1 Chronicles 7

1Isacar quinpixqui iconehua tlen inintoca eliyayaj: Tola, F'ua, Jasub huan Simr'on. 2Tola quinpixqui iconehua tlen mochijque tlayacanani ipan ininfamilias huan inintoca eliyayaj: Uzi, Refa'ias, Jeriel, Jahmai, Jibsam huan Semuel. Huan ipan nopa tonali quema tlanahuatiyaya David, quinpojque quesqui tlacame itztoyaj ipan ni familia tlen huelij tlatehu'iaj. Huan para nochi eliyayaj 22 mil 600 tlacame tlen huelij tlatehu'iaj. 3Uzi quipixqui se icone tlen itoca Israh'ias. Huan Ishar'ias quinpixqui iconehua tlen inintoca eliyayaj: Micael, Obad'ias, Joel huan Is'ias. Nochi ni macuilti tlacame mochijque tlayacanani ipan ininfamilias. 4Huan nochi ni macuilti tlayacanani quinpixque tlahuel miyac ininsihuajhua huan tlahuel miyac ininconehua. Queja nopa panoc para miyac xihuitl hasta nopa lista campa ijcuilijtoc inintoca tlacame huan quejatza tlacajtiyajque quiijtohua itztoyaj 36 mil soldados tlen nel'ia motemacayayaj para tlatehuise. 5Huan ipan nochi nopa hueyi familia Isacar itztoyaj 87 mil soldados tlen tlahuel pano motemacayayaj ipan tlatehuijcayotl. Nochi inijuanti mopant'iaj ipan nopa lista tlen quejatza tlacajtiyajque tlacame. 6Huan Benjam'in quinpixqui iconehua tlen inintoca eliyayaj Bela, Bequer huan Jediael. 7Huan Bela quinpixqui iconehua tlen inintoca eliyayaj: Ezb'on, Uzi, Uziel, Jerimot huan Iri. Nochi inijuanti eliyayaj tlayacanani ipan ininfamilias. Nojquiya eliyayaj tlatehuiani tlen tlahuel motemacayayaj ipan tlatehuijcayotl. Huan nochi soldados tlen eliyayaj iteipa ixhuihua Bela elque 20 mil 34 tlacame. Nochi inijuanti mocajque ijcuilijtoque ipan nopa lista tlen quipiya quejatza tlacajtiyajque tlacame. 8Huan Bequer quinpixqui iconehua tlen inintoca eliyayaj: Zemira, Jo'as, Eliezer, Elioenai, Omri, Jerimot, Ab'ias, Anatot huan Alamet. 9Huan ipan nopa tonali quema David tlanahuatiyaya, quinpojque 20 mil 200 tlacame tlen elque iixhuihua Bequer tlen tlahuel motemacayayaj. Huan iyoca quinpixque para macuilti tlacame tlen eliyayaj tlayacanani ipan ininfamilias. 10Huan Jediael quipixqui icone tlen itoca Bilh'an. Huan Bilh'an quinpixqui iconehua tlen inintoca eliyayaj: Je'us, Benjam'in, Aod, Quenaana, Zet'an, Tarsis huan Ahisahar. 11Nochi ya ni eliyayaj tlayacanani ipan nopa familias tlen hualahuij ipan Jediael. Huan ipan nopa tonali quema tlanahuatiyaya David quinpojqui tlacame, huan iteipa ixhuihua Jediael tlen hueliyayaj tlatehuise mochijque 17 mil 200 tlacame. 12Huan Supim huan Hupim elque iconehua Hir. Huan Husim elqui icone Aher. 13Neftal'i quinpixqui iconehua tlen inintoca eliyayaj: Jahzeel, Guni, Jezer huan Salum. Nochi inijuanti hualajque tlen Bilha tlen elqui se isihua Jacob huejcajquiya. 14Manas'es quinpixqui ome iconehua tlen quintlacatilti itlatequipanojca tlen tlali Siria huan nopa coneme inintoca eliyayaj Asriel huan Maquir. Huan Maquir teipa quipixqui icone tlen itoca Galaad. 15Maquir mocuili Maaca para isihua. Maaca elqui ininsihua icni Hupim huan Supim. Huan teipa Maquir quipixqui se iixhui tlen itoca Zelofehad. Huan Zelofehad san quinpixqui ichpocame. 16Maaca, isihua Maquir, quipixqui se icone tlen quitocajti Peres. Teipa quitlacatilti seyoc icone huan quitocajti Seres. Huan Seres quinpixqui iconehua tlen inintoca eliyayaj Ulam huan Requem. 17Huan Ulam quipixqui icone tlen itoca Bed'an. Nochi ni tlacame itztoyaj iconehua Galaad, tlen icone Maquir, tlen ica huejcajquiya itztoya icone Manas'es. 18Isihua icni Maquir tlen itoca Hamolequet quitlacatilti Isod, Abiezer huan Mahala. 19Huan Semida quinpixqui iconehua tlen inintoca eliyayaj: Ahi'an, Siquem, Likhi huan Aniam. 20Efra'in quipixqui icone tlen itoca Sutela. Huan quipixqui icone tlen itoca Bered. Bered quipixqui icone tlen itoca Tahat, tlen quipixqui icone tlen itoca Elada. Elada quipixqui icone tlen itoca Tahat. 21Tahat quipixqui icone tlen itoca Zabad. Zabad quipixqui icone tlen itoca Sutela, tlen quipixqui icone tlen itoca Ezer, tlen teipa quipixqui icone tlen itoca Elad. Huan huejcajquiya ipan nopa tonali quema noja itztoya Efra'in, yaja quinpixqui ome iconehua tlen inintoca eliyayaj Elad huan Ezer. Ni ome iconehua quichijque campeca para quinichtequise tlapiyalime ipan tlali Gad, pero nopa Gad ehuani quinmictijque. 22Huan inintata, Efra'in, huejcajquiya tlahuel miyac tonali para quinchoquilis. Huan hualajque iconehua huan nochi iteixmatcahua para quiyolchicahuase. 23Huan teipa Efra'in ihuaya itztoya isihua huan yajaya conecuic huan quitlacatilti se oquichpil tlen quitocajtijque Ber'ia. Queja nopa quitocajti pampa tlahuel mocuesohuayaya ica tlen ininpantic iconehua. 24Huan Ber'ia nojquiya quipixqui se iichpoca tlen itoca Seera. Huan iichpoca quichijqui nopa altepetini Bet Hor'on Tlen Huejcapa huan Bet Hor'on Tlen Tlatzintla. Nojquiya iichpoca quisencajqui nopa altepetl Uzen Seera. 25Huajca Ber'ia quinpixqui iixhuihua tlen pejqui ica icone tlen itoca Refa. Huan Refa teipa quipixqui icone tlen itoca Resef. Huan Resef teipa quipixqui icone tlen itoca Telah. Huan Telah teipa quipixqui icone tlen itoca Tah'an. Huan Tah'an teipa quipixqui icone tlen itoca Laad'an. 26Huan Laad'an teipa quipixqui icone tlen itoca Amiud. Huan Amiud teipa quipixqui icone tlen itoca Elisama. Huan Elisama teipa quipixqui icone, 27tlen itoca Nun. Huan Nun teipa quipixqui icone tlen itoca Josu'e. 28Huan nochi ni tlacame tlen eliyayaj iteipa ixhuihua Efra'in itztoyaj ipan altepetl Betel huan ipilaltepehua ica tlani. Huan para campa quisa tonati monepantiyaya inintlal ica altepetl Naar'an. Ica campa calaqui tonati monepantiyaya ica altepetl Gezer. Huan ica norte hasta altepetl Siquem ica ipilaltepehua huan ajsiyaya hasta altepetl Gaza huan ipilaltepehua. 29Huan campa monepantiyayaj Efra'in ica inintlal nopa hueyi familia Manas'es, oncayayaj altepetini tlen inintoca eliyayaj: Bet Se'an, Taanac, Meguido huan Dor ica nochi nopa pilaltepetzitzi tlen quiyahualojtoyaj sese altepetl. Ipan ni altepetini itztoyaj iteipa ixhuihua Jos'e tlen elqui icone Israel tlen huejcajquiya. 30Aser quinpixqui iconehua tlen inintoca eliyayaj: Imna, Is'ua, Is'ui, Ber'ia huan se ininsihua icni tlen itoca Sera. 31Huan Ber'ia quinpixqui iconehua tlen inintoca eliyayaj Heber huan Malquiel. Huan Malquiel teipa quipixqui icone tlen itoca Birzavit. 32Huan Heber quinpixqui iconehua tlen inintoca eliyayaj Jaflet, Semer huan Hotam. Huan se ininsihua icni tlen itoca S'ua. 33Huan Jaflet quinpixqui iconehua tlen inintoca eliyayaj Pasac, Bimhal huan Asvat. 34Huan Somer quinpixqui iconehua tlen inintoca eliyayaj: Ah'i, Rohga, Jeh'uba huan Aram. 35Huan Helem tlen elqui iicni Somer, quinpixqui iconehua tlen inintoca eliyayaj: Zofa, Imna, Seles huan Amal. 36Huan Zofa quinpixqui iconehua tlen inintoca eliyayaj: S'ual, Harnefer, S'ual, Beri, Imra, 37Beser, Hod, Sama, Silsa, Itr'an, huan Beera. 38Huan Jeter quinpixqui iconehua tlen inintoca eliyayaj Jefone, Pispa huan Ara. 39Huan se iixhui Aser tlen itoca Ula quinpixqui iconehua tlen inintoca eliyayaj: Ara, Haniel huan Rezia. 40Nochi ya ni elque iixhuihua Aser huan sesen inijuanti elqui se tlayacanquetl tlen nopa familias tlen hualajque ipan ya. Huan ni eliyayaj tlacame tlapejpenilme tlen cuali quiixmatiyayaj tlatehu'iaj. Ijcuilijtoc nochi inintoca ipan nopa lista tlen quipiya quejatza tlacajtiyajque tlacame. Huan ipan nopa familia Aser oncayaya 26 mil soldados.

will be added

X\