1 Chronicles 9

1Huan nochi israelitame ipan tlali Israel huan tlaque familia ipan hualajque mocajque ijcuilijtoque ipan nopa amatlapohuali tlen nopa Tlanahuatiani Tlen Tlali Israel. Huan TOTECO quincahuili inincualancaitacahua ma quinquixtica israelitame ipan tlali Jud'a huan quinhuicase huejca ipan tlali Babilonia pampa quinhueyichijque tiotzitzi huan tlaixcopincayome. 2Huan quema panotoya miyac xihuitl, nopa tlacame tlen achtohui hualajque para sampa itztoquij ipan inintlal huan ipan inialtepehua campa quisque eliyayaj tlen hueli israelitame. Nojquiya ininhuaya hualajque sequin totajtzitzi, levitame huan tequipanohuani ipan tiopamitl. 3Israelitame tlen nopa huejhueyi familias Jud'a, Benjam'in, Efra'in huan Manas'es ajsicoj huan mochantijque ipan altepetl Jerusal'en. 4Tlen nopa familia Jud'a ajsicoj: Utai tlen elqui icone Amiud, tlen elqui icone Omri, tlen elqui icone Imri, tlen elqui icone Bani, tlen elqui icone Fares. Huan Fares elqui icone Jud'a. 5Huan nojquiya mocuepque ipan inintlal nopa israelitame tlen eliyayaj iteipa ixhuihua Sil'on. Mocuepqui Asa'ias nopa achtohui ejquetl ininhuaya iconehua. 6Huan ipan nopa familia tlen iteipa ixhuihua Zera, mocuepqui Jeuel ihuaya iteixmatcahua. Huajca ica nochi, eliyayaj 690 tlen mocuepque ipan inintlal tlen itztoyaj iteipa ixhuihua Jud'a. 7Huan tlen nopa hueyi familia Benjam'in, mocuepque: Sal'u tlen elqui icone Mesulam, tlen elqui icone Hodav'ias, tlen elqui icone Asen'ua. 8Nojquiya mocuepqui Ibne'ias tlen elqui icone Jeroham, tlen elqui icone Ela, tlen elqui icone Uzi, tlen elqui icone Micri. Huan nojquiya mocuepque Mesulam, tlen elqui icone Sefat'ias, tlen elqui icone Reuel, tlen elqui icone Ibn'ias. 9Nochi inijuanti eliyayaj tlayacanani ipan familias. Huajca tlen nopa hueyi familia Benjam'in mocuepque 956 tlacame. 10Huan ipan nopa totajtzitzi tlen mocuepque itztoyaj: Jeda'ias, Joiarib, Jaqu'in, 11Azar'ias tlen elqui icone Hilc'ias, tlen elqui icone Mesulam, tlen elqui icone Sadoc, tlen elqui icone Meraiot, tlen elqui icone Ahitob. Azar'ias elqui tlayacanquetl ipan nopa itiopa Toteco Dios. 12Nojquiya mocuepqui se totajtzi tlen itoca: Ada'ia tlen elqui icone Jeroham, tlen elqui icone Pasur, tlen elqui icone Malqu'ias. Huan mocuepqui Masai tlen elqui icone Adiel, tlen elqui icone Jazera, tlen elqui icone Mesulam, tlen elqui icone Mesilemit tlen elqui icone Imer. 13Huan mocuepque sequinoc totajtzitzi tlen eliyayaj ininteixmatcahua. Huajca ica nochi mocuepque mil 760 totajtzitzi tlen tlahuel quimatque quichihuaj nochi tequitl tlen monejqui ipan ichaj Toteco Dios. 14Huan tlen nopa levitame, mocuepque: Sema'ias tlen elqui icone Hasub, tlen elqui icone Azricam, tlen elqui icone Hasab'ias, tlen elqui iteipa iixhui Merari. 15Nojquiya mocuepque levitame tlen inintoca eliyayaj: Bacbacar, Heres huan Galal. Nojquiya mocuepqui Matan'ias, tlen elqui icone Mica'ia, tlen elqui icone Zicri, tlen elqui icone Asaf. 16Huan mocuepque Obad'ias, tlen elqui icone Sema'ias, tlen elqui icone Galal, tlen elqui icone Jedut'un. Huan mocuepqui Berequ'ias, tlen elqui icone Asa, tlen elqui icone Elcana, yajaya tlen itztoya nechca Netofa. 17Nopa tlamocuitlahuiani campa tiopan puerta tlen mocuepque inintoca eliyayaj: Salum, Acub, Talm'on, Ahim'an ihuaya iteixmatcahua. Huan Salum elqui inintlayacanca. 18Huan achtohuiya ni levitame quimocuitlahuiyayaj nopa puerta ipan tiopamitl tlen mocahua ica campa quisa tonati campa calaquiyaya nopa tlanahuatijquetl. Ipan ni levitame nojquiya quisque inijuanti tlen quimocuitlahuijque puerta campa mocajque levitame para itztose. 19Huan Salum elqui icone Cor'e, elqui se iteipa ixhui Ebiasaf, tlen ehua ipan nopa familia tlen iteipa ixhuihua Cor'e tlen huejcajquiya itztoya. Salum huan iteixmatcahua quipiyayayaj inintequi para tlamocuitlahuise campa ipuertajyo nopa tiopamitl queja ininhuejcapantatahua huejcajquiya tlamocuitlahuijque campa ipuertajyo nopa yoyon tiopamitl tlen iaxca TOTECO. 20Huejcajquiya, Finees, icone Eleazar, elqui nopa achtohui tlayacanquetl tlen puerta tlamocuitlahuiani. Huan Toteco itztoya ihuaya. 21Huan teipa Zacar'ias icone Meselem'ias quipiyayaya itequi para quimocuitlahuis ipuertajyo nopa yoyon tiopamitl. 22Huan ipan nopa tonali itztoyaj 212 tlamocuitlahuiani tlen ijcuilijtoc inintoca ipan nopa lista huan nojquiya ijcuilijtoc tlaque inialtepe. Elqui David huan nopa tiocamanalojquetl Samuel tlen achtohui quintlapejpenijque ininhuejcapantatahua ni tlacame huan quintequimacaque para ma elica puerta tlamocuitlahuiani pampa quiitaque para nopa tlacame eliyayaj temachme. 23Queja nopa, nopa puerta tlamocuitlahuiani huan ininteipa ixhuihua quipiyayayaj nopa tequitl para mopatlatiyase para tlamocuitlahuise campa nopa puertas ipan ichaj TOTECO, tlen achtohui eliyaya se yoyon tiopamitl. 24Huan quintequitlalijque nopa tlamocuitlahuiani para tlamocuitlahuise nochi nahui lados tlen nopa tiopamitl. Tlamocuitlahuijque ica campa quisa tonati, ica campa calaqui tonati, ica norte huan ica tlani. 25Huan ininteixmatcahua tlen itztoyaj ipan pilaltepetzitzi, hualayayaj quemantzi para chicueyi tonali para quinpalehuise. 26Pero nopa nahui levitame tlen elque nopa tlayacanca tlamocuitlahuiani ipan puertas m'as quipiyayayaj tlanahuatili. Inijuanti quipiyayayaj nopa tequitl para quimocuitlahuise nopa cuartos campa quiajcocuiyayaj nochi tlamantli tlen miyac ipati tlen eltoyaj ipan nopa ichaj Toteco Dios. 27Huan inijuanti tlamocuitlahuiyayaj sesen tlayohua campa ichaj Toteco Dios pampa elqui inintequi. Huan nojquiya elqui inintequi para mojmostla quitlapose nopa puertas ica ijnaloc. 28Sequin nopa tlamocuitlahuiani quipixque inintequi para quimocuitlahuise nochi tlamantli tlen quitequihu'iaj quema quitencahuaj tlacajcahualistli o quema quihueyichihuaj TOTECO. Quitlachiliyayaj cuali quema quinquixtiyayaj nopa tlamantzitzi huan quema quincalaquiyayaj para ax quipolose niyon se tlamantli. 29Huan sequinoc quipiyayayaj inintequi para quimocuitlahuise sequinoc tlamantli queja platos huan tazas, huan nochi sequinoc tlamantzitzi tlen motequihu'ia ipan ichaj TOTECO. Nojquiya quimocuitlahuiyayaj nopa harina tlen m'as cuali, huan nopa xocomeca atl, aceite, copali huan tlaajhuiyacayotl. 30Huan elqui inintequi sequin totajtzitzi para quisencahuase nopa tlaajhuiyacayotl. 31Se levita tlen itoca Matat'ias tlen hualajqui ipan nopa familia Coat huan elqui iachtohui cone Salum, quipiyayaya itequi para quichijchihuas pantzi tlen quitequihu'iaj ipan ofrendas. 32Sequin ipan nopa familia tlen iixhuihua Coat quipiyayayaj inintequi para quichijchihuase nopa pantzi tlen tlaiyocatlalili para TOTECO tlen quitecpanayayaj ipan mesa ipan sesen tonali para mosiyajcahuase. 33Nojquiya itztoyaj levitame tlen itztoyaj huicani huan ax monequiyaya quichihuase niyon se tlamantli tequitl, san huicase. Nochi huicani mocahuayayaj ipan cuartos ipan nopa tiopamitl ipan Jerusal'en pampa monequiyaya tequipanose para quihueyichihuase TOTECO tlayohua huan tonaya ica huicatl. 34Nochi ni tlacame itztoyaj tlayacanani ipan nopa familia tlen levitame huan ijcuilijtoc queja yajtiyohui inintoca ipan nopa lista huan mocajque para itztose ipan altepetl Jerusal'en. 35Jehiel itztoya ipan altepetl Gaba'on tlen yajaya quipehualti. Isihua itoca eliyaya Maaca. Huan iniachtohui cone itoca eliyaya Abd'on. 36Huan sequinoc iconehua Jehiel inintoca eliyayaj: Zur, Cis, Baal, Ner, Nadab, 37Gedor, Ah'io, Zacar'ias huan Miclot. 38Huan teipa Miclot quipixqui icone, Simeam. Nochi ni tlacame itztoyaj ipan altepetl Jerusal'en ipan caltini tlen nejnechca. 39Huan Ner quipixqui icone tlen itoca Cis. Huan Cis quipixqui icone tlen itoca Sa'ul. Huan Sa'ul quinpixqui iconehua tlen inintoca eliyayaj: Jonat'an, Malquis'ua, Abinadab huan Es Baal. 40Jonat'an quipixqui icone tlen itoca Merib Baal. Huan Merib Baal quipixqui icone tlen quitocajti Mica'ia, 41Mica'ia quinpixqui iconehua tlen inintoca eliyayaj: Pit'on, Melec, Tarea huan Acaz. 42Huan Acaz quipixqui icone tlen quitocajti Jara. Huan Jara quinpixqui iconehua tlen quintocajti: Alemet, Azmavet huan Zimri. Huan Zimri quipixqui icone tlen itoca Mosa. 43Huan Mosa quipixqui icone tlen itoca Bina. Huan Bina quipixqui icone tlen itoca Refa'ias. Huan Refa'ias quipixqui icone tlen itoca Elasa. Huan Elasa quipixqui icone tlen itoca Azel. 44Azel quinpixqui chicuaseme iconehua tlen inintoca eliyayaj: Azricam, Bocru, Ismael, Sear'ias, Obad'ias huan Han'an.

will be added

X\