1 CORINTIOS 12

1Huan ama noicnihua, nijnequi nimechilhuis se quentzi tlen nopa tlamantli tlalnamiquilistli o hueltilistli tlen Itonal Toteco quinmaca tlaneltocani pampa nijnequi achi m'as cuali xijmachilica. 2Ya inquimatij quema aya inquineltocayayaj Tohueyiteco, inquinhueyimatiyayaj totiotzitzi tlen ax huelij camatij huan inquintoquiliyayaj nopa totiotzitzi campa hueli huan san inmocuapolojtinemiyayaj. 3Yeca ama nijnequi nimechilhuis queja inquinyolmatise tlacame tlen nel'ia camatij ica ichicahualis Itonal Toteco huan inijuanti tlen san quinequij inmechcuapolose. Xijmatica para niyon se tlen camati ica ichicahualis Itonal Toteco huelis quiijtos para tlatelchihuali Jes'us. Huan niyon se ax huelis quiijtos para Jes'us itztoc Tohueyiteco intla ax camati ica ichicahualis Itonal Toteco. 4Onca miyac tlamantli hueltilistli o tlalnamiquilistli tlen tlacame quisel'iaj para huelis quichihuase itequi Toteco. Pero itztoc san se Itonal Toteco tlen temaca nochi nopa yajatili tlen tlaneltocani quisel'iaj. 5Onca miyac tlamantli tequitl ica tlen huelis tijtequipanose Tohueyiteco, pero itztoc san se Tohueyiteco tlen tijtequipanohuaj. 6Toteco tequiti ipan iyolis sesen tlaneltocaquetl queja quiita cuali para ya, pero san se Toteco quichihua itequi ica nochi tojuanti. 7Huan Itonal Toteco quinext'ia para itztoc ipan sesen tlaneltocaquetl pampa quimaca nochi nopa hueltilistli huan chicahualistli tlen monequi para ica quinpalehuis nochi sequinoc tlaneltocani. 8San se Itonal Toteco quinmaca sequin tlaneltocani tlajtoli tlen quipiyaj tlalnamiquilistli, huan sequinoc quinmacatoc tlajtoli para ma tlamachtica. 9San se Itonal Toteco quinmacatoc sequinoc tlacame ma quipiyaca miyac tlaneltoquili huan quinmacatoc sequinoc hueltilistli huan chicahualistli para ma quinchicahuaca cocoyani. 10Huan Itonal Toteco quinmacatoc sequinoc chicahualistli para quichihuase chicahualnescayotl. Sequinoc quinmacatoc nopa hueltili huan chicahualistli queja itiocamanalojcahua para ma quiselica huan ma tecamahuica itlajtol Toteco. Sequin tlacame quisel'iaj hueltilistli para quimatise intla Itonal Toteco quimacatoc se tlacatl itlajtol o intla se iajaca Axcualtlacatl quimacatoc. Sequin tlaneltocani quisel'iaj hueltili para camatise tlajtoli tlen ax momachtijtoque. Huan sequinoc quisel'iaj hueltilistli para teyolmelahuase tlen quiijtohuaj inijuanti tlen camatij ica tlajtoli tlen ax momachtijtoque. 11Pero itztoc san se Itonal Toteco tlen quinmajmaca nochi ni tlamantli chicahualistli huan san yajaya quitlapejpen'ia catl'ia tlaneltocaquetl ma quiseli sesen chicahualistli. 12Se tlacatl quipiya san se itlacayo, pero itlacayo quipiya miyac partes huan nochi nopa miyac partes quipiya itequi huan san sejco mochihua itlacayo. Huan queja nopa nojquiya eltoc ica itlacayo Cristo. 13Itztoc san se Itonal Toteco tlen techtlatzquiltijtoc tojuanti tlen tijneltocaj Cristo ipan itlacayo. Sequin tojuanti tiitztoque tiisraelitame, sequinoc axtle. Sequin tlaneltocani quipiyaj ininteco ipan ni tlaltepactli tlen quincojtoc para iaxca, sequinoc axtle, san malacantoque, pero nochi tojuanti tijselijtoque san se Itonal Toteco ipan toyolo. 14Itlacayo se tlacatl ax san se parte quipiya, pero quipiya miyac partes. 15Huan ¿tlaque panos intla se iicxi se tlacatl huelisqu'ia camatisqu'ia huan quiijtosqu'ia: "Na ax niima ni tlacatl, huajca ax nise parte tlen itlacayo"? tlen quiijtosqu'ia ya ni ax tleno quipatlasqu'ia pampa iicxi nopa tlacatl noja mocahuasqu'ia se parte ipan itlacayo. 16Huan nojquiya ax tleno mopatlas intla se inacas quiijtosqu'ia: "Na ax niiixtiyol ni tlacatl, yeca ax nise parte tlen itlacayo." Pampa yonque queja nopa moilhuisqu'ia inacas, noja mocahuasqu'ia se parte ipan itlacayo. 17Huan intla campa hueli ipan itlacayo se tlacatl quipixtosqu'ia senquistoc iixtiyolhua, huajca ¿quejatza tlacaquisqu'ia? O intla campa hueli quipixtosqu'ia senquistoc inacashua, huajca ¿quejatza tlaijnecuisqu'ia? 18Pero ax queja nopa. Toteco quichijqui totlacayo ica miyac partes huan sesen parte quitlali campa yajaya quinejqui ma yohui. 19Intla se tlacatl quipiyasqu'ia senquistoc iicxihua, ¿quejatza tiquijtose quipiya itlacayo? 20Pero Toteco quisencajtoc para tijpiyase miyac tlamantli partes ipan totlacayo, pero san se totlacayo tijpiyaj. 21Huan iixtiyol se tlacatl ax huelis quiilhuis ima: "Ta ax timonequi", niyon itzonteco ax huelis quiilhuis iicxi: "Ta ax timonequi." 22Ya nopa ax neli, pampa monequi nochi partes ipan totlacayo, huan achi m'as monequi nopa partes tlen nesi para ax tetic huan ax m'as ipati queja ne sequinoc. 23Nopa partes ipan totlacayo tlen timoilhu'iaj ax senquistoc cuali, achi m'as tiquinmocuitlahu'iaj. Huan nopa partes tlen ax cuali para ma tiquinnextica, tiquinyoyont'iaj ica m'as cuidado. 24Huan nopa partes tlen cuali monext'iaj, ax m'as tiquintzacuaj. Huajca Toteco quisencajtoc totlacayo para achi m'as tijmocuitlahuica nopa partes tlen timoilhu'iaj quipolohuaj. 25Quichijqui ni pampa ax quinejqui ma moxelo totlacayo. Quinequi sesen parte ma quimocuitlahuis nopa sequinoc partes. 26Intla se parte mococohua, huajca nochi partes tlaijiyohu'iaj ihuaya. Huan intla se parte ipan totlacayo quisel'ia se tlatlepanitacayotl, nochi partes ipan totlacayo paquij. 27Ama initztoque itlacayo Cristo huan sesen imojuanti initztoque queja se parte tlen itlacayo tlen tlahuel monequi. 28Huan ipan itlacayo Cristo, o itiopa, Toteco techmacatoc sesen tojuanti totequi. Achtohui quintequimacac tlayolmelahuani huan, teipa tiocamanalohuani. Teipa quintequimacac tlamachtiani huan teipa tlen quipiyaj chicahualistli para quichihuase chicahualnescayotl. Teipa quintequimacac tlen quipiyaj yajatili para quinchicahuase cocoyani, huan teipa tlen quipiyaj yajatili para tepalehuise. Teipa quintequimacac tlen quipiyaj yajatili para tlayacanase ipan nochi tlamantli tlen quichihua itiopa. Huan teipa quinmacac sequin nopa yajatili para camatise sequinoc tlajtoli tlen ax momachtijtoque. 29Pero xijmachilica, ax nochi quipiyaj nopa tequitl queja tlayolmelahuani. Ax nochi tiocamanalohuani. Ax nochi tlamachtiani tlen Itlajtol Toteco. Ax nochi huelij quichihuaj chicahualnescayotl. 30Ax nochi huelij quinchicahuaj cocoyani. Ax nochi huelij camatij sequinoc tlajtoli tlen ax momachtijtoque. Ax nochi huelij teyolmelahuase tlen quiijtosnequi nopa tlajtoli tlen sequinoc quiijtohuaj. 31Pero intla inquitemohuaj se chicahualistli tlen Itonal Toteco, huajca ica nochi imoyolo xijnequica nopa tlamantli chicahualistli tlen achi m'as quinpalehu'ia sequinoc. Pero ama nimechilhuis tlen seyoc ojtli tlen noja m'as cuali para inquitoquilise.

will be added

X\