1 Kings 4

1Huajca Salom'on elqui tlanahuatijquetl tlen nochi israelitame. 2Huan itlayacanca tlatequipanojcahua tlen m'as quihuicayayaj tequihuejcayotl elque ni tlacame: Azar'ias tlen elqui icone nopa totajtzi Sadoc, 3Elihoref huan Ah'ias tlen elqui iconehua Sisa, tlen elque tlajcuilohuani ipan tequicali, Josafat, icone Ahilud, tlen quiijcuilo nochi tlen panoc ipan itequi Tlanahuatijquetl Salom'on, 4Bena'ia, icone Joiada, tlen elqui nopa hueyi tlayacanquetl tlen nochi isoldados Salom'on, Sadoc huan Abiatar tlen elque itotajtzitzi TOTECO, 5Azar'ias, icone Nat'an, tlen quipixqui tequihuejcayotl ica nochi gobernadores ipan sesen estado, Zabul, icone Nat'an, tlen elqui itlaconsejomacaca huan inelhuampo Salom'on, 6Ahisar tlen elqui imaco nopa hueyi tequicali para quimocuitlahuis. Huan Adoniram, icone Abda, tlen elqui tlayacanquetl tlen nochi comun tequitl. 7Salom'on quixelo tlali Israel ica 12 tlaltini queja elisqu'iaj estados huan 12 gobernadores quihuicayayaj tequitl; sesen ipan se iestado. Inintequi nopa tequihuejme elqui para quitemose tlacualistli para quitlamacase nopa tlanahuatijquetl, ichaj ehuani huan nochi itlapalehuijcahua. Sesen tequihuejquetl tlen sesen estado monejqui quintlamacas para se metztli ipan sesen xihuitl. 8Nica eltoc inintoca nopa 12 gobernadores huan campa tequitique: Hur quihuicayaya tequitl ipan nochi tlali Efra'in campa tlahuel tepeyo. 9Decar quihuicayaya tequitl campa altepetini Macaz, Saalbim, Bet Semes, El'on huan Bet Han'an. 10Hesed quihuicayaya tequitl ipan altepetl Arubot, Soco huan nochi nopa tlali tlen itoca Hefer. 11Abinadab mosihuajti ica Tafat, iichpoca Tlanahuatijquetl Salom'on, huan quihuicayaya tequitl ipan nochi tlaltini Dor. 12Baana, icone Ahilud, quihuicayaya tequitl ipan altepetini Taanac, Meguido huan ipan nochi tlali Bet Se'an tlen eltoc inechca nopa altepetl Saret'an tlen mocahua achi m'as tlatzintla tlen altepetl Jezreel. Baana quihuicayaya tequitl tlen altepetl Bet Se'an hasta Abel Mehola huan hasta Jocmeam. 13Geber quihuicayaya tequitl ipan tlali Galaad ipan nopa altepetl Ramot. Nojquiya quihuicayaya tequitl ipan altepetl Jair tlen quihuica itoca nopa tlacatl Jair tlen elqui icone Manas'es. Nojquiya Geber quipixtoya imaco nopa altepetini campa itoca Argob ipan tlali Bas'an. Nopona oncayaya 60 altepetini ica tepamitl huan puertas tlen cuajcuali tlasencahuali. Huan ininpuerta tlachijchihuali ica nopa tepostli tlen itoca bronce. 14Ahinadab, icone Iddo, quihuicayaya tequitl ipan altepetl Mahanaim. 15Ahimaas tlen mosihuajti ihuaya seyoc iichpoca Salom'on quihuicayaya tequitl ipan nochi nopa tlali Neftal'i. 16Baana, icone Husai, quihuicayaya tequitl ipan nochi tlali Aser huan altepetl Alot. 17Josafat, icone Par'ua, quihuicayaya tequitl ipan tlali Isacar. 18Simei, icone Ela, quihuicayaya tequitl ipan tlali Benjam'in. 19Geber, icone Uri, quihuicayaya tequitl ipan tlali Galaad, huan nochi campa achtohui eltoya itlal Tlanahuatijquetl Seh'on tlen nopa amorreos, huan Tlanahuatijquetl Og tlen quihuicac tequitl ipan tlali Bas'an. Geber iselti eliyaya gobernador ipan nochi nopa huejhueyi tlaltini. 20Itztoyaj tlahuel miyac israelitame campa hueli ipan tlaltini Jud'a huan Israel. Nopa israelitame itztoyaj queja imiyaca xali iteno hueyi atl. Huan nochi nopa tlacame nel'ia paquiyayaj huan quipixque tlahuel miyac tlacualistli huan tlaili. 21Huan Tlanahuatijquetl Salom'on quipixqui tlanahuatili ica nochi tequihuejme tlen atemitl 'Eufrates hasta inintlal filisteos campa inepa tlali Egipto ica tlatzintla. Huan nochi tlacame tlen ehuani ipan nopa tlaltini quitlaxtlahuiyayaj impuestos Salom'on huan quitequipanojque nochi iyolis. 22Para ica panose Salom'on, huan ichaj ehuani huan itlatequipanojcahua, mojmostla monequiyaya quiselise 6 mil 600 litros tlen harina tlen achi cuali huan 13 mil 200 litros tlen harina. 23Huan majtlactli huejhueyi torojme tlen quintomajtoque ipan tlatzactli, huan 20 torojme tlen quintomajtoque campa potrero, huan 100 borregojme o chivojme, huan iyoca miyac masame, gacelas huan miyac sequinoc tlamantli tlapiyalime huan totome tojtomahuaque. 24Huan Salom'on quinnahuatiyaya nochi nopa tlaltini tlen mocajque ica campa calaqui tonati tlen nopa atemitl 'Eufrates, tlen altepetl Tifsa hasta Gaza. Huan campa hueli ipan nochi itlal oncayaya tlasehuilistli huan nochi tlacame itztoyaj ica cuali. 25Huan ipan nochi iyolis Tlanahuatijquetl Salom'on nochi israelitame tlen tlali Dan ica huejcapa hasta Beerseba ica sur quipixque paquilistli huan itztoyaj ica temachili. Ax cana oncayaya tlatehuijcayotl. Huan sesen familia quipixqui ichaj huan imil. 26Huan Salom'on nojquiya quinpixtoya 4 mil caltini para icahuayojhua tlen quintilanayayaj itlatehuijca carrojhua. Huan quinpixqui 12 mil soldados tlen quimatque cahuajtlejcoj. 27Huan nochi gobernadores quimacayayaj tlacualistli Salom'on sesen metztli para nochi tlen itztoyaj ipan ichaj, huan quichihuayayaj campeca para ax tleno ma quinpolo. 28Huan nojquiya quihualiquiliyayaj cebada ica nochi ixihuiyo queja monequi para icahuayojhua huan para itlapiyalhua tlen tlamamayayaj. Quihualiquiliyayaj sesen metztli queja quintocarohuayaya huan sesen tlamantli quihuicayayaj ipan nopa lugar campa monejqui. 29Huan Toteco Dios quimacac Salom'on miyac tlalnamiquilistli huan tlamachilistli. Quena, itlalnamiquilis axaca hueliyaya quiaxilis pampa eliyaya tlahuel tlalnamiqui. 30Huan itlalnamiquilis Salom'on quionpano nochi tlalnamijca tlacame tlen itztoque campa quisa tonati huan nochi tlen ehuani ipan tlali Egipto. 31Elqui m'as tlalnamiqui que Et'an tlen ejqui altepetl Ezra huan m'as tlalnamiqui que Hem'an, Calcol huan Darda tlen eliyayaj iconehua Mahol. Huan nochi tlacame ipan nochi sequinoc tlaltini tlen nechca nojquiya quiixmatiyayaj Salom'on. 32Salom'on quiijcuilo eyi mil tlamachtili huan se mil huan macuili huicatl. 33Huan huelqui tlamacht'ia cuali tlen miyac tlamantli cuatini, yonque huejhueyi cuatini queja nopa tiocuatini tlen tlali L'ibano o nopa pilxihuitzitzi tlen moscaltiyaya campa coyontoc tlapepecholi. Nojquiya huelqui tlamacht'ia tlen miyac tlamantli tlapiyalime, totome, cohuame huan michime. 34Huan tlanahuatiani tlen nochi tlaltini quintitlanque inintlayacancahua ma quitlacaquiliquij itlalnamiquilis Salom'on.

will be added

X\