojtoya, huajca yaja, quena, quitejqui nopa nectli ica se cuatopili tlen quihuicayaya huan quicuajqui huan quicuic fuerza. 28Huajca se soldado israelita quiilhui para itata quinilhuijtoya para tlatelchihuali ma eli tlen quicuasqu'ia se tlenijqui ipan nopa tonal huan yeca nochi nopa tlatehuijca tlacame ayoc quipiyayayaj fuerza. 29Huajca Jonat'an quinanquili: --Ax cuali tlen quichijtoc notata pampa nopa tlanahuatili quincocojtoc huan quinmajmatijtoc nochi ni tlacame. Ama na nimomachil'ia nijpiya fuerza pampa nijcuajtoc se quentzi nectli. 30Huan achi m'as cuali momachilijtosqu'iaj nochi ni tlacame intla quicuajtosqu'iaj nochi nopa tlacualistli tlen quincuilijque inincualancaitacahua. Queja nopa achi m'as filisteos tiquinmictijtosqu'iaj. 31Pero nopa israelitame noja quintoquilijque huan quinmictijtiyajque nopa filisteos tlen pilaltepetzi Micmas hasta Ajal'on yonque nel'ia tlahuel tlaxicojtoyaj. 32Huan teipa nochi nopa tlacame yajque campa filisteos huan quinitzquijque ininborregojhua, ininhuacaxhua huan ininbecerrojhua huan quinmictijque tlalchi. Huan quicuajque ininnacayo xoxohuic ica nochi inieso. 33Huan sequin quiilhuijque Sa'ul: --Nopa israelitame tlajtlacolchihuaj iixpa TOTECO pampa quicuaj nacatl ica estli huan yeca quiixpanoque TOTECO itlanahuatil. Huan Sa'ul quinilhui: --Imojuanti nel'ia intlaixpanotoque. Xinechhualiquilica nica se tetl hueyi, 34huan xiquinilhuitij nochi nopa tlacame para ma nechhualiquilica ininhuacax o ininborrego, huan ma quinmictica nica ipan tetl para toyahuis nopa estli. Huan queja nopa huelis quicuase huan ax sampa quiixpanose TOTECO ica nopa nacatl tlen inijuanti quicuaj ica estli. Huajca ipan nopa yohuali nochi soldados quinhualicaque inintlapiyalhua huan quinmictijque nopona. 35Huan Sa'ul quichijqui se tlaixpamitl para TOTECO. Huan ya ni elqui nopa achtohui tlaixpamitl tlen Sa'ul quichijqui para ica quitlascamatis TOTECO pampa quipalehuijtoya miyac. 36Huan teipa Sa'ul quiijto: --Ma tiixtemoca ama ni yohuali huan ma tiquintehuitij nopa filisteos hasta tlanesis. Ma tiquinichtequilitij nochi tlen quipiyaj huan axaca tijcahuase ma itzto. Huan nochi nopa soldados tlananquilijque: --Cualtitoc, tijchihuase tlen tiquita para cuali. Pero nopa totajtzi quiijto: --Achtohui ma tijtlajtlanica Toteco Dios. 37Huajca Sa'ul quitlajtlani Toteco Dios: --┬┐Tijnequi tiyase tiquintehuitij nopa filisteos? ┬┐Titechmactilis tomaco nochi inijuanti? Huan TOTECO ax quinanquili ipan nopa tonal. 38Huajca Sa'ul moilhui para elqui ipampa se soldado itlajtlacol. Huajca quinilhui: --Nochi tlen tlayacanani ximonechcahuica nica huan tiquitase canque eltoc tlajtlacoli. 39Huan ica nijtestigojquetza TOTECO, yonque elis nocone Jonat'an tlen tlajtlacolchijtoc, temachtli monequi miquis. Huan niyon se tlacatl ax camatic para quinanquilis. 40Huan teipa Sa'ul quiijto: --Na huan nocone Jonat'an timoquetzase ni lado huan nochi imojuanti ximocahuaca nopona huan tiquitase tlaque TOTECO quinextis. Huan nochi nopa israelitame tlananquilijque: --Cualtitoc. Xijchihua tlen tiquita para cuali. 41Huajca Sa'ul quiilhui TOTECO tlen toDios tiisraelitame: --Ta TOTECO Dios tlen tiisraelitame, xitechnextili ama ajqueya tlajtlacolchijtoc. Tijmajcahuase ni Urim huan Tumim. Huan intla nitlajtlacolchijtoc na huan nocone, huajca ma quisa Urim; pero intla tlajtlacolchijtoque sequinoc israelitame, huajca ma quisa Tumim. Huan quema quimajcajque, huetzqui Urim ipan Sa'ul huan Jonat'an. 42Huajca sampa Sa'ul quiijto: --Ama xijmajcahua para tijmatise intla na o nocone. Huan huetzqui ipan Jonat'an para tlajtlacolchijtoya. 43Huajca Sa'ul quiilhui Jonat'an: --Xinechilhui tlaque tijchijtoc. Huan Jonat'an quiilhui: --Nijcuajqui se quentzi nectli tlen nijtejqui ica se cuatopili tlen nijhuicayaya, pero nica niitztoc huan nimotemaca nimiquis intla monequi nimiquis. 44Huajca Sa'ul quiijto chicahuac: --Ma Toteco Dios nechtlatzacuiltis intla ax timiquis ama ni tonal pampa tijchijqui ni, Jonat'an. 45Pero nochi nopa israelita soldados quiilhuijque Sa'ul: --Ax quinamiqui para miquis Jonat'an pampa ya tlen techmaquixti nochi tiisraelitame ama ni tonal. Huan tojuanti tijtestigojquetztoque TOTECO para niyon se itzoncal ax huetzis pampa yajaya Jonat'an tlen ica itlapalehuil Toteco Dios quichijtoc hueyi tlatlanilistli ama ni tonal. Huan queja nopa nochi nopa israelita tlacame quimanahuijque Jonat'an para ax miquis. 46Huan Sa'ul ayoc yajqui para quintehuiti nopa filisteos. Huan nopa filisteos tlen mocajque yoltoque mocuepque inintlal. 47Huajca queja nopa Sa'ul tenextili para elqui tlanahuatijquetl huan quichijqui temachtli itlanahuatilis. Huan Sa'ul huan isoldados quintehuitoj inincualancaitacahua campa hueli ipan tlali Moab, Am'on huan Edom. Huan quitehuijque nopa tlanahuatijquetl tlen Soba huan tlen nopa filisteos. Huan campa hueli campa inijuanti yahuiyayaj para quintehuitij inincualancaitacahua, tlatlaniyayaj. 48Huan quichijqui huejhueyi tlamantli hasta motemacac quintlanqui nopa amalecitame huan queja nopa quinmanahui nopa israelitame tlen inincualancaitacahua. 49Huan iconehua Sa'ul inintoca eliyayaj Jonat'an, Is'ui huan Malquis'ua. Huan isihuacone tlen achtohui ejquetl itoca eliyaya Merab huan tlen teipa ejquetl Mical. 50Huan isihua Sa'ul itoca eliyaya Ahinoam tlen elqui iichpoca Ahimaas. Huan nopa tlayacanquetl tlen isoldados itoca eliyaya Abner tlen elqui icone Ner. Huan Ner elqui it'io Sa'ul, 51pampa Cis, itata Sa'ul, ihuaya Ner, itata Abner, eliyayaj icnime huan eliyayaj iconehua Abiel. 52Huan nel'ia oncac miyac tlatehuicajyotl ica nopa filisteos ipan nochi tonali quema tlanahuatiyaya Sa'ul. Huan sesen huelta quema Sa'ul quipantiyaya se telpocatl tlen yolchicahuac, quicalaquiyaya para ma mochihua soldado.

will be added

X\